اعترافات سائق أوبر.. تخلص من زوجته بعد حب الابتدائي

اعترافات تفصيلية أدلى بها سائق أوبر المتهم بالتخلص من طليقته، بعد قيامها بوعده بالعودة إليه مرة أخرى بشرط قيامه بدفع مصروفات تجديد الشقة، إلا أنها قامت عقب ذلك باشتراط قيامه 

قال المتهم أحمد شعبان 3 سنة سائق أوبر في التحقيقات التي باشرتها النيابة بإشراف المستشار عمرو غراب المحامي العام الأول لنيابة أكتوبر الكلية، أنا كنت عايش في السعودية ورجعت إتعرفت على هند إبراهيم وعشنا قصة حب مع بعض و تزوجتها من حوالى 8 سنوات تقريبا في سنه ۲۰۱۵ وكنا قاعدين في شقة في حدائق الاهرام و خلفت منها ولد عنده ٥ سنوات وبنت عندها ٦ سنوات و من حوالى 3 سنين في عام ۲۰۱۸ حصل ما بينا خلافات بسبب إنها كانت عاوزاني اكتب الشقة بتاعتي اللى في فيصل - الطوابق - باسمها و انا كنت برفض راحت رفعت عليا قضية خلع حاولت أراضيها و ارجع الأمور زي الأول قالتلي امضيلى وصل امانه و انا مضيت على ايصالين امانه كل وصل بخمسين الف جنية و بعدها قالتلى شطبلى الشقة اللى كانت مقدمة عليها في الإسكان الاجتماعي رحت شطبهالها وجبتلها العفش اللى فيها كله وكانت هي قاعدة مع اختها و اخوها في بيت ابوها اللي في الهرم وانا كنت بعدى عليها كل أسبوع  يوم الخميس السبت وكنت بديلها فلوس علشان عيالي و انا وهي كلمتني حوالي أربعين يوم علشان اروح اخدها هي و عيالى وأوديهم الشقة اللى في أكتوبر و انا فعلا عديت بشتغل بيها.

قضية الخلع

استطرد المتهم قائلا من شهر ١٢ اللي فات في أوبر و اخدتها و اخدت عيالي والشنط وطلعت بيهم على أكتوبر في السنة وقعدت معاها في الشقة اليوم دي و اتكلمنا وقولتلها كدة خلاص و اتنازلى عن قضية الخلع وقولتلها ان انا اردها بالجماع و هي قالتلي مينفعش تقعد في الشقة معايا كتير علشان أخويه ممكن يجي والجيران لان احنا كدة مطلقين رحت نزلت وعديت عليها تانى يوم لقيتها بتقولى مينفعش تطول في الشقة فا أنا شكيت فيها الصراحة فضلت أراقبها لقيتها راكبة مع واحد سيارة كيا سيراتو رحت لها وقولت لها انا شوفتك راكبة عربية مع واحد قالت لى دى واحدة صاحبتى و انا كنت رايحة مشوار معاها و في يوم الخميس اللي فات الموافق ٢٦-١-۲۰۲۳ على الساعة ٣ العصر كنت رايح لها لقيت واحد نازل من العمارة طلعت عادى و بصيت من الشباك اللى بيطل على واجهة العمارة لقيته راكب عربية كيا سيراتو ومشى روحت فتحت باب الشقة بالمفتاح اللى معايا ودخلت لقيتها لابسة بنطلون جينز اسود تشيرت اسود و فوقية جاكيت فرو و حاطة الطرحة على كتفها نمت على السرير واخدتها في حضنى و فضلت أتكلم معاها و أقولها مش هتتنازلى عن القضية علشان استدرجها في الكلام و اعرف اذا كان الراجل ده نازل من عندها ولا لا و حاولت أخد التليفون منها رفضت رحت قايم من على السرير و لفيت الطرحة اللي كانت على كتفها على رقبتها وقولت لها مين اللي كان نازل من العمارة قالت لى معرفش رحت قولت لها انا شوفتك في عربية كيا سيراتو قبل كدة وقولتي لي صحبتى قالت لى انا اسفة رحت شاد الطرحة اكثر على رقبتها لحد ما أتأكدت انها ماتت وقعدت على الأرض واخدت التليفون فتحته ملقتش حاجة ليلتها حطتها على السرير وخرجت لقيت ابنى صحى من النوم وماسك تليفونه رحت لبسته الكوتشي، وصحيت بنتي لبستها الكوتشي بتاعها برضوا وقولت لهم هنروح عند تيتا سألونى على امهم قولت لهم هي مش هتيجي معانا و رحت اخدتهم و طلعت بيهم عند أمي في الهرم سيبتهم هناك و نزلت طلعت على بنزينة في طريق أبو الهول جبت جركن بنزين كبير لونه احمر حطيته في العربية الجلى اللي شغال عليها اوبر و طلعت على الشقة اللى فيها هند اخدت التليفون بتاعها قفلته و جبت سجادة كانت في غرفة الأطفال وحطيت هند جواها و برمتها و شيلتها نزلتها حطيتها في كنبة العربية ومشيت شوية بالعربية لقيت المنطقة الصحراء اللي بعد البيت روحت شيلت السيجادة ورميتها في الحفرة اللي ما " بينها حجارة و رجعت على العربية اخدت جركن البنزين الأحمر دلقته عليها وولعت بولاعة كانت معايا و رميت الجركن في نفس المكان والولاعة واخدت العربية و جريت بيها و اول امبارح كنت قاعد على قهوة في اللبينى الهرم لقيت ثلاثة لابسين ملكى مسكونى و انا حكيت لهم على كل حاجة حصلت و اخدتهم ورتهم مكان الجثة واخدونى على قسم ثالث أكتوبر وانهاردة عرضونى على النيابة و هو دة كل اللي حصل.