بعد 23 سنة زواج.. سماح قضت على زوجها العرفي وانهت الخلافات للأبد

عاقبت محكمة جنايات الجيزة سماح شحاته 43 سنة عاملة بصيدلية بالسجن المشدد 3 سنوات لقيامها بطعن زوجها بالسكين أثناء الاشتباك  بينهما.

صدر الحكم برئاسة القاضي د. عماد عطية وعضوية القاضيين احمد عبد السلام اللمعي و ايمن عبد الله المنوفي بأمانة سر محمد الجمل وماجد منير.

بدأت التحقيقات بوصول المجني عليه  مصاب بجرح قطعي في منطقة الصدر"شبه نافذ" نتيجة التعدي عليه من قبل زوجته سماح شحاتهوالمصابة بجرح قطعي باليد اليسرى لنشوب خلافات مادية بينهما تطورت إلى الاشتباك بالأيدي والتعدي على بعضهم البعض محدثين مابهما من إصابات.

قالت المتهمة في تحقيقات تيسير دياب وكيل النيابة، ما كنتش قاصدة اقتله، هو أنا فعلا ضربته بالسكين وجت في صدره، وكان قصدي أدافع عن نفسي.

استطردت المتهمة قائلة، أنها تعمل في صيدلية مقابل حصولها على مبلغ 1800 جنيه شهريا، وأنها تزوجت من المجني عليه رمضان سيد عرفي منذ 23 سنة، عشان ما كانش ينفع مأذون يكتب كتابنا لأني مسيحية وزوجي مسلم، ولكن بعد لما خلفنا بنتنا الكبيرة، عملنا دعوى إثبات زواج، وبعد كده حصلت مشاكل ما بينا ورفعت دعوى خلع واتحكم لي فيها بالخلع، وخدت فيها قسيمة الطلاق سنة 2009, ولكن بعد كده ردني ورجعت على ذمته، بجواز عرفي تاني في 2013 تقريبا، عشان العيال اتشردت في الشارع وأنا على ذمته من ساعتها لحد دلوقتي.

أوضحت المتهمة أن الخلافات استمرت بينهما حتى طلب منها زوجها”فني التبريد” الجلوس في البيت وعدم الخروج للعمل، وفوجئت بقيامه بالتعدي عليا بالضرب وقالي ما فيش نزول من البيت ولا فيه مرواح شغل، وفضلت قاعدة في البيت لحد يوم الحد الصبح، وكان اخواتي واخواته بيكلموه  ويقولوله سيبها تنزل ومينفعش تقعدها من الشغل، لكن كان رده ما حدش له دعوه، فشدينا مع بعض في الكلام، وابتدى يضربني بحزام البنطلون، وراح جاب سكينه من المطبخ، وفضل يضربني بضهرها، على دماغي وبعد كده ضربني بسلاحها في أيديوعورني، وفي وسط ما بشده وماسكين في بعض السكينة وقعت منه، فأنا خدتها عشان يخاف أو أهوشه عشان ما يكملش ضرب فيا، لكنفي وسط الضرب والشد، السكينة دخلت في صدره، بس أنا ما كنتش قصدي أضربه أصلا، وبعد كده السكينة ما ثبتتش في جسمه ووقعت،وأنا كنت بنزل دم من أيدي، وهو بينزل دم، فراح فتح باب الشقة ونده على الجيران، واصحابه وجه واحد صاحبه وحده وداه على المستشفى،وأنا رحت على نقطة بشتيل.