حرب كلامية بين الجندي ولوسي ..والأخيرة أنا عندي بلاوي توديه في داهية

تصدر كلاً من الشيخ خالد الجندي والفنانة الراقصة لوسي محركات البحث، وذلك بسبب حرب كلامية دارت بينهما، اختتمتها لوسي في الساعات الأخيرة بتصريحات صحفية لموقع تليجراف مصر، هاجمت فيها الجندي قائلة:"خالد الجندي ملوش دعوه بيه أنا كافرة أنا وحشه كلنا ربنا كاتب علينا اللي بنعمله وهو ايه دخله في حياتي هو ماله ومالي أنا عندي ليه بلاوي خليه يسكت خليه في اللي هو بيعمله أنا ربنا هيحاسبني وهو ربنا هيحاسبه  هو لو ملقنيش نجمة كبيرة مكنش اتكلم عليا علشان محدش كان هيسمعه اتقالي ربنا كتب عليكي تكوني راقصه قلتله ربنا كاتب علينا كل حاجه بنعملها وكل حاجه في ايد ربنا إحنا مخيرين في الأديان قول نصيحه بس متدخلش في حياتنا كفايه اللي احنا فيه والبلد فيه ولو جاب سيرتي تاني مش هسكت".

بداية المشاكل بين خالد الجندي والفنانة لوسي

والبداية بحلول لوسي ضيفة في برنامج"عندي سؤال" على قناة المشهد، وقالت" إن الرقص مش حرام وان الله اختار لها طريق الرقص علشان تمشي عليه وتكمل مسيرتها في الحياة، وإن الرقص رياضة للجسم".

ليخرج الشيخ خالد الجندي عضو المجلي الأعلى للشؤون الإسلامية عن صمته في برنامجه" لعلهم يفقهون" عبر قناة dmc ليرد على تصريحات الراقصة بوسي، ويقول "أنا أتحدث عن رقاصة خرجت وتتكلم نيابة عن الله وتقول أن الله عز وجل هو الذي أراد أن أكون رقاصة وهو الذي اختار لي هذا الطريق".

وأوضح أنه لا ينتقد شخص بعينه ولكن ينتقد تصرفاته وكلامه ، حيث وصف كلامها بأنه من الشيطان قائلاً:" من المفروض لا تتكلم باسم الدين وإذا بليتم فاستتروا، مالكم لا ترجون لله وقارًا، الكارثة والمصيبة أنا عدت الشيطان، الشيطان بيقول ذلك اغواء وهي بتقول إنه رزق وفن وفضيلة..دي كارثة".

واختتم حديثه أنه لا يجوز أن تخرج تلك الأقاويل من أي شخص، ولا بد الالتزام بالصمت أونتجاهل  كلامها نظرًا لأنه يمس الدين فلذلك يجب الرد على هؤلاء من خلال الهواء مباشرة أمام الجميع.