أحمد موسى.. الفريق كامل الوزير حل مشاكل في اجتماع اليوم تعود لـ15 سنه ماضيه

كشف الإعلامي أحمد موسى، تفاصيل اجتماع الفريق كامل الوزير نائب رئيس الوزراء للتنمية الصناعية اليوم، وذلك من أجل بحث مشاكل المستثمرين والمصنعين وحلها، قائلاً: الاجتماع ده كان من المفترض أنه محدد له ساعتين فقط، وسيادة الفريق قعد 5 ساعات عشان يتابع ويحل مشاكل المصنعين والمستثمرين.

وتابع أحمد موسى، خلال تقديم لحلقة جديدة من برنامج على مسئوليتي الذي يبث على قناة صدى البلد، أن الفريق كامل الوزير قام بحل مشاكل نحو 73 مصنع في اجتماع اليوم الذي استمر لمدة 5 ساعات، وأن كامل الوزير لديه القرار والشجاعة لحل جميع مشكلات المصنعين.

وتابع الإعلامي أحمد موسى: ضيعنا وقت طويل في موضوع الصناعة، ومحدش يزعل من كلامي، إن فيه حلول تتم في هذا الاجتماع لمشاكل بقالها أكتر من 15 سنة، يبقى إحنا كنا في أزمة كبيرة فعلا.

وأردف أحمد موسى: محدش كان بيقعد مع المصنعين والمستثمرين قبل كدة، ومكنش حد بيسمع حد، ده فيهم واحد جاي من المنيا عشان إمضاء بسيطة عشان يشغل مصنعه المتوقف بقاله كام سنة ومحدش كان راضي يحل ليه مشكلته.

ووجه الإعلامي أحمد موسى، رسالة عتاب إلى المسؤولين السابقين الذين لم يسعوا لحل مشاكل المصنعين والمستثمرين، قائلاً: ليه ظلمتوا الناس دي، ده كل ده عبارة عن فلوس برا وجوا البلد، كل هذا إنتاج ضايع، لماذا كنا نعطل مصالح البشر بهذا الشكل ده! دول ناس عايزين يشتغلوا في بلدهم ويخدموها.

واختتم أحمد موسى: شعركم هيقف، لإن المشكلات دي كلها كانت أمور سهلة وبسيطة أوي، وكان ممكن أي حد يحلها، دي مكنتش تستاهل يتم تعطيلها السنين اللي فاتت دي، ولكن مفيش إرادة.