تصريح مثير من الفنان محمد الشرنوبي حول أزمة شيرين عبدالوهاب

كشف الفنان محمد الشرنوبي عبر حسابه الشخصي انستجرام عن معاناته منذ سنوات عن مشكلة تشبه المشكلة التي تواجهها الفنانة شيرين عبد الوهاب مع شركة "روتانا".

ونشر الفنان محمد الشرنوبي ، مقطع فيديو عبر حسابه الشخصي إنستجرام قائلاً :"بخصوص موضوع شيرين أنا مش فارق معايا أي حاجة غير إني سمعت صوت شيرين ... وإن إحنا جمهورك مستمتعين بالأغاني الجديدة ... ويارب المشكلة بينك وبين روتانا تخلص في أسرع وقت علشان الأغاني تنزل بشكل طبيعي".

أزمة محمد الشرنوبي مع سارة الطباخ

وأضاف الشرنوبي ، "أنا بقالي 5 سنين في قضايا ومشاكل مع سارة الطباخ ، أو الشركة اللي كنت ماضي معاها ... وفي 24 مايو 2022 طلع حكم بانتهاء عقدى وطلعت الشركة قالت العقد لم ينتهي، وقعدنا شوية لحد ما طلع 3 أحكام تؤكد إن العقد انتهى وإني معنديش أي التزامات بأي شركة إنتاج وبدأت أشتغل مع واحدة من أهم الشركات في الوطن العربي".

وأشار الشرنوبي إلى أن احدث اغانيه الجديدة تطرح على كل المنصات بشكل طبيعي وقانوني باستثناء يوتيوب ، وإن المشكلة اللي بتواجهنا إن الأغاني بتفضل موجودة على كل المنصات لأن موقفنا سليم و لكن في ثغرة في قانون يوتيوب مش عارفين نتعامل معاها و ثغرة معمولة علشان تحمي حقوق الناس وهي حاجة اسمها سترايك لو حد عملها يوتيوب بيحذف الأغنية ويدي مهلة 10 أيام لصاحب الـ سترايك يرفع قضية، ولو رفعها الأغنية يتم حذفها لحين حل القضية في المحاكم، وده ممكن ياخد من 8 إلى 10 شهور".

 الشرنوبي : انا مكمل وهنزل أغنية يوم الأربعاء 

وانهي محمد الشرنوبي الفيديو على أنه على طرح أغانيه الجديدة قائل : "مش عارف أخرة اللي بيحصل ده إيه و أنا مكمل و هنزل أغنية يوم الأربعاء ، ومش هسكت عن حقي ، و مش هسيب حد يتعدى على حقوقى إني أغنى ، وأسمعكم الاغاني اللي بعملها ، أنا تقريبا عامل 30 أغنية وشايل الحاجات الحلوة مش عايز أحرقها".

أغنية عسل حياتي لـ شيرين عبدالوهاب 

والجدير بالذكر أنه بعد طرح اغنية لشيرين في الساعات الأخيرة حذفت الأغنية تحمل عنوان "عسل حياتي" بسبب خلافها مع شركة روتانا.

أغنية عسل حياتي من كلمات وألحان عزيز الشافعى، توزيع نابلسي، مكس وماستر خالد سند.