هدير عبد الرازق تنفجر: طليقي حوّل حياتي لجحيم وهددني بمية النار والقتل

عادت البلوجر هدير عبد الرازق لتكشف عن تفاصيل جديدة أثارت جدلًا واسعًا عبر حسابها على إنستجرام، حيث سردت معاناتها مع طليقها واتهمته بتدمير حياتها والاعتداء عليها نفسيًا وجسديًا، مؤكدة أنها تعرضت لتهديدات بالقتل أو التشويه بمياه النار في حال تحدثت.

نشرت هدير عبد الرازق قائلة: “تخيلي في يوم من الأيام تصحي من النوم تلاقي حياتك اتشقلبت رأسًا على عقب، اتدمرت بمعنى الكلمة، وبعد فترة تكتشفي أن اللي دمرك ودمر حياتك هو أكثر حد كنتِ فاكرة إنه هيكون سند وظهر وحياة”.

وأوضحت هدير عبد الرازق، أنها تعرضت لأكبر صدمة في حياتها بقولها: "أنا بقى وقعت وقعة ومحدش سمي عليّ كالعادة. والنهاردة اكتشفت كارثة وصدمتي الأكبر في إن أكثر إنسان كنت عاوزاه في حياتي هو اللي أذاني نفسيًا وجسديًا ودمرلي حياتي، هو وعلاقته المشبوهة بطليقته الحرباية، ثعبان على شكل بني آدم، أعوذ بالله، ده غير حاجات كتير قوي ومصايب أكتر وأكتر."

وأضافت هدير عبد الرازق ، أنها مهددة بالقتل أو التشويه قائلة: "أنا نفسي حقيقي أصرخ وأتكلم، بس للأسف أنا مهددة إني لو فتحت بوقي هتقتل أو هتحبس تاني، بس بطريقة أبشع من الأولانية، أو هيتشوه وشي بمية نار، بس أنا بصراحة قررت إني لا هخاف ولا هسكت، وهتكلم وهحكي كل حاجة."

كما أشارت هدير عبد الرازق ، إلى تسجيل صوتي ستقوم بنشره يوضح الأمور قائلة: "هفرجكم على ريكورد بيفسر بالضبط مين اللي كان ورا كل حاجة حصلتلي وليه. وبعدها هطلع لايف أحكي كل حاجة."

وأوضحت هدير عبد الرازق ، أنها لا تسعى للتمسك بأي علاقة، وقالت: "أنا أصلًا لا بلزق في حد ولا بجري ورا حد، ياريت اللي عنده معزة يلمها. مش أنا اللي بجري على بيوت الناس أكسر بابها وأعتدي بالضرب على مراتي، وأشوهها وأهددها بالقتل أو التشويه، وأجرجرها وأسحلها في الشارع، وأفرج الناس عليها، وبعدها أهددها إنه لو فتحت بوقها هتتقتل."

تصريحات هدير عبد الرازق ، جاءت بعد انتشار فيديوهات مخلة لها على السوشيال ميديا، حيث أكدت أن الشخص الذي ظهر معها في الفيديو هو زوجها خلال تلك الفترة، وليس هناك علاقة آثمة كما تم الترويج له.