رانيا يوسف عن تحويلها للتحقيق في فيلم «أوراق التاروت».. أنا مالي هو أنا اللي جبت البلوجر

أثار فيلم أوراق التاروت الجدل خلال الأيام الماضية، بعد  قرار الدكتور أشرف ذكي، نقيب الممثلين بتحويل صناع العمل إلى التحقيق، بسسب ظهور البلوجر علي غزلان في الفيلم، مما دفع رانيا يوسف للتعليق بشأن هذا الخبر في تصريحات لها. 

وصرحت الفنانة رانيا يوسف خلال لقائها ببرنامج ET بالعربي، عن عدم معرفتها بقرار وقف الفيلم وقالت:«أنا أول مرة أعرف أن أبطال الفيلم اتحولوا للتحقيق وعرفت دا من السوشيال ميديا، وأنا ماعرفش أي معلومات جديدة لأن الفيلم دا صورناه من سنتين وكان فاضل لينا يوم أو أتنين وظي حاجه ترجع للمنتج أحنا مالناش دخل خالص».

رانيا يوسف عن تحولها للتحقيق: هو أنا اللي جبت البلوجر

ودافعت رانيا يوسف عن نفسها في قرار تحولها للتحقيق بسبب الفيلم وقالت:«وأنا هاتحول للتحقيق ليه هو أنا اللي جبت البلوجر، وبصراحة أشك أن دكتور أشرف قال كدا، والمفروض المنتج هو اللي يتحول للتحقيق أحنا دخلنا أيه، وأنا أصلا أول مرة أعرف أن فيه بلوجر معانا في الفيلم، ليعمل ايه؟ وبيمثل دور أيه؟”.

رانيا يوسف: الناس بتحاربني بسبب نجاحي في عمر أفندي 

وتابعت رانيا:«هما شافوا نجاحي الكبير في عمر أفندي وفيه ناس كتير مش بتحب النجاح وبتحاربه وهما سابوا البغبغان والقطة ومسكوا في البوبي اللطيف والطيب»، عندما سؤلت عن أنها دائمًا ما تثير الجدل.

وقالت:«شخصية فيلم التاروت عندها كلب في بيتها أيه المشكلة بجد، ما هو كان فيه كلب في مهرجان فينيسيا وماحدش علق، ولكن بما إن رانيا دايمًا تريند هما اللي بيثيروا الجدل مع نفسهم، وانا الحمد لله بشتغل وبنجح، ونجاحي بيضايق ناس كتير».