تامر حسني يشيد بإنجازات مجدي يعقوب: «لازم نعمله أكبر تكريم إنساني في التاريخ»

أشاد الفنان تامر حسني بإنجازات الدكتور مجدي يعقوب، إذ ابتكر صمامات قلب حية مصنوعة من ألياف، وتعمل كـ«سقالة» يتم غرسها لتتكامل مع خلايا الجسم، وتذوب تدريجيًا لتترك خلفها صمامًا حيًا مكونًا من أنسجة المريض نفسه.

مجدي يعقوب يهب حياته لخدمة البشرية

وقال تامر حسني في منشور له عبر صفحته الرسمية على موقع تبادل الصور والفيديوهات الشهير «إنستجرام»: «اللي ميعرفش.. أولاً وأنا طفل كان عندنا درس في العربي اسمُه مجدي يعقوب عشان كان أول طبيب في العالم يعمل عملية زرع قلب وكانت تقريبا سنة 1980، يعني الراجل ده أسطورة في عالم الطب من سنين كتيرة مش من دلوقتي.. وثانيا الرجل الملاك وهب كل حياته لخدمة البشرية عارفين يعني إيه كل حياته لحظة بلحظة لخدمة البشرية لخدمة ولادنا لخدمة الإنسانية لخدمة الطب وكل دكاترة المستقبل».

مجدي يعقوب يحقق معجزة طبية

وتابع تامر: «النهاردة دكتور مجدي يعقوب بيحقق كمان إعجاز طبي جديد بعد 45 عاما من أول إنجاز يعني بصراحة الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزة طبية مفيش ولا دكتور في العالم عملها إلا دكتورنا المصري العربي حاجة تشرف أوي حاجة عظيمة أوي الراجل ده لازم يبقى في شوارع و ميادين باسُمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي».

السير مجدي يعقوب يبتكر صمامات قلب حية

وفي خطوة طبية جديدة وصفت بـ «الثورية»، كشف الجراح المصري العالمي السير «مجدي يعقوب»، عن ابتكار جديد قد يُحدث تحولًا كبيرًا في علاج أمراض القلب، يتناول صمامات قلب حية يمكن زراعتها في جسم المريض، وهي صمامات طبيعية تتشكل من خلايا الجسم نفسه، وقد تساهم هذه التقنية في حل العديد من المشكلات التي يعاني منها مرضى القلب.