الزوجة للنيابة: وافقته على بيع الشقة.. طالبني ببيع العفش.. رفضت ولع فيها

كشفت تحقيقات احمد حمدی وكيل نيابة قليوب أنه تبلغ لعمليات المركز من نجدة شبرا بنشوب حريق بشقه بناحية منطي و بالانتقال تبين أن الحريق بشقة مكونة من حجرتين و صالة ومطبخ و حمام بالدور الثامن و بالفحص تبين أن الشقة مشتعلة بها النيران و تم اخماد النيران بمعرفة سيارا ت المطافي و الأهالي و تبين أن الشقة مملوكة للمواطنة هناء قناوي و بسؤالها عن سبب و كيفية اشعال النيران قررت بأن زوجها محمود جمال قام باشعال النيران داخل الشقة لاجبارها علي بيع الشقة مما أدي إلي وقوع الحريق، وتوجهت الزوجة إلى رجال الشرطة و أبلغت بتضررها من زوجها محمود جمال لقيامه باشعال النيران داخل الشقة.

وتمكن النقيب عمرو رضوان من ضبط الزوج وبمواجهته اعترف بارتكابه للواقعة و سكب كمية من الجاز من وابور جاز و اضرام النيران بالشقة لوجود خلافات زوجية فيما بينهما.

شكوى الزوجة

قالت الزوجة في تحقيقات النيابة العامة، أن عمرها 43 سنة ربة منزل، وإن اللي حصل امبارح ۲۰۲۳/۳/۱۰ الساعه 9:00 مساء تقريبا كنت قاعده في البيت و جوزي كان نايم و بعدها صحي من النوم و قالي فجأه يلا نبيع البيت يحسن يولع في الشقه و فيا و رمي جاز في الشقة في أوضة النوم فأنا خوفت و نزلت معاه للمحامي عشان نبيع الشقة بس هو كان عايزني أبيع الغساله و العفش كمان و أنا رفضت ساعتها و قولت مش هبيع الشقة ولا العفش فهو مسكني و نزلني الشارع و سحلني و الناس قعدت تتفرج بس بعدها بشوية فيه ناس جت حاشت و سلكتني منه و بعدها روحت عشان أبلغ الشرطة إنه هيولع في الشقة عشان يلحقوني و لفيت و قعدت أدور علي تليفون و بعدها رجعت لقيت جارتي نازله بسرعة من البيت و بتقولي إن جوزي ولع في الشقة و الجيران حاولت تتطفي النار بس معرفوش يطفوها و اتصلنا بالمطافي جت طفت الحريق و بعدها البوليس جه و روحت معاهم اعمل محضر و هو ده اللي حصل، وأنا مشوفتش الشقة وهي بتتحرق ولابعد متحرقت بس قبل الحريق والكلام ده کله جوزي رمي جاز علي فرش الشقة في أوضه النوم و الهدوم قبل من نزل للمحامي و الشقة ايجار قديم وأنا معايا العقد و الشقة باسمي وفيها العفش بتاعها و باجور الجاز و كان فيه انبوبه جاز بس جار ليا خدها و نزل بيها قبل متولع.. وهو جوزي و فيه خلافات زوجيه بيني و بينه عشان هو مقصر في بيته و مديونين بسببه و هو عايز يبيع الشقة و ياخد فلوسها.