سيد عبدالحفيظ يهاجم انسحاب الأهلي من القمة...قرار غير محسوب وموقف محرج للإدارة

انتقد سيد عبدالحفيظ نجم الأهلي السابق قرار النادي بالانسحاب من مباراة القمة أمام الزمالك معتبرًا أن الأهلي كان يجب أن يخوض اللقاء بدلًا من التراجع في اللحظات الأخيرة.

وقال عبدالحفيظ خلال تصريحاته التليفزيونية على شاشة «إم بي سي مصر 2»:
"أنا شايف إن الأهلي كان يلعب المباراة ومهما حصل من اعتراض أو خلاف في الآخر لازم نكمل ونلعب."

وتابع: "التحكيم المصري محتاج وقت طويل علشان نقدر نعتمد عليه لازم 3 أو 4 خبراء أجانب يطوروا من مستوى الحكام من الناحية الفنية والشخصية وطريقة التعامل بينهم."

وأضاف: "الأهلي واخد سمعة مش حقيقية خالص الناس دايمًا بتقول الحكام بيجاملوا الأهلي وده غير صحيح وأنا ضد نظرية المؤامرة اللي بيرددها البعض."

وعن تعامل الأهلي مع الأندية الأخرى قال عبدالحفيظ: "أنا بلوم مجلس الإدارة الأهلي بيتعامل بأصل مع الجميع وفي المقابل بيتعرض لنكران كبير، مش أول مرة يحصل كده."

واستشهد بعدة مواقف تاريخية قائلًا: "الخناقات دي مش جديدة الزمالك وبيراميدز كانوا طرف في أزمات وفي 2017 الزمالك ومصر المقاصة كانوا ضد الأهلي، وحتى في 2018 الإسماعيلي وافق يلعب في بتروسبورت بس علشان إحنا كنا متضايقين وكان القرار بمشورة زملكاوية."

وختم تصريحاته قائلًا: "ممكن أزعل وأعترض لكن ألعب المباراة مش دايمًا الطيبة بتنفع."