مي عمر: استعنا براقصة محترفة في "إش إش".. والرقص لا يتعدى 8 دقائق في المسلسل

مي عمر: استعنا براقصة محترفة في "إش إش".. والرقص لا يتعدى 8 دقائق في المسلسل

ردّت الفنانة مي عمر على الانتقادات الموجهة لمسلسلها الرمضاني الجديد "إش إش"، بسبب احتوائه على مشاهد رقص، مؤكدة أن العمل لا يتمحور حول الرقص بل يتناول قصة اجتماعية داخل عالم مختلف.

"ماخفتش أقدم رقاصة في رمضان"

قالت مي عمر خلال لقائها في برنامج "الحكاية":"ماخفتش إني أقدم رقاصة في رمضان لأني عارفة التناول اللي واخدين منه الموضوع عامل إزاي ،في ناس كتير كانوا فاكرين إننا بنقدم قصة حياة رقاصة وصعودها، لكن إحنا مش كده خالص، إحنا قصة اجتماعية لكن في إطار مختلف."

وأضافت:"عالم الرقاصة عمل لغة جسد وشكل مختلف، وده اللي كنا عايزين نوصل له. 

طريقة كلامها، لبسها، وحتى الحيل بتاعتها مش زي أي حد تاني، وده اللي حاولنا نوصله. الهدف مش الرقص، والمسلسل فيه ٣ أو ٤ رقصات فقط، مدتها لا تتعدى ٨ دقائق."

"الرقص مش الهدف.. لكنه جزء من العالم اللي بنعرضه"

وتابعت:"الرقاصة اتقدمت مليون مرة قبل كده في السينما والدراما، لكن المهم هو التناول. في "إش إش" مفيش أي مشهد يخليك تقول إزاي ده بيتعرض في رمضان، على العكس تمامًا، ده كان من أصعب الحاجات اللي اشتغلنا عليها، علشان نوصل فكرة إنها رقاصة بلبس مش مكشوف."

"استعنا بدوبلير لتقديم مشاهد الرقص باحترافية"

وحول الاستعانة برقاصة محترفة، أوضحت مي عمر:"الدور كان محتاج رقاصة، فاضطريت أتمرن كتير جدًا. وفيه مشاهد استعنا فيها برَاقصة بديلة (دوبلير)، لأن بعض الحركات كانت محتاجة احتراف. 

إحنا مش عايزين نقدم هاوية، دي رقاصة بتشتغل في أفراح الشوارع، وده لازم يكون باين."

أبطال مسلسل "إش إش"

مسلسل "إش إش" من تأليف وإخراج محمد سامي، ويشارك في بطولته نخبة من النجوم، منهم:ماجد المصري، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله.

ويضم المسلسل أيضًا عددًا من ضيوف الشرف، أبرزهم: محمد ممدوح، خالد الصاوي، كريم فهمي، محمد عبدالرحمن، أحمد زاهر.

قصة مسلسل "إش إش"

تدور أحداث المسلسل حول فتاة تُدعى "إش إش"، ترث عن والدتها الجمال والفقر، وتضطر للعمل كراقصة تدخل مصادفةً في حياة عائلة "الجريتلي"، لتكتشف أن ما تمر به ما هو إلا امتداد لأسرار قديمة مدفونة داخل هذه العائلة.