اتهام بالخيانة وعدم المهنية.. تفاصيل واقعة هبة قطب وعامل التوصيل

كشفت الدكتورة هبة قطب، استشارية العلاقات الزوجية، عن استيائها من تعامل «عامل الدليفري» أحد سائقي شركة توصيل شهيرة، بعدما تعرضت لموقف وصفته بأنه غير مهني، بعدما تهرب العامل من مسؤوليته وحظر رقمها.

تفاصيل واقعة هبة قطب وعامل الدليفري 

وقالت هبة قطب عبر صفحتها الرسمية بموقع التواصل الاجتماعي الشهير «فيسبوك»: «النهارده حصل الآتي طلبت أوبر سكوتر عشان يوصل الـ package اللي باين في الصورة دة استلمه مني وربطه وكله تمام عشان يوصله التجمع لأني لازم الحق حد مسافر النهارده ضروري كلمني وهو في نص السكة وقال لي إنه وقع منه ع الدائري وباظ والعربيات داست عليه قلت له مفيش مشكلة. برضو وصله قعد يقاوح شوية وبعدين قال لي تمام عوضاه وبعدها مباشرة أنهى الرحلة وطبعا الفلوس اتخصمت وعمل لي بلوك الشخص ده اسمه محمد ورقم السكوتر (س م ..٢٢)».

وأضافت: «تحديث: على فكرة العلبة ماكانش فيها حلويات زي ما الناس كاتبة. بصرف النظر كان فيها إيه عشان ده ما يخصش حد، لكن هي كانت في أمانة السائق وهو خان الأمانة وريح دماغه وأنهى الرحلة وخد فلوسها وعمل بلوك بغض النظر عن ضرورة توصيل الطرد لأنه كان لازم يسافر النهارده مع حد وبصرف النظر عن قيمته وتمنه وموضوع الواتساب هو كان بيتصل من رقم أوبر مفيش عليه واتساب. وأنا شاكة أصلا أن الصورة هي صورة الطرد بتاعي لأنها مش باين لها أي ملامح».

رد محمد عامل الدليفري 

ورد محمد «عامل الدليفري» على اتهامات «قطب» في تصريحات صحفية، ونفى أنه قام بخيانة الأمانة أو انه حظر رقمها، إذ قال إنه تلقى أوردر وذهب لأخذه، فأعطاه أحد الأشخاص علبة من الحلوى وطلب منه توصيلها لمكان معين.

وأضاف: «بعد 25 كيلومتر الحبل فكّ ووقع مني في وسط الدائري، اتصلت بالدكتورة هبة قطب وشرحت لها الموقف، وقلت لها مستعد لأي حاجة تقوليها، قالتلي أنا مش هقبل بأي حاجة غير إنك ترجع تلمّ الحلويات وتبعتها للمكان اللي طلبته».

وتابع: «حاولت أعمل كده مرتين، لكن معرفتش، لأن حياتي كانت هتبقى في خطر. اتصلت بها وطلبت رقمها الشخصي أكتر من مرة علشان أصوّر لها الأورود علشان متقولش إني أخدته، لكنها رفضت تديني رقمها، فاضطريت ألغي الرحلة وقلت إن في مشكلة، واتهمتني إني عملت لها حظر لكن ده محصلش، وقلت لها أكتر من مرة إني مستعد أتكفل بفلوس الأوردر، لكنها رفضت».