"انا مش رقم 4".. تامر حسني يفتح النار على فنان شهير.. ما السبب ؟

  تامر حسني يهاجم فنانًا كبيرًا بسبب "ترتيب الألبومات": "كنت رقم 1 واحترمتك"

شن الفنان تامر حسني هجومًا غير مباشر على فنان كبير، لم يحدد أسمه، عبر حسابه الرسمي على موقع "إنستجرام"، وذلك بعد أن نشر الأخير صورة تشير إلى أن تامر حسني في المركز الرابع ضمن ترتيب الألبومات.

وقال حسني في منشوره: "مش غريبة شوية لما الفنان الكبير اللي بحبه وبقدّره، ينزل صورتي في الستوري بكذا طريقة إن أنا رقم 4؟ وهو عارف إن ألبومي مش رقم 4، بدليل ترتيب تريند اليوتيوب اللي احتله ألبومي بالكامل، وكنت رقم 1 من أول يوم".

وأضاف: "برضو ناس جمعتلي النتائج دي بس منزلتهاش، لأن الترتيب بيتغير باستمرار، وده شيء طبيعي بيحصل لينا وللزملاء لما بينجحوا... المهم إن ألبوم (لينا معاد) الناس بتتكلم عنه بكل خير، وأنا تعبت فيه، وده اللي يهمني".

وتابع تامر حسني: "أنا لما كنت تقريبًا 10 أيام رقم 1 في أسبوع نزول الألبوم، زي ما واضح في الفيديو، أغانيا كانت أعلى في التريند وهو كان تحت... احترمت جمهوره ومحبتهم، وما نزلتش صورته ولا أي منشور بيقول إن ألبومي متفوق عليه".

واختتم الفنان تصريحاته قائلًا: "كنت بحتفل مع جمهوري من غير ما أذكر أو ألمّح لأي فنان، احتراما لمجهوده... بس مش عارف هو ليه عمل كده، لأنه أكبر من كده ومش محتاج ده... وعموما، ألف مبروك ليه".