خليك في حالك وكل عيش.. السواق يعترف للنيابة: خلص على قاسم وهددني

أدلى المتهم الثاني محمد حماد آدم 22 سنة سائق سوداني الجنسية باعترافات تفصيلية في تحقيقات النيابة العامة التي أجريت في واقعة مقتل قاسم.ف والتي ارتكبها المتهم عبد الكريم فايز منشاوي في مارس 2021.

قال المتهم باحراز وحيازة بندقية آلية وخمس طلقات مع المتهم الأول، "أنا شغال سواق عند عبد الكريم البرقي بوصله أي مكان يقولي عليه، واحنا كل يوم بنروح المهندسين وبيقابل واحد اسمه اسلام في شارع أحمد عرابي وكان شكله جارد في يوم قابلناه على دائري البراجيل واداله بندقية وخدناها وطلعنا على قرية أبو غالب، راح عبد الكريم لبيت عبد الونيس البرقي اللي شهرته محمود وهو ابن اخو عبد الكريم وكان على العشا كده وكان قاسم قاعد هناك راح عبد الكريم قال لقاسم تعالى معايا قاله أنا عندي بكره شغل، قاله تعالى عشان نتحاسب وتاخد فلوسك، راح ركب معانا وروحنا ناحية البوابات ودخلنا على الطريق الإقليمي ونزلنا مدق على اليمين وبعدين لقيت عبد الكريم بيقول لقاسم ينفع نضرب طلقتين هنا، رد عليه قاسم قاله ينفع، وبعد كده قاله هات البندقية راح أداله البندقية وعبد الكريم خدها ورجع ورا مترين وراح ضرب بيها طلقتين ناحية قاسم وبعد كده لقيت قاسم وقع على ظهره في الأرض ورجع عبد الكريم العربية وكان معاه البندقية وقالي خليك في حالك وكل عيش عشان مصيرك ميبقاش زيه وبعدين قالي أطلع على الجيزة، وراح فندق قدام جنينة الحيوانات وقابل إسلام تاني، والكلام ده حصل من 4 شهور.

استطرد المتهم قائلا أنه كان يقود سيارة رنج روفر 2020، وهي ملك المتهم، وكل شوية معاه عربية، وذكر المتهم أنه لا يعرف عما إذا كانت هناك علاقة بين المجني عليه قاسم وزوجة المتهم نشوى التي كانت ترتدي نقاب دوما، وتقيم في شقة بالمهندسين، ومرات أخرى بفندق بجوار حديقة الحيوانات وأنه لم يشاهدها في منطقة أبو غالب بجانب أنه كان يعلم أن بيت أهلها في العاشر بجسر السويس.

قرار المحكمة

يذكر أن محكمة جنايات الجيزة، بإجماع أراء أعضائها، قررت إرسال أوراق المتهم عبد الكريم فايز منشاوي 43 سنة مزارع بمنطقة أبو غالب بمنشأة القناطر، إلى فضيلة مفتى الجمهورية، لإبداء الرأي الشرعي، في إصدار الحكم بإعدام المتهم، لقيامه في مارس 2021 بقتل المجني عليه قاسم. ف عمدا مع سبق الإصرار، بأن بيت النية على إزهاق روجه إثر خلف بينهما لشكه بأن المجني عليه وراء ترويج شائعات في بلده بأنه زوجته-المتهم- على علاقة بآخرين.

صدر القرار برئاسة المستشار أحمد دهشان وعضوية المستشارين ياسر إبراهيم ومحمد سليمان بحضور أحمد أيمن وكيل نيابة كرداسة بأمانة سر صبحي عبد الحميد وعصام حسين.