أصدقاء قاتلي مدرس الإنجليزي ببولاق للنيابة: ما كناش مصدقين اعترافاتهم لينا
كشف أقوال أصدقاء المتهمين بالتخلص من مدرس الإنجليزي بمنطقة بولاق الدكرور، تفاصيل مثيرة حول اعترافات الجناة لهم عقب ارتكابهم جريمتهم الشنعاء بالتخلص من المدرس وسرقة أمواله لسداد مديونيتهما.
قرر محمد رمضان ۲۷ عامل بكافيه علاقته باحمد الشيخ و احمد الهاشمي المتهمين بقتل مدرس الإنجليزي وسرقته قائلا احمد الهاشمي اعرفه من المنطقه اللي ساكن فيها و عرفته من حوالى ٣ سنين و بدأت علاقتي بيه تزيد لما والدته اتوفت و كنت بساعده اجبله شغل و اشتغلنا فتره مع بعض, و احمد الشيخ عرفته عن طريق احمد الهاشمي, بس معرفوش اوى اشتغلنا فتره صغيره مع بعض و بعد كده بعدنا و بقيت اشوفه كل فين و فين.
س: و هل يوجد فيما بينك و بين المتهمين سالفي الذكر ثمه خلافات ؟
ج: لا خالص مفيش أى مشاكل خالص بيني و بينهم.
س: و هل نمى إلى علمك ما اقترفاه من قتل المجنى عليه محمد سعد عزوز؟
ج: ايوه
س: و متى نمى الى علمك ذلك تحديدا ؟
ج: انا عرفت يوم الاثنين اللى فات على بليل قبل ما اتمسك بيوم وهما كانوا جولى على كلامهم بعد حوالى ٥ أو ٦ أيام بس كنت عارف قبلها انا و حسن بكام ساعه منه احمد الهاشمي بس كل اللى قاله ان هو قتل و حسن معرفش اى تفاصيل عن القصه.
س: وكيف نمى الى علمك بما ارتكباه ؟
ج : احمد الهاشمی و احمد الشيخ هما اللى حكولى لما كنت قاعد معاهم على قهوه و بيتكلموا.
س: ومن كان برفقتكم حال قيام المتهمان بسرد تفاصيل ما ارتكباه ؟
ج: كنت انا و هشام عبد الحميد
س: وما الذي اخبرك به سالفي الذكر تحديدا ؟
ج: هما جم قالولى انهم كان طالعين يسرقوا واحد اسمه محمد عزوز, وكانوا عاملين قصه ان احمد الشيخ جايب عروسه لمحمد عزوز ده و هي تبقى اخت احمد الهاشمي, عشان يعرفوا يطلعوا احمد ايمن فوق هو كمان, وقالولى انهم كانوا معاهم حاجات عشان يربطوه بيها، وكان معاهم عصير في منوم وكان جايبينه للراجل عشان يشربه، و قالولى ان احمد الشيخ هو اللى طلع الأول، و بعد كده بالطريقه خلى احمد الهاشمي يطلع فوق, و لما طلعوا فوق قعدوا شويه مع الراجل و مشربش من العصير اللى كانوا جايبينه و نزلوا بعدها على أساس ان الموضوع خلص, و بعدها بحبه محمد عزوز كلم احمد الشيخ و قاله انه عايزه, فاحمد طلع لقاه شارب العصير, و لقاه دائخ فكلم احمد الهاشمي عشان يطلعله و لما طلع احمد الهاشمي الراجل محمد عزوز اتصدم لما شافه, فهنا هما بدوا يربطوه و بدأوا يحاولوا معاه انهم يوصلوا للارقام السريه بتاعت الفيز بتاعت الراجل, قعده حبه وفي الآخر وصلوا لارقام فيزا منهم معرفش انهى واحده, و الراجل بدأ يزعق و يعلى صوته, فاحمد الشيخ حاول يغطى بوقه عشان ميعملش دوشه في المكان, و هو بيسكته راح محمد عزوز مات في ايده, و حكولي انهم حطوه تحت السرير و حطه عليه الملل و المرتبه و البطاطين, و بعدها اخدوا الفيز و الفلوس ونزلوا و هما جولى بعد ما عملوا كده بست او خمس أيام تقريبا, وكان وقتها لما حكولى كان معاهم فيزا واحد وتيلفون الراجل و راحوا مكسرينهم و رموا التليفون في ارض قدام قهوه المملكة عند المريوطية, و رموا الفيز في شارع قدام ش العشرين قدام مسجد .
س: و ما هي الأفعال التي بدرت من المتهمين فى قتل المجنى عليه محمد سعد عزوز؟
ج: هما قالولى ان احمد الشيخ لما لقاه بدأ يزعق قام خنقه و احمد الهاشمي كان معاه.
س: وما هي المده التي استغرقها المتهمان لوضع تلك الخطه ؟
ج: هما قالولى انهم قعدوا وقت طويل بس معرفش قد ايه
س: و هل اخبراك مقصدهما من ارتكابها لتلك الواقعة ؟
ج: هما كانوا قايلين انهم كانوا طالعين يسرقوا في الأول بس لما لقوا الموضوع بدأ يكبر و هيفضحوا حاولوا يسكتوه فمات منهم.
س: وما هي المده التي استغرقها المتهمان لتنفيذ تلك الخطة ؟
ج: انا معرفش قعدوا كام ساعه بس هما قالولى انهم طولوا في البيت
س: وما الذى بدر منك حال علمك بما ارتكباه آنذاك ؟
ج: انا اول ما سمعت انا مصدقتش, وكنت بقول لاحمد الهاشمي هو انت متأكد من اللى انت بتحكيه, ولا انت بتشتغلني ، انا كنت فاكرهم انهم بيعملوا فيا مقلب و عمرى ما توقعت ان احمد الهاشمي ممكن تطلع منه حاجه زى كده و وقتها مكنتش عارف اعمل ايه.
س: وهل قمت بإبلاغ الشرطة عما نمى إلى علمك آنذاك ؟
ج: لا
س: وما الذي حال دون ذلك ؟
ج: انا مكنتش مصدق و لحد دلوقتى انا والله ما مصدق, انا في الأول لما احمد الهاشمي جيه قاللى انا عامل مصيبه, انا قلت اتخانق مع حد او ضرب حد, و لما حكى بالتفصيل مصدقتش انا كنت فاكر ان كل ده بيهزر لحد ما الشرطة مسكتنى و عرفت انه فعلا طلع صح مش هزار.
س: وهل كنت على علم بما يخطط له المتهمان من قبل ارتكابهم لتلك الواقعة ؟
ج: لا انا كان نفسى اعرف عشان امنعهم من انهم يعملوا كده.
س: وهل اخبراك المتهمان سالفي فيما قاما بانفاق المال الذي تحصلا عليه من جريمتها ؟
ج: ايوه هما قالولى انهم دفعوا فلوس عليهم لناس.
س: وكيف نمى الى علمهم بأن رجال الشرطة تقوم بالبحث عنهم ؟
ج: في واحد صاحبه معرفش اسمه ايه ساكن جنبه في المنطقة و بلغه ان محمد عزوز مات و شكله اتقتل و الحكومة عماله تدور على اللي قتله
س: وما الذى بدر من المتهمان سالفي الذكر عقب علمهما بذلك ؟
ج: هما كسرو الحاجه اللي سرقوها
س: وما الذي جعل المتهمان سالفي الذكر بتكسير الكروت البنكيه و الهاتف المحمول الخاصين بالمتوفى إلى رحمه مولاه ؟
ج: هما ساعتها عرفوا ان الموضوع اتعرف و مكانوش عارفين يعملوا ايه فده اللي جيه في بالهم.
س: و هل اشتركت معهم في تكسير تلك المسروقات ؟
ج: لا, هما اللى كانوا معاهم الحاجه و هما اللي كسروها.
بينما قرر حسن على جابر ٢٦ سنة صنايعى الوميتال أن احمد الهاشمي ابن عمته واحمد الشيخ عرفه عن طريقه ومشوفتوش غير مره واحده بس.
قال بأنه علم بمقتل مدرس الإنجليزي يوم الاثنين الماضي قبل أن يتم القبض عليه بيومين قائلا هو حكالي على العصر كده انا ومحمد نجم, بس حكى بليل لمحمد نجم و انا مكنتش موجود، وهو كلمني وقالي إنه في مصيبه وقالي إنه قتل ولم يحكي أي تفاصيل أخرى وأنا أول ما سمعت انا مصدقتش كنت فاكره بيهزر و بعد كده ابن عمى تعبان فانا سبتهم و مشيت، ولما جالي تليفون إن هشام عبد الحميد اتمسك فعرفت وقتها ان الكلام اللي قالوهولى ده كان بجد.
س: وما الذي بدر منك آنذاك ؟
ج: انا مكنتش عارف اعمل ايه و لا أقول لمين.
وقرر هشام حافظ سنة ٢٦ صنايعى الوميتال أن احمد الهاشمي اعرفه عن طريق حسن جابر من حوالى 3 سنين وبدأت علاقتي تتطور عشان اشتغلنا فتره مع بعض, و احمد الشيخ انا عرفته قبل ما اتمسك بيومين عن طريق احمد الهاشمي.
س: وهل يوجد فيها بينك و بين المتهمان سالفي الذكر ثمة خلافات ؟
ج: لا خالص مفيش أى مشاكل خالص بيني و بينهم.
س: وهل نمى الى علمك ما اقترفاه من قتل المجنى عليه محمد سعد عزوز ؟
ج: ايوه
س: ومتى نما الى علمك ذلك تحديدا ؟
ج: انا عرفت يوم الاثنين اللي فات على بليل قبل ما اتمسك بيوم و هما كانوا جولى على كلامهم بعد حوالى ٥ او ٦ أيام
س: وكيف نما الى علمك بما ارتكباه ؟
ج: احمد الهاشمی و احمد الشيخ هما اللى حكولى لما كنت قاعد معاهم على قهوه و بيتكلموا
س: ومن كان برفقتكم حال قيام المتهمان بسرد تفاصيل ما ارتكباه
ج: كنت انا و محمد نجم
س: وما الذي اخبرك به سالفي الذكر تحديدا ؟
ج: هما جم قالولى انهم كان طالعين يسرقوا واحد اسمه محمد عزوز, وكانوا عاملين قصه ان احمد الشيخ جايب عروسه لمحمد عزوز ده وهي تبقى اخت احمد الهاشمي, عشان يعرفوا يطلعوا احمد الهاشمي فوق هو كمان, وقالولى أنهم كانوا معاهم حاجات عشان يربطوه بيها, وكان معاهم عصير في منوم وكان جايبينه للراجل عشان يشربه, و قالولي ان احمد الشيخ هو اللى طلع الأول, و بعد كده بالطريقه خلى احمد ايمن يطلع فوق, و لما طلعوا فوق قعدوا شويه مع الراجل و مشريش من العصير اللى كانوا جايبينه و نزولوا بعدها على أساس ان الموضوع خلص ، وبعدها بحبه محمد عزوز كلم احمد الشيخ وقاله انه عايزه, فاحمد طلع لقاه شارب العصير, و لقاه دائع فكلم احمد ايمن عشان يطلعله ولما طلع احمد ابن الراجل محمد عزوز اتصدم لما شافه, فهنا هما بدوا يربطوه و بداوا يحاولوا معاه انهم يوصلوا للارقام السريه بتاعت الفيز بتاعت الراجل, قعده حبه و لما وصلوا لارقام فيزا منهم معرفش انهى واحده ، والراجل بدا يزعق ويعلى صوته, فاحمد الشيخ حاول يغطى بوقه عشان ميعملش دوشه في المكان، و هو بيسكته راح محمد عزوز مات في ايده, و حكولى انهم حطوه تحت السرير و حطه عليه الملل و المرتبه و البطاطين, و بعدها اخدوا الفيز و الفلوس ونزلوا و هما جولى بعد ما عملوا كده بست او خمس أيام تقريبا, وكان وقتها لما حكولي كان معاهم فيزا واحد وتيلفون الراجل وراحوا مكسرينهم ورموا التليفون في ارض قدام قهوه المملكه عند المريوطية, و رموا الفيز في شارع قدام شارع العشرين قدام مسجد.
س: وما هي الأفعال التي بدرت من المتهمين فى قتل المجنى عليه محمد سعد عزوز؟
ج: هما قالولى ان احمد الشيخ لما لقاه بدأ يزعق قام خنقه و احمد الهاشمي كان معاه
س: وما هي المدة التي استغرقها المتهمان لوضع تلك الخطة؟
ج: هما قالولى انهم قعدوا وقت طويل بس معرفش قد أيه
س: وهل اخبراك مقصدهما من ارتكابهما لتلك الواقعة ؟
ج: هما كانوا قايلين انهم كانوا طالعين يسرقوا في الأول بس لما لقوا الموضوع بدأ يكبر وهيفضحوا حاولوا يسكتوه فمات منهم.
س: وما هي المدة التي استغرقها المتهمان لتنفيذ تلك الخطة ؟
ج: انا معرفش قعدوا كام ساعة بس هما قالولى انهم طولوا في البيت.
س: وما قولك فيما ثبت بتحقيقات النيابة العامة من اقوال المتهم أحمد الهاشمى من انه تحصل على عقار كلوزابكس منك ؟
ج: ايوه فعلا هو طلب منى الدواء
س: و هل اخبرك المتهم سالف الذكر فيها سيستخدم ذلك العقار تحديدا ؟
ج: ايوه
س: وما هو الغرض الذي كان يريد ذلك العقار من اجله ؟
ج: هو قالى ان في واحد صاحبه ممسوك عليه صور من واحد, فهو عايز دواء منوم عشان ينيم الراجل و يقدر ياخد تليفونه عشان يسمح الصور
س: وهل قمت باعطائه ذلك العقار ؟
ج: ايوه
س: ومن این استحصلت على ذلك العقار ؟
ج: كان في واحد صاحبى اسمه عز بايت معايا يوم ما جالى احمد الهاشمي وطلب منى الدواء، فانا قلتله ان عز أصلا بياخد منوم اسمه كلوزابكس عشان ينام فقلتله خده لو عايزه.
س: وهل كنت على علم بنية المتهم سالف الذكر حينما طلب منك ذلك العقار في انه سوف يستخدمه لتسهيل جريمة سرقة ؟
ج: لا انا لو كنت اعرف مكنتش هديلوا الدواء, انا كنت فاكر انه عايزه عشان موضوع التليفون ده وانا مشترتش الدواء هو اخده من صاحبي عز اللي كان نايم.
س: وما الذى بدر منك حال علمك بما ارتكباه آنذاك ؟
ج: انا اول ما سمعت انا مصدقتش, وكنت بقول لاحمد الهاشمي هو انت متأكد من اللى انت بتحكيه, ولا انت بتشتغلنى انا كنت فاكرهم انهم بيعملوا فيا مقلب و عمرى ما توقعت ان احمد ايمن ممكن تطلع منه حاجه زى كده و وقتها مكنتش عارف اعمل ايه.
س: وهل قمت بإبلاغ الشرطة عما نما الى علمك آنذاك ؟
ج: لا.
س: وما الذي حال دون ذلك ؟
ج: انا مكنتش مصدق و لحد دلوقتى انا والله ما مصدق, انا في الأول لما احمد الهاشمي جيه قالى انا عامل مصيبه, انا قلت اتخانق مع حد او صرب حد, و لما حكى بالتفصيل مصدقتش انا كنت فاكر ان كل ده بيهزر لحد ما الشرطه مسكتني و عرفت انه فعلا طلع صح مش هزار.
س: وهل كنت على علم بما يخطط له المتهمان من قبل ارتكابهم لتلك الواقعة؟
ج: لا انا كان نفسي اعرف عشان امنعهم من انهم يعملوا كده.
س: وهل اخبراك المتهمان سالفي فيما انفق المال الذي حصلا عليه من جريمتهما؟
ج: ايوه هما قالولي انهم دفعوا فلوس عليهم لناس
س: وكيف نما الى علمهم بان رجال الشرطه تقوم بالبحث عنهم ؟
ج: في واحد صاحبه معرفش اسمه ايه ساكن جنبه في المنطقة و بلغه ان محمد عزوز مات و شكله اتقتل والحكومة عماله تدور على اللي قتله.