اعترافات محمود الاحمدى المتهم باغتيال هشام بركات النائب العام وتفجيره السيارة المفخخة

قال المتهم محمود الاحمدي مسئول مجموعة الهندسة في عملية اغتيال المستشار هشام بركات النائب العام والمتهم بتصنيع العبوات المتفجرة وتفجير السيارة المفخخة التي أدت لاغتيال "بركات" ,  انه بعد عودته من غزة تواصل مع سعيد المنوفي عبر الفيس بوك والذى سبق وان تواصل معه فقام بتعرفيه بشخص يدعي شمس عبر برنامج لاين وبعد عودتي كانت اسمائي الحركية المحمدي وابو المعتصم ومحمد علي وشمس قاللي انه هيجبلي لاب توب علشان نتواصل عليه وطلب مني اقابل واحد في شارع طلعت حرب هيسلمني لاب توب واداني اسمه عبر برنامج لاين وقابلت الشخص ده فعلا لكن انا مش فاكر اسمه واخدت منه لاب توب وكان نوعه DEU وبعد كده شمس بلغني ان ابو عمر " ضابط المخابرات في حماس" عايزني أكلمه واتواصل معه على برنامج TEAM VIEWR علي الانترنت وكلمته فعلا علي الانترنت وطلب مني اني اوفر مواد عشان تصنيع المتفجرات واني ادرب ناس علي التصنيع علشان نبدأ ننفذ عمليات في مصر وفعلا في شهر مارس 2015 شمس بعتلي علي برنامج لاين قوالي انه وفر لي مكان عشان أدرب عناصر علي تصنيع المتفجرات وسألني علي المواد اللى محتاجها فأنا قلتله يجيب كحول وزئبق ومواد أخري وميزان حساس وهو فعلا وفرلي الحاجه اللى طلبتها وأنا رحت استلمتها من واحد اسمه ابراهيم في منطقة الزاوية بالقاهرة واعطاها لي الحركي "صقر" اللى كان في المجموعة بتاعتنا وانا عرفت في الوقت ده صلة بشمس وانا من المسئولين في المجموعة وبيدوا التكليفات لعناصر جماعة الاخوان اللى فيها وبعد ما استلمت الحاجه شمس بلغني ان المكان هيكون في بيت عضو معانا في المجموعة اسمه يوسف واعطاني اسمه علي برنامج لاين علشان اتواصل معاه والدورة ديه بدأت فعلا في ابو حماد بمحافظة الشرقية ويوسف قابلني في محطة القطار بابو حماد ورحت معاه علي بيته والدورة حضرها 3 عناصر من المجموعة وهم يوسف صاحب البيت وابو القاسم الازهري والحركي بتاعه هشام وعضو ثالث اسمه الحركي يحيي وده عينه خضراء وانا درب التلاتة دول في الدورة تدريب نظري لمدة يوم ونصف علي تصنيع العبوات المتفجرة وده كان اول تعامل تنظيمي وبعدها رحنا التل الكبير في الاسماعيلية علشان ادربهم عملي علي تصنيع المتفجرات ورحنا بعربية يوسف وهي عربية تويوتا لونها احمر وقعدنا في مزرعة بتاعة حد تبع يوسف وعلمتهم ازاى يصنعوا عبوة لكن مكنش فيه مواد متفجرة وده كان عن طريق ازاى نضع المواد في العبوة وده عن طريق استخدام الدقيق وبعد لما خلصنا عملنا حادث واحنا راجعين والعربية سقطت في ترعة وراء العاشر من رمضان وطلعناها وبعد كده عدت الي بيت اخي بمنطقة بشتيل بالجيزة وكلمت شمس وابلغته بما تم في الدورة وبعدها اخبرت ابو عمر وبلغته بما تم وبعد حوالي شهر تقريبا شمس بلغني انه يريدني اقوم بتدريب عناصر اخري علي تصنيع المتفجرات وان الدورة دي هتكون في 6 اكتوبر وطلب مني التواصل مع شخص يدعي زكريا وتقابلت معه في فاقوس شرقية عند محمد العطار واول ما قابلته عرفته انه محمد السيد وانا كنت اعرفه من جامعة الازهر لانه كان في نفس كليتي "اللغات والترجمة" وعرفت انه مسئول لوجسيتي مجموعته" وانه يقوم بتوفير الاماكن والشقق اللي هيتم فيها الدورات وهيوفر المواد اللى هنحتاجها في تصنيع المتفجرات وفي اليوم ده محمد السيد قاللي ان الدورة هتكون في محافظة المنيا وان فيه مكان هو هيجهزة عن طريق ابو القاسم الازهري ولكني اجلت الميعاد حوالي اسبوع تقريبا لان والدي كان تعبان في الفترة دي وكان عنده ورم في المخ ودخل مستشفي سيد جلال اللى في غمرة تابع لجامعة الازهر واخويا محمد بيشتغل فيها  والعملية دي ابويا عملها في شهر ابريل 2015 وبعدها محمد السيد طلب مني اروح علشان اشوف المكان اللى في المنيا وانا فعلا اخدت القطار من محطة مصر ونزلت في المنيا وفعلا قابلنا هناك بعد ما اتكلمنا عبر برنامج لاين واخدني من المحطة علي موتوسيكل ومشينا حوالي ساعه لحد ما وصلنا المكان وانا معرفش اسم المكان ده وكان عبارة عن بيت دور واحد وتبعه قطعة ارض علشان التدريب لكن المكان "معجبنيش" لانه كان مكشوف وقلت له ان البيت مش متأمن واخذته ورجعت في نفس اليوم عدت الى القاهرة ثم الشرقية وبلغت شمس علي برنامج لاين وقلتله علي المشكلة اللى حصلت في المنيا وان الشقة غير مؤمنه وطلبته منه توفير مكان تاني فعلا فهو اتفق مع محمد السيد وابو القاسم الازهري علي شقة في 6 أكتوبر بلغني بها محمد السيد وقاللي انها شقة في منطقة ليلة القدر في الحي السادس باكتوبر بالطابق الثاني لكن انا مش عارف اسم الشارع وعرفتها من خلال وصف محمد السيد وفي ذلك اليوم فور وصولي علمت ان د يحي موسي المسئول عنها وتحته شمس وفوكس وان ابو القاسم ومحمد السيد مسئولين عن الدعم وتوفير المقرات واعداد عناصر المجموعة وانا مسئول عن تدريب العناصر علي تصنيع المتفجرات وان المجموعة دي اتعملت عشان ننفذ عمليات كبيرة في البلاد مش زي العمليات بتاعت لجان العمليات النوعية ولما وصلت الشقة كان فيها المواد اللى هنستخدمها في الدورة وانا كنت طلبتها من شمس وهي كانت نفس المواد اللى طلبتها في الدورة اللى اتعملت في بيت يوسف في ابو حماد وابو القاسم جابلي الاكل وحاجات المعيشة اللازمة للثلاث ايام بتاعة الدورة وبعدها مشي هو ومحمد السيد وفي نفس اليوم او تاني يوم بعتولي 3 عناصر من المجموعة بتاعتنا علشان ادرهم وفيهم واحد اسمه ماجد والثاني حركي اسلام وده غير اسلام اللى نفذ معانا عملية اغتيال النائب العام وانا كنت بلغت شمس ان فيه حد عايز ادخله المجموعة عشان ناخد دورة تصنيع المتفجرات وهو اسلام مكاوي وده صاحبي وكان معايا في مجموعة الارباك اللى عملناها في ابو كبير في صيف 2014 واسلام جه فعلا وانا دربتهم هم الاربعة والرابع مش متذكر اسمه ودربتهم نظري على تصنيع المتفجرات بصفة عامة.

     ضابط مخابرات "حماس" و"يحيى موسي" أشرفا علي الإعداد والتنفيذ

أشار المتهم قائلا انه بعد كده طبقتلهم عملي تصنيع المتفجرات في دورة لمدة 3 ايام وبعد ما خلصت كلمت شمس ومحمد السيد وبلغتهم علي الدورة واللى حصل فيها والعناصر اللي كانت في الدورة دي وكل واحد رجع علي المجموعة اللى هو تبعها وتبع المسئول بتاعه ما عدا اسلام مكاوي فكان هيشتغل تحت اشرافي في التصنيع وبعد كده شمس كلمني وقاللي انه هيوفر TNT علشان نستخدمها في العبوات وقاللي ان ابو القاسم راح اسوان عشان يستلمه وانه جايله عن طريق السودان وبعدها جيء بالمتفجرات علي شقة اكتوبر وانا رحت شفته لكن عملت عليه تجربة وطلع مش معمول كويس ومستخدمناهوش ورميته في الزبالة وبعد كده شمس كلمني وقاللي عايزين نعمل عملية كبيرة بعدها محمد السيد قاللي نفس الكلام وقاللي عايزين مواد علشان ننزل نشتغل علي الارض وان ديه تعمليات د يحي موسي مسئول المجموعه وانا طلبت من شمس انه يوفر لي المواد اللى انا محتاجها عشان تصنيع المتفجرات وبعدها بيومين احضر الحركي "صقر" المواد وقمنا بحملها الى الشقة في شهر مايو تقريبا ولان المواد كانت كتير طلبت بنقلها من الشقة وصقر بعت سواق اسمه ابراهيم ومعه ابنه فؤاد واخذ المواد ونقلها لمخزن في الشرقية بمركز ههيا عند عضو المجموعة بتاعتنا اسمه الحركي ياسر شومان وبعدها بعت لي يحي موسي اول مرة علي برنامج لاين وبلغني ان فيه عملية هتتنفذ وعايزني ابص عليها علي الارض علشان العملية هتتنفذ في شخصية مهمة ووصلني باحمد جمال اللى اسمه الحركي علي وده مسئول في مجموعة الرصد في الجماعة بتاعتنا وقاللي ان العملية استهداف النائب العام هشام بركان وعرفني ان فيه مجموعة عندنا رصدته وبعدها تواصلت مع احمد جمال علي اللاين ووصفلي المكان اللى هنتقابل فيه وكان قريب من بيت النائب العام وقابلته بعد اليوم ده بعد العصر تقريبا وكانت اول مرة اشوف احمد جمال ودخلنا النصف الثاني من شهر مايو 2015 وعرفت من احمد جمال انه رصد المكان هو وعناصر من مجموعة الرصد وقاللي علي تفاصيله ورحت معاه وبصيت علي بيت النائب العام وبعدها تواصلت مع د يحي موسي وبلغته باللي حصل وهو قاللي هنرتبلك موعد تاني علشان تشوف المكان تاني وفي الفترة دي انا كنت قاعد مع محمد السيد في شقة الشيخ زايد وبدأت الاتصالات بيني وبين يحي موسي بخصوص استهداف النائب العام وتواصل معانا في الوقت ده ابو عمر الفلسطيني بتاع مخابرات حماس وكان عارف كل حاجه عن موضوع استهداف النائب العام ويعتبر مشرف علي الموضوع لغاية تنفيذه ثم بدأت الفترة دي انسق مع يحي موسي وابو عمر كل حاجه بخصوص تصنيع المتفجرات اللى هتستخدم في العملية والمكان اللى هتتصنع فيه وفيه محادثه بينا كان دخل فيها عضو في المجموعة اسمه الحركي كريم وانا معرفش اسمه الحقيقي ايه وده مسئول في المجموعة لكن ما عرفش دوره ايه وكريم ده انا ما شفتوش غير مرة واحده فقط بعد ما رجعت من غزة بحوالي شهر وقابلته في شقة الشيخ زايد وكان معانا واحد تالت انا معرفوش علشان متكلمناش مع بعض وكريم ده جه علشان يدينا دورة في اعداد القادة والادارة والمحادثة اللى كريم دخل فيها كانت بخصوص المواد اللى هيتصنع بيها المتفجرات وبعد كده بدأت التكليفات تيجي من ابو عمر وقال اننا بنعمل العبوة ازاى فتوجهت بعدها الي ههيا وقابلت عضو في المجموعة بتاعتنا اسمه الحركي اسامه ورحنا علي المزرعة بتاعته وكلمت اسلام مكاوي وطالبته باحضار اليوريا من مخزن ياسر شومان وكان معانا شخص يدعي يحي وده غير يحي بتاع دورة تدريب ابو حماد وقعدنا في المزرعة بتاعة الحركي اسامة حوالي 3 ايام وحاولت اصنع نترات اليوريا زي ما ابو عمر كلفني لكن كان فيه مشكلة في التصنيع وهي عدم وجود بعض المواد وبعدها اخذت 50 كيلو من الكمية الموجودة وركبت قطار من ههيا انا واسلام مكاوي ونزلنا محطة مصر واتفقت مع ابو القاسم انه يقابلني في رمسيس عند مطلع كوبري اكتوبر علشان يستلم نترات اليورية لان كان ذراعي مكسور في الفترة دي وفضل في الجبس شهر ونصف وانا خليت اسلام مكاوي يمشي عشان ما يشوفش ابو القاسم وبعد ما سلمته نترات اليورية حطيته في عربية وقلتله يسبقني علي شقة الشيخ زايد وانا هركب ميكروباص واحصله وبعدها تواصلت مع ابو عمر ويحي موسي واخبرتهم بصعوبة تصنيع العبوة من اليوريا وبعدها ابو عمر بلغني علي البرنامج وقاللي اعمل العبوة المتفجرة من نترات الامونيوم ولها اسم تاني هو خلطة الانفو وبعدها يحي موسي كلمني وبلغني بنفس الكلام اللى قالهولي ابو عمر وكمان الاخير بعت لي ملف وورد علي الاميل بتاعي بخصوص تركيب نترات الامونيوم وانا اصلا كان معايا طريق تركيبها لكن هو بعتهولي للتأكيد والاميل ده انا مش فاكره لان ابو عمر هو اللى كان بيعملي الاميلات وكان معاه الباص وورد بتاعها وبعد ما اتفقنا علي استخدام نترات الامونيوم شمس كلمني واداني الحركي صقر وبدأت أتواصل معه وطلبت المواد اللى عايزها عشان التصنيع وطلبت منه الف كيلو نترات امونيوم ومواد اخري واتفقت معه يرسلهم لي عند محطة قطار ههيا وهو فعلا بعتهم مع سواق عربيه اسمه ابراهيم وابنه فؤاد وركبت معاه العربية ومشينا حوالي 10 دقائق من المحطة في طريق عمومي لغاية ما وصلنا جنب المزرعة وخليته ينزل نترات والاحماض ويمشي بعد كده وركبت توك توك ورحت علي المزرعة بتاعة الحركي اسامة وهو كان مستني فيها وكان معاه الحركي يحي وانا كلمت اسلام مكاوي وجاللي علي المرزعة وبعد طحن وتجهيز الكمية حوالي 60 كيلو تقريبا وضعناها في حقيبتين ثم قمت انا واسلام مكاوي بحملها والتوجه بها عبر القطار الي القاهرة ثم استقلينا ميكروباص من محطة الاسعاف حتي اكتوبر لنضع المواد المتفجرة في شقة اكتوبر وبعدها حضر ابو القاسم ودخل قعد في غرفته لوحده عشان ما يشوفش اسلام مكاوي وبعدها كملت انا واسلام تجهيز العبوة ووضعتها في برميل بلاستيك ازرق اللون شبه برميل المخلل الذى جهزنا فيه المواد المتفجرة والتى شرح كيفية صناعته لها وتركه الصاعق الذى يتم تركيبه يوم تنفيذ العملية مشيرا الي ان صناعة العبوة المتفجرة تم قبل استهداف النائب العام بحوالي 3 أسابيع .

أجريت معاينة مـرتين لـمنزل "بـركـات" بالـنـزهـة

بعدما انتهيت من تحضر العبوة المتفجرة قمت بالاتصال بابو عمر ويحي موسي واخطرتهما بتجهيز العبوة وان الشيء الوحيد الناقص هو جهاز الانذار اللى هنستخدمه في التفجير وبعدها قمت بالتواصل مع احمد محروس واسمه الحركي "حورس" عن طريق يحي موسي واتفقت اني اتقابل معه عند السراج مول في مدينة نصر واتقابلنا فعلا في اخر النص الاول من شهر يونيو 2015 واخذت منه دائرة جهاز انذار عربيات حاجه كده 20 في 20 سم وخارج منه سلكتين للصاعق وسلكين تاني بيتوصلوا ببطاريتين التشغيل وكان بطاريتين 9 فولت وبعد ما اخذت من احمد محروس الحاجه دي طلب من اختبرها الاول وبعدها استنيت كام يوم وكنا دلنا في اخر شهر يونيو وفي الوقت ده كان ابو القاسم جاب عربية اسبرنزا رصاصي علشان نستخدمها في عملية استهداف النائب العام ونحط فيها العبوة المتفجرة ورحت انا وابو القاسم بالعربية واخذنا دائرة جهاز الانذار علشان نتأكد انها شغالة وجربناها في منطقة جنب الشقة عندنا في منطقة الشيخ زايد وانا وصلت جهاز الانذار بلمبة اختبار علي اساس انها الصاعق وانا وقفت علي مسافة 50 متر وكان معايا ريموت كنترول والمسافة حسبتها عن طريق الطبوغرافيا اللى درستها ودست علي ريموت الكنترول وابو القاسم كان بيشوف اللمبة الاختبار ولقاها نورت فتأمدنا ان دائرة جهاز الانذار شغال والريموت ده كان من ضمن الحاجه اللى انا استلمتها من احمد محروس لاني كنت واخد منه اتنين ريموت كنترول بتوع جهاز الانذار وبعد ما أتأكدت ان العبوة وجهاز الانذار شغال بلغت يحي موسي وابو عمر وبعدها يحي موسي اخبرني انه هيتابع مع ابو عمر وبعد كده قاللي ان الميعاد هيكون 28 يونيو 2015 وعرفت من ابو عمر ويحي موسي ان فيه متابعة لرصد خط سير النائب العام مع عناصر مجموعة الرصد واستقروا انهم هيستهدفوا النائب العام عند بيته وفي الوقت ده حددوا نقطة التنفيذ ويحي موسي كلفني اني انزل المكان واعاينه واشوف نقطة التنفيذ اللى هنركن فيه العربية الاسبرنزا واللى جواها البرميل المتفجر ويحي موسي بعتلي صورة المكان ونزلت شاهدته ولفيت فيه علي رجلي وبعد ما خصلت تواصلت مع يحي موسي ودخل في المحادثة الحركي اسلام وهو من المسئولين عن مجموعة الرصد وكانت المحادثة دي عشان ترتيب الامور الاخيرة ولو فيه حد عنده ملاحظه او اقتراح وانا تكلفت من يحي موسي اني هنزل تنفيذ العملية دي وكانوا بعتولي رسائل من تقارير الرصد علي عدد العربيات في موكب النائب العام وخط سيرها وان هيكون معايا ابو القاسم في التنفيذ عشان يصور عملية الاغتيال وانا هيكون دوري اني هفجر العبوة اللي في العربية الاسبرنزا بالريموت كنترول وان فيه ناس كمان هتنفذ العملية ولكن انا ما عرفش اسمائهم ويحي موسي بلغني ان احنا هنقابلهم عند نادي السكة الحديد في مدينة نصر يوم 28 يوينو الساعه 6.30 صباحا ونزلنا من شقة الشيخ زايد وقاد ابو القاسم السيارة وبها المتفجرات ثم قمت باستقلال المواصلات حتي نادي السكة الحديد وبعدها تسلم السيارة عضو مجموعة الرصد لكي يضعها في نقطة التنفيذ .

بمجرد وصولي أمام نادي السكة قابلت ابو القاسم الازهري وحضرت سيارة بتكليف من يحي موسي وكانت كلمة السر "اروح موقف الجمالية ازاى " وهو يرد تعالوا وانا اوصلكم وفعلا ركبنا معاه بعد ما اتعرفنا علي بعض بكلمة السر ووصلنا عند المكان اللي هنقف علشان ننفذ فيه والمكان ده كان عند مدرسة مقابلة لناصية الشارع اللي فيه نقطة التنفيذ واول ما وصلنا العربية الاسبرنزا فقمت بركوبها لتوصيل الدائرة ببرميل المتفجرات ونزلت عن طريق ظهر الكنبه ووضعت الصاعق في مكانه وبعد كده وصلت سلكتين من جهاز الانذار في البطارية وكان السلكتين التانيين متوصليين بالصاعق وكان معايا جهازين بالريموت كنترول وبعد ما اتأكدت ان جهاز الانذار متوصل والعبوة شغالة مع الصاعق نزلت من العربية وكانا معايا الاتنين ريموت كنترول بينما كان قائد السيارة "عضو مجموعة الرصد" جالسا في السيارة "مغطي" وجهه بكاب وبعدها قام قائد السيارة بوضع السيارة في مكان التنفيذ وبعد كده نزل وساب العربية ومشي وفي الوقت ده اجنا كنا مستنيينن اشارة من مسئول رصد موكب النائب العام وكان الحركي اسلام واحنا مسفنهوش في اليوم ده خالص لكن انا كنت بتواصل معاه علي برنامج لاين وبتابع موكب النائب العام اللى هيطلع من عند بيته وفضلنا واقفين في اليوم ده من اول ما وصلنا وكان تقريبا من 8.30 صباحا حتي 10 صباحا لقيت اسلام بيخبرني ان الموكب غير خط سيره فتوجهت لمكان العربية وفتحتها وفصلت الدائرة وبعدها قفلت السيارة وقلت للمجموعة نسيب العربية ونخطر د يحي موسي اللى بلغني اننا هنفذ العملية في اليوم التالي لأن مجموعة الرصد أكدت ان النائب العام بيتحرك من الطريق ده بصفه مستمرة وسبنا العربية في نفس المكان وانا روحت بيت عند محمد اخويا في بشتيل في اليوم ده ويحي موسي اخر النهار اخبرني بان اللى هينفذ العملية دي أنا وابو القاسم واسلام مسئول الرصد واننا هنتقابل عند نادي السكة الحديد وهيكون فيه عنصر رابع مستنينا في عربية وهنركب معاه احنا الثلاثة وبعدها كلمت ابو القاسم واتفقت معاه هنتقابل في السابعة صباحا عند نادي السكة والمكالمة كانت من تليفوني وخط عادي لكن احنا كسرنا الخطوط دي بعد تنفيذ العملية وقمنا بشرائها يوم 27 يونيو 2015 وبعدها حضرت سيارة يقودها يوسف نجم وركبنا معاه العربية وابو القاسم ركب جنبه وانا ركبت وراء وبعد كده جه الحركي اسلام مسئول الرصد وركب جنبي واتحركنا لغاية ما وصلنا ميدان الحجاز واسلام ويوسف نجم غيروا التي شيرتات بتاعتهم وبعد كده الحركي اسلام ارتدي كاب وراح عند بيت النائب العام علشان يبلغنا اول ما الموكب يتحرك واتفق معانا انه بعد التنفيذ هيمشي من طريق تاني ويهرب منه لوحده وبعدها يوسف نجم اتحرك بالعربية لغاية ما وصل بجوار مدرسة اللى امام نقطة التنفيذ اللى فيها العربية الاسبرنزا واول ما نزلت من العربية كنا لابسين كابات علي راسنا ورحنا علي العربية الاسبرنزا وانا فتحتها لان كان معايا المفتاح بتاعها ووصلت الدائرة الكهربائية بتاعة العبوة المتفجرة وكان معي الريموت كنترول وتركت النسخة الاخري في منزل شقيقي ببشتيل وبعد ما وصلت دائرة جهاز الانذار بالعبوة رحت وقفت انا وابو القاسم من الناحية من الطريق عند عمارة جانب المدرسة في وش العربية الاسبرنزا واستنينا اشارة الحركي اسلام لغاية الساعه 9.30 صباحا بلغني ان فيه تحركات لموكب النائب العام وبعد كده بلغني ان الموكب هيتحرك في اتجاهنا وأنا بدأت استعد عشان اجهز العبوة والعربية الاسبرنزا بالريموت كنترول وابو القاسم عشان يستعد يصور عملية استهداف النائب العام وقت التفجير وكان معاه كاميرا سوني لونها اسود جاءته عن طريق يحي موسي وما عرفش مين اللى وصلها له .

اضاف المتهم قائلا انا كنت عارف من مجموعة الرصد ان الموكب بتاعه مكون من 3 عربيات وبيكون في العربية اللى في النص وبعد كده موكب النائب العام بدأ يعدي وكان في بدايته موتوسيكل فرد أمن وقف الطريق علشان يتابع الشارع قبل الموكب ما يعدي واحنا خوفنا ان احنا نكون اتكشفنا لان هو كان قريب مننا لكن محلص اى حاجه وبعدها بدأ الموكب بموتسيكل عدي من عند الناحية اللى فيها نقطة التنفيذ والعربية الاسبرنزا كانت علي يمين اللى راكب الموتوسيكل باتجاه شارع عمار بن ياسر وعدت بعدها اول عربية واول ما العربية التانية جاءت تلف من علي ناصية الشارع اللي واقف عنده عربية التنفيذ انا ضغطت علي زرار الريموت كنترول والعربية الاسبرنزا اتفجرت وكان جنبها العربية التانية الجيب الرصاصي لكنا انا مش عارف نوعها والانفجار كان قوي جدا لدرجة ان انا وابو القاسم وقعنا علي الارض وكانت المسافة بيني وبين عربية النائب العام حوالي 25 او 30 متر تقريبا وبعد كده جرينا ركبنا العربية مع يوسف نجم وابو القاسم كان صور فيديو الاستهداف مدته من 35 الي 40 ثانية وهربنا بالعربية الهيونداي 

بعد التنفيذ اخطرت يحي موسي بتمام العملية وانه بحوزتي كارت الذاكرة الخاص بالكاميرا التصوير وبعدها توجهت لشقيقي محمد بمنطقة بشتيل بالجيزة وكنت قبلها بعتله رساله وقلت له موكب النائب العام استهدف وهو فهم اني انا ليه علاقة بالموضوع وقمت بتفريجه علي الفيديو بتاع استهداف النائب العام وقلت له اني نفذت العملية وبعت ليحي موسي رسالة وقلتله اني عايز ابعت له الفيديو اللي عنده وبعت رساله للحركي كريم واللى كلمني علي اللاين وطلب مني اوصل الميموري اللي عليه الفيديو في اللاب توب وافتح البرنامج واديت لكريم الباسورد وبعد كده اخذت الفيديو ده وكسرته وده بناء علي تكليف يحي موسي وابو عمر ان مفيش حد يحتفظ بالفيديو ده او اي نسخة عنده وفي اليوم ده آخر النهار كتب خبر وفاة النائب العام وانا كنت سعيد بعد سماع الاخبار علي الانترنت لاني كان هدفي الانتقام منه لاصداره أمر بفض اعتصامي رابعة العدوية والنهضة وكان هدفنا هز أركان الدولة وتدل علي قوة مجموعتنا ولمقاومة عزل مرسي في 3 يوليو والذى اضر بجماعة الاخوان بالكامل اللى مجموعتي جزء منها وابو عمربعد العملية كلمني وشجعني وقالي شد حيلك وفي الوقت ده يحي موسي طلب مني اني اقعد في مكان امن ومشتغلش او اتواصل مع افراد المجموعة فترة وانا فعلا فضلت مريح من الشغل مع المجوعة بتاعتي لفترة حوالي شهرين وبعدها بدأت أشتغل تاني وبدأ التواصل مع ابو عمر ويحي موسي يزيد .