عصام صاصا.. ونص تحقيقات النيابة العامة معه

حصل موقع «خلف الحدث» على نسخة من نص التحقيقات مع مطرب المهرجانات الشهير عصام صاصا رقم ٦٧٣٥ لسنة ۲۰۲٤ جنح الطالبية والذي بمطالعته تبين انه بتاريخ ٢٠٢٤/٥/٦ ، والثابت بها وفاة شخص اثناء عبوره.

 وبالفحص تبين ان السيارة شيفروليه كامارو سوداء اللون قيادة عصام طه طلعت مهنی (مطرب) ومقيم حدائق الاهرام مواليد ۱۹۹۹ والسياره تحمل لوحات معدنيه رقم (سی ر ١٤٣٨ ) سارية التراخيص حتى ٢٠٢٤/٦/١٦ صادره من ميناء الاسكندرية وتبين أن المتوفى يدعى  احمد مفتاح احمد محروس، وبحوزته متعلقاته الشخصية، وكذا بطاقة الرقم القومى وكذا مبلغ الف ومئتان وكذا هاتف محمول ماركة سامسونج لبنى اللون وتم التحفظ على السيارة مرتكبة الواقعه .

وبالكشف الظاهرى على المتةفي  تبين انه جثه هامده ولا يوجد اي من العلامات الحيوية، واشتباه في نزيف في المخ والصدر والبطن ، وإلى نص التحقيقات.

الاسم : عصام طه طلعت مهني

العمل : طالب.. مقیم بعنوان : حدائق الاهرام

والسن : ٢٤

بيانات محضر الاستجواب

س.. ما تفصيلات بلاغك ؟

اللي حصل انا كنت راجع من الشغل وامام بنزينه توتال اتجاه السياحي قبل المريوطيه فوجئت بشخص عبر ج الطريق الدائري فجاه وحاولت اتفاداه ولكن معرفتش وهو ده اللي حصل.

س متى واين حدث ذلك ؟

ج.. النهاردة أعلي دائري المنيب دائرة القسم.

س: هل كان بامكانك تفادى الحادث ؟

ج.. لا لانني فوجئت به مرة واحدة أمامي.

س.. ما هي السرعة التي كنت تقود بها السيارة ؟

ج.. حوالي 70

س.. هل قمت باستخدام آلة الفرامل والتنبية ؟

ج.. أيوه.

س ملك من السيارة ؟

ج.. هي ملكي.

س.. هل إنت مسئوال عن أقوالك ؟

ج.. أيوه.

س.. منسوب إليك قيادتك السيارة برعونه مما تسبب في وقوع الحادث ؟

ج.. محصلش.

س: ما قولك فيما هو منسوب إليك من إنك متهم بقتل المجنى عليه / احمد مفتاح احمد وكان ذلك ناشئا عن اهمالك ورعونتك وعدم احترازك وعدم اتباعك للقواعد والقوانيين بأن قمت بقيادة السيارة رقم (س) ى ر (١٤٣٨) بحاله پنجم عنها الخطر وبالسرعة اعلى من السرعة المقررة قانوناً على النحو مبين بالأوراق؟

ج .. الكلام دة محصلش.

س: ما الذي حدث اذا وماهي ظروف ضبطك وعرضك علينا ؟

ج اللى حصل انا كنت شغال فى المعادى في مكان اسمه روفى و خلصت الشغل و اتحركت على الساعة ٤٠٣٠ صباحاً.. و أنا ماشى على الدائرى مروح البيت.. و عند بنزينة موبيل اللى قبل طلعة الوصلة كان في عربيتين على شمالي مش شايف منهم.. و لقيته مرة واحد قدامى.. و معرفتش أروح فى أى حتة فا خبطتة و لقيت الازاز و الكبوت في وشي و وقفت و الناس اتلمت و عرفت انه مات.. و هو دة كل اللى حصل .

س.. متي و أين حدث ذلك تحديدا ؟

ج.. الكلام دة حصل النهاردة بتاريخ ٢٠٢٤/٥/٦ الساعة ٥:١٥ صباحاً تقريباً

س.. من كان برفقتك في ذلك الوقت ؟

ج.. كنت لوحدي

س.. ملك من السيارة رقم (س ي ر - ١٤٣٨) ؟

ج.. العربية ملكي و بأسمى.

س.. منذ متى و انت تمتلك تلك السيارة ؟

ج.. من حوالي 5 شهور بس .

س.. ما هو ظروف تقابلك مع المجنى عليه احمد مفتاح احمد تحديدا ؟

ج..أنا مرة واحدة لقيتة بيعدى الطريق و معرفتش أعمل أى حاجة عشان مكنتش شايفه بسبب العربيات اللي جمبي .

س.. ما هي السرعة التي كنت تقود سيارتك عليها حال اصطدامك بسالف الذكر ؟

ج.. كنت ماشی ۷۰

س.. هل استخدمت آلة التنبيه حال مشاهدتك للمجنى علية آنذاك ؟

ج.. أنا ملحقتش أعمل أي حاجة خالص .

س.. هل استخدمت مكابح السيارة الذاك ؟

ج.. انا ملحقتش اعمل اي حاجة .

س.. ما هي حاله الطريق ان ذاك من حيث المارة ؟

ج.. لا مكنش فية عربيات كتير بس كان فية عربيتين جمبى واحدة منهم نقل عالية و عربية ملاكي جيلى حتى العربيةالملاكي كانت هتخبطه قبلى بس عرف يتفاداه و انا معرفتش.

س.. ماهی حالة الطريق من حيث الضوء والرؤية انذاك ؟

ج.. لا الحتة دى ضلمة خالص .

س .. ما تعليلك اذا لحدوث وفاه المجنى علية في تلك الواقعه ؟

ج.. هو ظهر قدامى فجاءة وانا ملحقتش أعمل حاجة و لو كنت أقدر اقف كنت وقفت بس.. و أنا مكنش قصدى الخبطة

س..هل لحق ثمة تلفيات بالسيارة خاصتك؟

ج.. أيوه حصل فيها تلفيات.

س.. ما هي طبيعة تلك التلفيات ؟

ج.. وش العربية كلة باظ و الأزاز و الكبوت و الإكصدام .

س.. هل تتهم ثمة أشخاص في أحداث تلك التلفيات ؟

ج.. لا مش بتهم حد بحاجة خالص .

س.. هل تتهم ثمة اشخاص باي اتهامات ؟

ج: لا أنا مش بتهم حد.

س.. هل من ثمة علاقة أو خلافات بينك وبين المجنى عليه سالف الذكر؟

ج.. لا.. أول مرة أشوفه وقت الحادثة .

س.. ما قولك فيما جاء بمحضر جمع الاستدلالات المؤرخ في ۲٠٢٤/٥/٢ والثابت به تلوناه عليك ؟

ج.. أيوة أنا خبطتة بس مكنش قصدى .

س..ما قولك فيما جاء بتحريات المباحث المؤرخة ٢٠٢٤/٥/٦ الساعة ١٢:٣٠ مساءاً و المحررة بمعرفة النقيب مهند زاهر ؟

ج.. أيوة ده.. قضاء و قدر.. و أنا مكنش قصدى .

هذا و قد تبين لنا تواجد شقيق المتوفى إلى رحمة مولاه خارج غرفة التحقيق فدعوناه لداخلها.. و قد قمنا بتنحية المتهم و محاميه خارج غرفة التحقيق وبمناسبة تواجد شقيق المجنى علية امامنا رأينا سؤالة بالاتي فأجاب:

الأسم: جمال مفتاح أحمد محروس

العمل: سائق

(نص أقوال شقيق المجني عليه)

س.. ما هي علاقتك بالمجني عليه أحمد مفتاح أحمد محروس ؟

ج.. ده أخويا .

س.. ما معلوماتك بشأن الواقعة محل التحقيق؟

ج.. اللي حصل أن أخويا جمعة رن عليا.. و بيقولى روح على قسم الطالبية عشان في حد كلمني من موبايل أحمد.. و بيقولنا اطلعوا على هناك,, فأنا قلت لاخويا جمعة روح انت على القسم.. و أنا هحصلك ولما راح لقيته.. بيكلمنى بيقولى تعالى مستشفى الهرم.. عشان أخويا احمد هناك.. فأنا طلعت على مستشفى الهرم.. و هناك عرفت أن أخويا أتوفى في حادثة على الدائري.

س.. متى وأين حدث ذلك؟

ج.. أنا عرفت أن أخويا مات على الساعة 9 الصبح النهاردة ٢٠٢٤/٥/٦ .

س وكيف نمى الى علمك عن وفاه شقيقك ؟

ج.. أخويا جمعة كلمني و قالى القسم عايزنا.. و هو راح ولما راح القسم عرف انة في المستشفى و قالى تعالى على المستشفى... و أنا لما روحت مستشفى الهرم عرفت هناك أنه مات في حادثة .

س.. وما الذي أخبرك به ذلك الشخص تحديدا ؟

ج.. هو قالي أن القسم عايزنا و بعدها قالى تعالى على مستشفى الهرم عشان احمد هناك .

س.. وما التصرف الذي بدر منك آنذاك؟

ج.. أنا بسرعة رحت على المستشفى.

س.. وهل نمى إلى علمك كيفية وفاه شقيقك تحديدا؟

 ج.. أنا عرفت أنه كان بيعدى الدائري و عربية خبطتة و مات.

س.. وما هي طبيعة عمل شقيقك تحديدا؟

ج.. أخويا شغال في شركة ريتش باك و هو سواق فيها

س.. أین مقر عمل شقيقك المتوفى تحديداً ؟

ج.. في مدينة ٦ أكتوبر منطقة أبو رواش.

س.. و هل شقيقك معتاد السير من الطريق محل الواقعة ؟

ج.. أيوة هو بيركب من الفيوم.. و ينزل عند طلعة السياحي عشان يركب حاجة يروح مكان الشغل.

س.. وما هو موعد و ساعات عمل شقيقك تحديداً ؟

ج.. هو ميعاده في الشغل على حسب المنطقة اللى هيوزع فيها الشغل بس هو المفروض يبقى هناك من ٥:٣٠ صباحاً، و بیخلص حوالي الساعة 3 العصر

س.. وما هي أيام عمل شقيقك ؟

ج.. هو بيشتغل كل أيام الأسبوع ماعدا يوم الجمعة و ساعات بينزل كمان الجمعة

س.. ومن كان برفقته آنذاك؟

ج.. لا كان لوحده.

س.. وما هو سبب تواجد شقيقك بذلك المكان تحديدا؟

ج.. كان رايح الشغل

س.. وهل تنهم أحد في وفاه شقيقك؟

ج.. أيوة أنا بتهم اللى خبطه .