انهاء حياة سائق.. تشاجر مع راكب وضع قدمه على" الدكة" خلفه
يواصل موقع خلف الحدث نشر التحقيقات في واقعة قيام سمكري وشقيقه" عامل" بالتخلص من سائق الأتوبيس، بعد مشادة بينهما بسبب قيام العامل بوضع قدمه بجوار كرسي السائق، فاتصل بشقيقه السمكري الذي انتظره في الموقف وطعنه بالسكين، لينهي حياته.
اعترف حسين حجاج 22 سنة "عامل" في التحقيقات التي أجرتها النيابة العامة قائلا" اللي حصل انى كنت راجع من برطس من الطريق الدائرى من الشغل وركبت الاتوبيس بتاع برطس من الدائري وراكب ورا كرسى السواق جه واحد ركب مع السواق قدام وانا حطيت رجلى على المكان اللي ورا كرسى السواق لقيت اللي ركب جمب السواق راح قاللى نزل رجلك ياض من على الكرسى فأنا اتضايقت وشديت معاه في الكلام وقولتله مش هنزل رجلى ولما وصلنا سقيل لقيته نزل وقاللى تعالى ننزل الشارع هوريك تتكلم معايا ازاى ونزلنا واتخانقنا مع بعض والناس اللى فى الاتوبيس سلكونا وطلعنا الاتوبيس تانى ولقيت السواق بيقولي انت بتمسك فيه وطلع كتر عليا وانا قولتله انا هوريك ورحت رنيت على اخويا وقولتله انا فى ناس اتلموا عليا وضربوني واستناني على المحطة عشان أنا بتخانق قاللي إنت فين قولتله انا في سقيل قدامى عشره دقایق هوصل برطس قاللي ماشي اقفل انا هستناك ولما وصلنا المحطة انا نزلت من الاتوبيس جرى دخلت محل العصير في الموقف وجبت منه كوباية كسرتها لأن كان في واحد منهم كان معاه كتر وكان في عربية فاكهه في الموقف اخويا اخد منها سكينة وجرى على السواق وأنا مسكت فى الواد اللى كان ضربني في سقيل وبعدين اخويا لقيته اخدني وطلعنا جرينا على البيت والحكومة جت اخدتنا وهو ده كل اللى حصل.
س: متى وأين حدث ذلك ؟.
ج: الكلام ده حصل امبارح ۲۰۲٤/١/٢٧ بعد العشاء حوالي الساعه ۷.۳۰ او اكثر في موقف برطس اوسيم.
س: ما سبب ومناسبة تواجدك بالمكان والزمان سالفي البيان؟
ج: كنت راجع البيت.
س: ومن كان برفقتك انذاك ؟.
ج: كنت لوحدى ولما وصلت الموقف لقيت اخويا هناك.
س: ما صلتلك وعلاقتك بالمتوفى الى رحمه مولاه عمرو السيد ؟.
ج: معرفوش وأنا أول مره اشوفه.
س: وهل توجد خلافات بينك انت وشقيقك وبين المتوفى الى رحمه مولاه عمرو السيد من قبل ؟.
ج: لا.
س: وما هي بادرة تقابلك مع المجنى عليه انذاك؟.
ج: اول لما ركبت الاتوبيس لأنه كان السواق.
س: وما هي الحالة التي شاهدت عليها المجنى عليه انذاك لأول وهله؟.
ج: هو كان سايق الاتوبيس.
س: وهل من ثمه حوار دار بينك وبين المتوفى الى رحمه مولاه عمرو السيد؟
ج: ايوه بس مع الواد اللى كان راكب جمب السواق
س: وما هو مضمون ذلك الحوار ؟
ج: هو الواد اللى كان جانب السواق قالى نزل رجلك وانا قولته انت مالك وشدينا مع بعض في الكلام
س: وما التصرف الذى بدر منك حال وصولك لمحل ارتكاب الواقعه؟
ج: انا نزلت دخلت على محل عصير او خدت منه كوبايه كسرتها
س: وهل كنت محرزا لثمه اسلحه او ادوات انذاك حال استقالالك الحافله؟
ج : لا انا بس لما وصلت اخدت كوبايه عصير من محل وكسرتها
س: وما هي الحالة التي شاهدت عليها شقيقك المتهم محمد حال وصول الحافله لمحل الواقعة؟ .
ج: هو كان واقف مستنيني على الارض
س: وماهو التصرف الذى بدر منك انذاك حال وصولك لمحل الواقعة ؟
ج انا جيبت كوبايه وكسرتها ومسكت في الواد اللي ضربني في سقيل
س: وما التصرف الذى بدر من شقيقك المتهم انذاك حال وصول الحافله استقلالك؟
ج: هو مسك في السواق واخدته بعيد وانا مسكت في الواد اللي ضربني في سقيل اللى كان قاعد جمب السواق
س: هل كان شقيقك حاملا لثمه اسلحه حال ارتكابه لتلك الواقعه؟
ج : ايوه
س: و من این استحصل شقيقك المتهم محمد محمود على ذلك السلاح الابيض المضبوط ؟
ج: هو اخويا اخد السكينه من عربيه فاكهة كانت قدام الموقف ومفيش حد واقف عليها. س: وما هو وصف ذلك السلاح تحديدا؟
ج : هي سكينة عادية
س: وهل قام شقيقك المتهم محمد محمود بالاعتداء بالضرب على المجنى عليه مستخدما في ذلك السلاح الأبيض المضبوط (سكين)؟
ج : ايوه
س: وهل لحق بالمجنى عليه من جراء تعدى شقيقك المتهم عليه بالضرب ثمه اصابات؟
ج: انا بصراحه ماشوفتش لانى كنت بعيد شويه وبتخانق تانى مع الواد اللي ضربني في سقيل لما بس لما هربنا اخويا قالي السواق اتعور
س: وما هي المسافه التي كانت تفصل بينك وبين المجنى عليه انذاك حال ارتكاب شقيقك المتهم واقعه الاعتداء علي المجنى عليه؟ ج انا معرفش هو اخده بعيد شويه عنى
س : وما هي طبيعة الاض انذاك بمحل ارتكاب الواقعة؟
ج: هي ارض اسفلت
س: وما هي حاله الضوء الرؤيه انذاك بمحل ارتكاب الواقعه؟
ج: الدنيا كانت منوره عشان الاعمده
س: وما هي المدة الزمنيه المستغرقه فى واقعه الاعتداء على المجنى عليه انذاك؟
ج: هي كانت حوالي خمس دقائق س: وهل كان يامكان شقيقك مولاه التعدى على المجنى عليه انذاك؟
ج: معرفش
س: وما هي وجهه شقيقك المتهم للمجنى عليه حال قيامه بالتعدى عليه بالضرب بالسلاح الابيض؟
ج : هما كانوا وش في وش
س: وهل قام المجنى عليه برد الاعتداء الواقع عليه انذاك؟
ج : معرفش انا ماشوفتش لاني كنت ماسك فى الواد اللي ضربني في سقيل
س: وما هي الحاله التي كان عليها المجنى عليه بعد قيام شقيقك المتهم بالاعتداء عليه بالضرب مستخدما السلاح الابيض انف البيان؟
ج: انا ماشوفتوش انا كنت بعيد عنه وقتها س: صف لنا محل ارتكاب الواقعه؟