خبيرة العلاج بالطاقة: أنهيت حياة بنتي لنعيش معا في الرفيق الأعلى
أدلت خبيرة العلاج بالطاقة أميرة بنت حمد المضيفة التونسية، باعترافات تفصيلية في تحقيقات النيابة العامة، حول كيفية قيامها بانهاء حياة ابنتها سنة و 8 شهور حتى يعيشان معا في الرفيق الأعلى بعد وصولها لمرحلة نورانية اكتملت بها رسالتها في الحياة، وأصبحت –حسب قولها- كمريم العذراء عليها السلام.
قالت أميرة خبيرة العلاج بالطاقة في التحقيقات، اللي حصل انه في سنة ۲۰۱۷ وانا في دبي كنت هناك بشتغل مضيفة طيران في شركة فلاي اميرتس فجأة حصلي يقظة روحية حتى أصبحت مستنيرة وبشوف حاجات الناس العاديين مش بيشفوها وكنت بشوف وبتجيلي هواتف بتعلي من طاقتي وأنا بسميها تجليات وبتخليني أقدر أعيش واكمل حياتي وتنورلي نفسي بنفسي وده اللي بيحصل معايا بشكل تلقائي لدرجة إن بيجيلي موسي وعيسي وبيقولي إني مريم العذراء وطلبوا مني اني اخدم الناس في الأرض وبعدها هطلع لزوجي الحقيقي اللي في السما مش اللي في الأرض وانا عالجت اشخاص كثيرة انهم يتخلصوا من نفسوهم الوحشة في البيت عندي في الرحاب وده كان بيكون بمبلغ مالي قليل نظير الأدوات اللي بجيبها وبستخدمها للمساعدة في العلاج وكلها حاجات معروفة لحد ما زادت عندي التجليات والالهام والنهاردة وأنا نايمة جالي هاتف وأمر عشان أنا بنتي مباركة وأنواري عالية ومتجلية حسيت ان حد وجهني اني أقوم واروح لزوجي اللي فوق بس كان فيه شرط وحيد اني اخد بنتي معايا مسبهاش مع باباها وكان لازم اضحي بيها في الدنيا في سبيل انها تعيش معايا في الحياة التانية اللي انا رايحلها وانا لقيت شنطتي في الاوضة فقررت اني اقص الحبل بتاعها ورحت خانقاها بيها وهي ماتت بشكل هادي جدا وانا كنت واخده معايا سكينة صغيرة ضربت بيها نفسي في رقبتي وبعدها عمرو دخل عليا وشالني وحاول ينقذني وكتفني بس أنا مدتوش فرصة وكملت ضرب فيا بالسكاكين اللي جبتها من المطبخ والمقص اللي قطعت بيه الحبل بتاع الشنطة وبعدها أغمى عليا وفقت وأنا في المستشفى وخدوني ودوني علي القسم وجابوني علي النيابة دلوقتي وهو ده اللي حصل.
متى حدث هذا تحديدا ؟
ج: الكلام ده حصل ۲۰۲۳/٥/۲۹ من الساعة 8 الى9 صباحاً في بيتنا في الرحاب - التجمع الأول - القاهرة الجديدة
س: ماهي صلتك بالمتوفاة إلى رحمة مولاها تارا عمرو حسن مصطفى وكم عمرها ؟.
ج: هي بنتي وعمرها سنة وثمانية أشهر.
س: وماهي علاقتك بالمدعو عمرو حسن مصطفى ؟.
ج:هو زوجي.
س: وهل العلاقة الزوجية مازالت قائمة ؟
ج: أيوه.
س: ومنذ متى تزوجتها ؟.
ج: من ثلاثة سنوات.
س: وهل لديك منه ثمة انجال اخرين ؟
ج: لا هي بنتي تارا بس
س: ما هي ظروف زواجك من المدعو عمرو حسن مصطفى ؟.
ج: احنا اتعرفنا على بعض من حوالي خمس سنوات وقعدنا نعرف بعض سنتين ابان فترة عمله كمهندس معماري بالامارات وحبينا بعض هناك واتجوزنا هنا في مصر من ثلاث سنوات.
س: وما هي طبيعة عملك تحديداً ؟.
ج: انا شغاله في مجال العلاج بالطاقة وقبلها كنت شغالة مضيفة طيران في فلاي اميرتس.
س: ومنذ متى تحديداً بدأت في مجال العلاج الطاقة ؟
ج: من سنة ۲۰۱۷ أبتديت اتعرف على المجال وبعد كده بالتدريج حصلت علي ترقيات حتي أصبحت مستنيرة.
س: اشرحي لنا ماهية العلاج بالطاقة ؟
ج: انا مستنيرة زي ما قولت بشكل صغير من ۲۰۱۷ ابتدت تجيلي تجليات علي مراحل مختلفة حتي أصبحت مستنيرة ماستر ودي أعلي درجة ، وده بيخليني اقدر أتعافى بشكل تلقائي وأعالج الناس من خلال تفعيل الطاقة بداخلهم حتي تصبح طاقة شفاء ذاتية.
س: وما هي كيفية امتهانك لتلك المهنة ؟
ج: أخدت ماستر اون لاين في طاقة الشفاء وبعدها اتعرفت علي خبراء في العلاج في الطاقة منهم ناس من إيطاليا وعرفوني اشتغل ازاي.. وازاي أقدر إني أعالج الناس بالطاقة وبعدها ابتديت أجيب ناس البيت أعالجهم بالطاقة.
س: ومن هم مرشدينك للعلاج بالطاقة تحديداً ؟
ج: ناس في ايطاليا بيعالجوا بالطاقة برضو
س: وما هي كيفية تواصلك مع سالفي الذكر المعالجين بالطاقة انذاك؟.
ج: بتواصل عن طريق مواقع التواصل الاجتماعي ( زوم او واتس اب وانستجرام.
س: وماهي المحادثات التي كانت تدور بينك وبين هؤلاء الأشخاص آنذاك ؟ ج: كلها محادثات خاصة بالعلاج بالطاقة والمدتيشن.
س: وماهي الأساليب والوسائل المستخدمة في علاج الطاقة ؟
ج: عندي كروت خاصة وكونج وساوند بول وبعض الرموز الخاصة بلغة الملائكة.
س: وما هي صلتك بالكروت والثلاث مذكرات المعروضين عليكي الان ؟ ج: دول بتوعي
س: وما هي كيفية استخدامك للمضبوطات انفة الذكر في العلاج بالطاقة ؟ ج: المذكرات دي بتساعدني في حضور التجليات لأنها فيها بعض الرموز الخاصة بلغة النور و لغة الملائكة والكروت دي بتساعدني في قراءة الآخرين وذلك لمساعدتهم في العلاج الزاتي وتطوير انفسهم.
س: ومن أين استحصلتي على تلك الكروت ؟
ج: هي متاح شرائها أونلاين وأنا بجبها من على موقع أمازون.
س: حددي لنا الأشخاص التي قمتي بمعالجتهم بالطاقة وصلتك بكل منهم؟ ج: هم أشخاص انا معرفهمش ومليش أي صلة بيهم غير إني بعالجهم بالطاقة.
س: وما هي كيفية تواصلهم بكي آنذاك ؟
س: من خلال الصفحة بتاعتي على موقع التواصل الاجتماعي انستجرام س: وما هو أسم الصفحة خاصتك على موقع التواصل الاجتماعي " انستجرام " ؟
ج: ammadeva
ملحوظة : حيث قمنا بالولوج للصفحة سالفة الذكر عن طريق الهاتف المحمول الخاص بنا تبين ان الحساب خاص بالماثلة امامنا محمل عليه صورتها الخاصة وتبين احتوائة على صور ومقاطع مرئية خاصة بالماثلة ابان معالجتها بالطاقة لبعض الأشخاص الغير معلومين لديها ورأينا اثبات ذلك تمت الملحوظة.
س: هل الحساب الذي اطلعت عليه الآن هو ذاته خاصتك ؟.
ج: ايوة هو ده الحساب بتاعي.
س: وهل ما تبين لنا من صور ومقاطع مرئية تظهرين بها قمت بتحمليها بشخصك ؟
ج: أيوة وأنا بحط البوستس دي دعاية لشغلي في العلاج بالطاقة .
س: ومتي وأين تحديداً كنت تقومين بجلسات العلاجة بالطاقة ؟
ج: أنا كنت بعملها عندي في البيت في الرحاب في أوقات مختلفة
س: وما مدى وجود نجلتك وزوجك برفقتك بالمنزل ابان جلسات علاجك للآخرين بالطاقة؟
ج: هما في أغلب الأوقات بنزلهم يخرجوا عشان أكون مع الناس اللي بعالجهم براحتي ويكون العلاج فعال.
س: وما مدى موافقة زوجك على ذلك ؟
ج: بيبقى مستغرب شوية ومش فاهم في أيه بس أنا وهو متعودين أن كل واحد بيعمل شغله بالطريقة اللي تريحه وبما ان ده شغلي فهو مش بيدخل فيه وبيوافق طالما إني بعالج الناس بالطاقة.
س: ألم يحاول زوجك عرضك على طبيب نفسي آنذاك ؟.
ج: لا
س: وما الذي حال دون ذلك ؟
ج: لأن أنا بعالج الناس بالطاقة ومش بعمل حاجة غلط
س: وما هي ردة فعل زوجك حيال ما اعتنقتيه من أفكار متطرفة؟.
ج: دي مش أفكار متطرفة ده علاج بالطاقة، ولما جوزي كان بيحاول يتكلم معايا أو يشوفني بعمل حاجات غريبة بالنسباله كنت بقوله الحقيقة وإن دي لغة النور ودي اكواد بتفتح الهالات الموجودة في الجسم وتعمل روحانيات عاليه وتفعل الحمض النووي داخل الجسم وبكدة يبقي عالجنا الناس بالطاقة.
س: وما مدى اقتناعه بما اعتنقتيه من أفكار حينئذ ؟.
ج: مكنش مقتنع بالكلام ده بس مكنتش يقدر يعترض أوي، وخصوصاً إني بعالج الناس مش بأذيهم.
س: ما هو المقابل المادي نظير علاجك لعملائك بالطاقة آنذاك ؟.
ج: باخد في الجلسة العلاجية الواحدة حوالي ٨٠٠ جنيه.
س: وما مدى علم زوجك بذلك الأمر آنذاك ؟.
ج: كان عارف بس مكنش موافق لأني واخدة شغلي كرسالة.
س: وما هي الرسالة التي كنت تبتغيها إبان أداءك لعملك في العلاج بالطاقة ؟
ج: رسالة روحانية في الحياة وأنا اتمتها الأيام اللي فاتت وأصبحت مستنيرة كبيرة متمثلة في مريم العذراء.
س: ومن تحديداً أخبرك أنكي قد أتممت الرسالة ؟.
ج: التجليات اللي بتنزل عليا هي اللي قالتللي كدة.
س: وبما أوحيت لك تلك التجليات؟.
ج: اوحتلی اني أتممت الرسالة ويستوجب ذهابي للرفيق العلي عشان أنا مريم العذراء.
س: من ومتى تحديدا أوحى إليك بذلك ؟
ج: عيسى و موسى هما أول امبارح بليل وانا نايمة في سريري.
س: وهل اختمرت تلك الرسالة في ذهنك أنذاك ؟
ج: أيوه لما عيسي وموسى حولي وقالولي حان وقتك للذهاب للرفيق الأعلى.
س: وما هو السبيل للوصول إلى ذلك المبتغى؟.
ج: قالولي اني لازم أخد بنتي تارا معايا للرفيق الأعلى.
س: ولما وقع الإختيار على نجلتك تحديداً للتخلص منها ؟.
ج: عشان روحها بريئة وكريمة وطيبة وطاقتها عليا جداً زيي.
س: وما مدى استجابتك لذلك الأمر أنذاك؟.
ج: أنا وافقت علطول وابتديت في تنفيذ الأمر والتوجيه اللي جالي.
س: هل اشترك معاك آخرين في عملية التنفيذ آنذاك؟
ج: لا أنا اللي جبت الحاجة لوحدي ونفذت الأوامر لوحدي.
س: وما هي حالتك النفسية آنذاك ؟
ج: كنت طبيعية مفيش فيا حاجة.
س: وما الذي أعددتيه آنذاك للتخلص من نجلتك ؟
ج: أنا جيبت مقص من الأوضة عندي وقصيت بيه إيد الشنطة القماش بتاعتي وبعدين حطيته في المطبخ.
س: وما الذي أعقب ذلك.
ج: أنا روحت بالحبل اللي قطعته على بنتي في أوضتها ولفيت الحبل على رقبتها لحد ما اتأكدت إنها راحة عند ربنا.
س: وما هي الحالة التي كانت عليها نجلتك قبيل التعدي عليها من قبلك؟
ج: هي كانت نايمة في سريرها
س: وما هي الأفعال التي قمت بها تجاه صغيرتك للوصول لمبتغاك آنذاك؟
س: أنا رحت بالحبل اللي قطعته على بنتي في أوضتها ولفيت الحبل على رقبتها لحد ما اتأكدت إنها راحت عند ربنا وبعدين رحت حضنتها وبوستها.
س: هل حاولت نجلتك الاستغاثة من خلال الصراخ آنذاك؟
ج: أيوه هي عملت كده.
س: وما الشعور الذي انتابك حينذاك؟
ج: أنا كنت حاسة إن دي حقيقة الأرض وإنها لازم تطلع فوق معايا عند ربنا.
س: وما قصدك من جراء ما قمتي به من أفعال تجاه نجلته آنذاك؟
ج: كنت عاوزه أموتها عشان تروح عند ربنا.
س: وما الذي أعقب تعديكي على ابنتك وازهاق روحها؟
ج: أنا جيبت سكينة مطبخ ورحت جنب بنتي على السرير وضرب نفسي بالسكينة كذا ضربة في رقبتي.
