عصام صاصا وشقيقه وشخصين آخرين أمام جنايات الجيزة.. منعرفش حاجة عن التزوير
انطلاقة فعاليات محكمة جنايات الجيزة، المقرر انعقادها بمجمع محاكم زينهم، أولى جلسات محاكمة عصام صاصا مؤدي المهرجانات وشقيقه وشخصين آخرين، في اتهامهم بتزوير محرر رسمي، وطلب قاضي الجلسة مثول محمد طلعت طه، شقيق عصام صاصا، أمامه لسؤاله عن اتهامه بالتزوير.
أوضح شقيق عصام صاصا قائلا: أنا أعمل مدير أعمال أخويا عصام، وبروح استلم أي حاجة مكان عصام عشان هو مشهور ولما بيروح أي مكان الناس بتتلم عليه.
وأضاف شقيق عصام صاصا أمام قاضي الجلسة، فيه واحدة اسمها سارة خليفة اتصلت عليا وقالتلي تعالى استلم الظرف، ركبت عربيتي وروحت عشان استلم الظرف، قابلني واحد اسمه محمود الجوهري ركب معايا العربية وسلمني ظرف أبيض مقفول وقال امضيلي هنا بالاستلام وأنا مكنتش اعرف فيه إيه وربنا اللي شاهد على كلامي.
وكشف أمر إحالة عصام صاصا، في القضية رقم 11659 لسنة 2024 جنايات قسم الجيزة، اتهام النيابة كلا من محمد طه طلعت 24 سنة طالب "محبوس"، ومحمود الجوهري 30 سنة طالب "هارب"، وطلعت أبو العلا 58 سنة موظف سابق "هارب" وعصام طه طلعت - عصام صاصا - 24 سنة طالب ومطرب "هارب".
وأضاف أمر الإحالة، أن محمد شقيق عصام صاصا، ومحمود الجوهري طالب قاموا بتزوير محرر رسمي رقم 965 أ / لسنة 2024 مكتب توثيق مجلس النواب الاتفاق والمساعدة مع موظف سابق ومطرب المهرجانات عصام صاصا مع علمهم جميعا بأمر تزويره.
وتابع أمر الإحالة، أن المتهمين استغلوا الإهمال الجسيم لموظف الشهر العقاري بمكتب توثيق مجلس النواب وذلك بان اتفق المتهم الرابع مع المتهمين الأول والثالث لارتكاب تزوير في التوكيل المذكور.
وأفادت تحريات الأموال العامة، أن عصام صاصا ساعد شقيقه وموظف سابق، بأن أمدهما بصورة بطاقة تحقيق شخصيته وتوقيعاته لتقليدها ورقم هاتف المتهم الثالث لتسهيل ارتكابها فانفقوا على مخططهم الإجرامي.
عصام صاصا أمام محكمة الجنايات معرفش حاجة عن التزوير
أوضح مؤدي المهرجانات عصام صاصا: الفكرة كلها يا سيادة القاضي إن أنا كنت حاسس أن المحامية اللي معايا مش قد القضية اللي أنا متهم فيها بالقتل الخطأ وتعاطي المخدرات، وقبل ما أسافر الأمارات اتفقت أن أعمل توكيل للمحامي محمد حمودة.
وتابع صاصا أمام القاضي، فيه واحدة اسمها سارة خليفة كلمتني وأنا في الأمارات عشان أعمل توكيل للمحامي محمد حمودة، ولما كلمتني كان يوم السبت والأحد أجازة في الأمارات، ويوم الاتنين كلمتني تاني وقالتلي هنعمل التوكيل عن طريق بوابة مصر الرقمية وقالتلي ابعتلها صورة بطاقتي واسم والدتي، وأنا بعتلها على الواتس، وبعدين قالتلي هنبعت حد يستلم التوكيل من هناك.
وأستكمل، محمد أخويا راح يستلم الظرف ومكنش يعرف فيه إيه، وبعدين فيه واحد اسمه طلعت موظف قال لـ سارة خلي عصام يعمل إقرار أن أنا اللي عامل التوكيل، وبالفعل عملت كدة، وبعدها سمعت أن فيه مشكلة حصلت، وأنا معرفش حاجة عن التزوير.
وكشف أمر إحالة عصام صاصا، في القضية رقم 11659 لسنة 2024 جنايات قسم الجيزة، اتهام النيابة كلا من محمد طه طلعت 24 سنة طالب "محبوس"، ومحمود الجوهري 30 سنة طالب "هارب"، وطلعت أبو العلا 58 سنة موظف سابق "هارب" وعصام طه طلعت - عصام صاصا - 24 سنة طالب ومطرب "هارب".
فيما أفادت تحريات الأموال العامة، أن عصام صاصا ساعد شقيقه وموظف سابق، بأن أمدهما بصورة بطاقة تحقيق شخصيته وتوقيعاته لتقليدها ورقم هاتف المتهم الثالث لتسهيل ارتكابها فانفقوا على مخططهم الإجرامي.
عصام صاصا عملت توكيل للمحامي بحسن نية ومعرفش حاجة عن التزوير
اعترف عصام صاصا مطرب المهرجانات أمام هيئة محكمة الجنايات عن اتهامه بالتزوير، قائلا: فيه واحد اسمه طلعت أبو العلا موظف بالشهر العقاري، كلم سارة خليفة وهى كانت بتتواصل معايا وطلب منها أن أنا اعمله إقرار بعمل توكيل للمحامي محمد حمودة.
وأضاف عصام صاصا، أنا عملت الإقرار بحسن نية ومكنتش اعرف أن فيه تزوير، ولما عملته وبعته قالي أن كدة خلاص القضية اتقفلت، ومكنتش اعرف أن القضية شغالة إلا لما أخويا محمد اتقبض عليه بعدها بشهرين.
وتستكمل محكمة جنايات الجيزة المنعقدة بمجمع محاكم زينهم، أولى جلسات محاكمة عصام صاصا مطرب المهرجانات وشقيقه 2 آخرين، في اتهامهم بتزوير محرر رسمي.
