" احترام سنك واحترام نفسك " تامر حسين يهاجم عمرو مصطفى

كتب الشاعر تامر حسين عبر حسابه الشخصي بموقع فيسبوك يصف عمرو مصطفى بسليط اللسان قائلاً: " أنا فعلاً غلطت لما قُلت على المحترمين المبدعين مدين ،  أو عزيز الشافعي زمايلك ... على أساس انك معانا ف الوسط ... وراجل كنت ملحن كبير وعاقل ... وحذرتك تتهم حد ناجح ومكسر الدنيا بالباطل والإفتراءت الكدابه ... اللى بتخترعها فى أي نجاح كبير يلتفت حواليه الناس ، و إنت لا ترتقى إنسانيا تبقى زميل لـ واحد فيهم ... شتان فرق الأخلاق ده انا اللى بعتذر لهم على التشبيه الغير موفق مني ظلمتهم .

تامر حسين يهاجم عمرو مصطفى 

وأضاف حسين : " جبت سيرتك بالخير ف أنا بعمل بأصلى في أي لقاء وأى برنامج وبتربيتي وبأقول عيب عنده أولاد كبار يتشرفوا بـ باباهم ماتردش الإساءة بـ الإساءة معنديش فجر الخصومه ولا هابقى متقلب الود زيك مع كل اللى أحسنوا إليك وساعدوك .

وتابع حسين ،عشان لما حد من الجمهور المحترم يشوفني ما يقولشي عليا قليل الأصل ونتساوى ف القبح ودى أخر مرة حاغلط وأجيب سيرتك لاني ما بقيتش بتشرف بيها وبتكسف منها الناس عارفه كويس وفاهمه مين فينا صادق ومين کداب بالمواقف والسنين والإحترام والتقدير.

" احترام سنك واحترام نفسك " تامر حسين يهاجم عمرو مصطفى

اختتم تامر حسين قائلاً:" والحمد لله انى ربنا أنعم عليا وخلاني شخص سوي و بعقل كلامى ،  وإحترم نفسي لا ف قلبي غل ولا حقد ولا بعترض على اللي ربنا كاتبه لـ زمايلي يبارك للجميع بقلب أبيض ما أقلش من مجهودهم ونجاحهم..... دى أخر رسالة تتقالك بحترام الـ جي حابقى عداني العيب ... إحترم سنك إحترم نفسك إحترم انك عندك أسرة ما يصحش
يبقى CV من بعد ما كان نجاحات يبقى خناقات وسيرة سيئة لإن ماحدش هايسكت لك تاني على أي تجاوز .