فارس حميدة يعلق على خطوبته.. عائلتي أول مرة تحضر فرح إسلامي
تداول رواد وسائل التواصل الاجتماعي، صور خطوبة الشاب المشهور فارس حميدة، بشكل واسع المجال عبر حساباتهم الشخصية، وعلقوا عليها بالفرح والسرور.
أول تعليق من فارس حميدة على خطوبته
قال فارس حميدة: «هحكيلكم حكاية جميلة جداً، لما روحت اتقدمت لخطيبتي وربنا يسر وجه وقت هنعمل أي في الشبكة وكدا، كان كل همي أنا وهي منرتكبش اي مخالفة شرعية، هي من جانب لبسها وانا من جانب الوضع اللي هيحصل خصوصاً، إن عائلتي وعائلتها يمكن اول مرة يحضروا حاجة اسمها فرح إسلامي».
وتابع: «أهلي زي كتير من الأهالي عارفين إن الفرح يعني أغاني ورقص وهيصة وكان همي أنا وهي ندعوا صحابها اللي مش محجبات حجاب شرعي وأنا اجمع صحابي، وأنا من النحية التانية ملجم صحابي مفيش أغاني مفيش رقص هنلم الدنيا في هدوء مش هنعمل حاجة حرام واجتهدت في ذلك الحمد لله».
وأكمل: «كل الموضوع ياسيدي إن أنا وهي كان نفسنا نكون مثال عملي لأهلنا وصحابنا إن الالتزام مش خنقة ولا عدم فرحة كان نفسنا نقول لأهلنا وأصحابنا إن دا الصح ودا الطبيعي مش الحرام هو الصح والطبيعي».
وانهى: «الصورة اللي نزلتها أنا بقول لكل واحد انتقد وقال مينفعش “جزاك الله كل خير وأنت صح”، لكن قصاد المخالفة البسيطة دي ربنا اراد من صورة نوصل رسالة لكل الشباب أقل ما فيها، “حلوة التقييمة دي أنا هفهم زوجتي كدا”
اقل ما فيها، “ما الافراح الإسلامية عسل أهي”، أقل ما فيها “بص قاعد بعيد عنها ازاي الله بجد”.
