"القصة كاملة" رد فعل تامر عاشور بعد الخلاف بينه وبين حسام حبيب

علق الفنان تامر عاشور علي اعتذار الفنان حسام حبيب خلال مؤتمر صحفي أقيم في حفل غنائي على مسرح كوكاكولا أرينا في دبي .

وتحدث الفنان تامر عاشور خلال المؤتمر عندما وجه له أحد الصحفيين سؤال عن سبب الخلاف بينه وبين الفنان حسام حبيب.

تامر عاشور: اعتذار غير مقبول 

وجاء رد الفنان تامر عاشور معلقاً: بلاش نتكلم في الموضوع دا وخلينا في موضوع غيره و مضيفاً " إن اعتذار حسام حبيب غير مقبول بالمرة " .

قصة الخلاف بين حسام حبيب و تامر عاشور 

بدأ خلاف حسام حبيب مع الفنان تامر عاشور، وقت أزمته مع طليقته شيرين عبد الوهاب، حيث كتب الفنان تامر عاشور وقتها منشور على حسابه الشخصي بموقع  تويتر: " كل اللي أقدر أقوله في موضوع الفنانة شيرين عبد الوهاب،أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها أنا برضه أقولها إني بحبها ، وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل".

و تابع عاشور: "ويا رب يبعد عنها كل خبيث وأناني وفاشل وممثل هي أطيب منهم كلهم ، وهم اللي وقعوها فكل مشاكلها أنت بمن حولك ، لو اللي حواليك فشله غصب عنك لازم تبقى زيهم ، وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا أكلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده .. هو الكلام الحقيقي ولا كلمة من اللي اتقالت أو أتسمعت ليها أساس من الصحة، أهل شيرين هم أهل شيرين من زمان أوي ، بـ العقل".

رد حسام حبيب علي منشور تامر عاشور

وعلق حسام حبيب ، على منشور تامر عاشور: "سمعنا ناس غريبة بتدخل في أمور مش أمورها خالص ومنهم ناس أشباه فنانين ، مفيش فنان بـ يدي حق لنفسه يدخل في حياة غيره ؛ لأن الفنانين بيبقى عندهم إحساس وتصريحات شيرين خلت شكلهم مش ظريف خالص".

اعتذار حسام حبيب لـ تامر عاشور

ومؤخراً قدم الفنان حسام حبيب اعتذار عبر حسابه الشخصي بموقع انستجرام دون ذكر اسم المعتذر منه

و نشر الفنان حسام حبيب ، عبر استوري إنستجرام قائلاً: "على فكرة يا جماعة أنا بهزر هو فنان محترم وليه جمهور كبير ، و بيقدم فن راقي وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين، هو زميل ومحترم وبيقدم فن محترم أنا بحب اللي هو بيقدمه وهو اجتهد ، ولكل مجتهد نصيب معلش حقك على يا نجم.