ياسمين عز: لو جوزك فتح علبة الصلصة احضنيه وابكي وقولي له حياتي ما كانتش ممكنة من غيرك

وجهت الإعلامية ياسمين عز اليوم، تصريحات مثيرة للجدل كما جرت العادة، قائلة: "طبلي لجوزك زي ما بتطبلي لكل الناس انتي جيشه الوحيد ودرعه الحديد لو كل وحط الطبق في الحوض لازم عينك تدمع من الفرحة".

تصريحات ياسمين عز 

وأضافت خلال برنامجها"كلام الناس"، الذي يعرض على قناة"Mbc مصر": " ولو جه يعلق القميص سقفيله وعيطي ولو تقدري صوتي من الانبهار  ولو فتح علبة الصلصلة احضنيه وعيطي قوليله أنا مكنتش متخيلة حياتي من غيرك انت كل حاجة في حياتي مش مصدقة نفسي.

واختتمت: "ويوم القبض لمي ولادك قرودك واقفيله على الباب اعملوله ممر شرفي حطي في رقبته عقد ورد وغنوله هو اللي ملبسنا هو اللي مأكلنا، دلعي جوزك يا مدام واتهني قبل ما يجيله جدري القرود ولا يعجز وتندمي".

نصيحة ياسمين عز لـ متابعة حامل تريد الطلاق

قرأت ياسمين عز مجموعة من الأسئلة لمتابعينها ومحبين برنامج كلام الناس، وكان من بين الأسئلة سؤال لمتابعة وهي إمرأة حامل في الشهر التاسع، بأنها تريد الطلاق وعدم الإنجاب والعودة إلى حياتها قبل الزواج، وأتى رد ياسمين عز عليها بشكل ساخر كالآتي: "ولا يهمك عندك زرار السُرة في بطنك اضغطي ضغطة مطولة واختاري الغاء ورجوع هيتشفط الواد تاني تلقائي لورا وارجعي بيت أهلك وكأن مفيش أي حاجة وسيبي الراجل في حاله انتي وهرموناتك بقى".