جنايات المنصورة تُحيل أوراق المتهمة بقتل زوجها بمساعدة عشيقها لمفتى الجمهورية
أصدرت محكمة جنايات المنصورة حكما بإحاله اوراق المتهمه بقتل زوجها بمساعده عشيقها فى المنصوره الى مفتى الجمهورية اليوم الثلاثاء.
تفاصيل الحادثة من البداية:
ويرجع تفاصيل القضيه الى اكتوبر الماضى حينما قررت تلك الزوجة التخلص من زوجها بالاتفاق مع عشيقها، حيث قامت باستدراجه هي وعشيقها الى بدروم المنزل، وانهال عليه ضربا بألة حادة حتى لفظ انفاسه الاخيره ووقع جثه هامده، وتركته جثة هامدة، وادعت انها لا تعرف شيئا عن زوجها منذ ذهب الى عمله الى ان وجدته والدته ملقى على الارض وقد فارق الحياه، و لم توجه الاتهامات اليها ولم يشك فيها احد الى ان كشفت المباحث كل شيء وواجهتها واعترفت انها وعشيقها وقام بالتخلص منه.
والده المجنى عليه : "كان مهنيها وجايبلها كل حاجه نفسها فيها"
اضافت انها لم تصدق ما حدث لنجلها ، وطالبت باعدام القاتل والقاتله حيث قالت" ابني مكش مأخر عنها حاجه، ابني كان بيخاف عليها ومهنيها انا مش مصدقه اللي حصل ده كان علاقتنا بها كويسة ، وعمر ابني ما اتاخر عنها في حاجه ما كنتش بتعمل مشاكل لكن تقوم بتخلص منه وتقضي عليه كده ، بتحرم ابني من ولاده وتحرم ولاده منه حرام عليكى منك لله حسبي الله ونعم الوكيل فيكى، انا عايزه حق ابني منها كانت طلبت الطلاق وكانت مشت لكن تقضي على ابني وتخلص عليه "
قال شقيق المجني عليه" اخويا كان طيب وحنين وكان بيشتغل وبيتعب عشان يوفر لهم قرش، كان بيشتغل وكان بيشتغل فلاح برضه في الارض ما كنش بيتاخر عنها في اى حاجه كانت بتحتاجها عملت في اخويا كده ليه ودمرت حياتنا كلنا انا عايز حق اخويا اعدموها هي والمجرم اللي معاها".
اضاف شقيق المجنى عليه بعد احاله اوراق الزوجة وعشيقها من محكمة جنايات المنصورة الى مفتى الجمهورية " احنا من شهر ١٠ واحنا مش بننام وبندور على حق اخويا و مخدناش عزاءه لحد دلوقتى لكن احنا انهارده بعد الحكم عليهم بالاعدام كدا رجعنا حق اخويا وكدا هو هينام مرتاح فى قبره".
ووجه شكره وتقديره لرجال القضاء المصرى العادل وكل من ساعم فى رجوع حق اخيه.
