عمرو الدردير يكشف تفاصيل ازمة الأهلي والزمالك في القمة

كتب المتحدث الرسمي السابق عمرو الدرديري علي صفحته الرسمية ب"فيسبوك ": «تعالوا أحكيلكم القصه بالمختصر المفيد الرابطة بتقول اي حد من حقه يطلب تحكيم اجنبي بس بشرط يتحمل تكاليف اقامتهم و راتبهم وطيرانهم وكل شئ كامل اللي بيقدر ب ٨٠ الف دولار سواء كنت انت صاحب المباراه او الضيف».

واضاف: «بشرط يكون التبليغ قبلها ب اسبوع وتعمل ايداع للفلوس قبلها ب اسبوع عشان الرابط تلحق تطلع تاشيره للحكام وتحجز طيران وفندق وتبحث وتتفق وتدور الاهلي فضل ساكت حتى قبل المباراه ب ٤٨ ساعه وافتكر انه مطلبش تحكيم اجنبي».

واكمل: «بدء يصدر بيانات بدون حتى اي محاوله دفع التكاليف وقال ايه أنا مش هدفع مرتين أنا دفعت المباراه اللي فاتت فـ الزمالك يدفع المرادي بقي وإلا هنسحب».

اختتم: «طب ياسيدي احنا والله موافقين وعايزين حكام أجانب بس احنا عندنا التزامات والفلوس اللي معانا يدوب بنمشي بيها المركب فـ لو انت عايز ادفع من غير كلام كتير إنما عايز تطلع برئ قدام جمهورك وتغلط الرابطة واتحاد الكوره وتقول هما وحشين والغلط من عندك انت؟، رأيكم بقي في تصرف الاهلي ومين الغلطان؟»