"الطعمية دي معمولة من فول.. والمصري قلبه أخضر رغم النار".. أحمد أمين يشبّه المصريين بأشهر أكلة شعبية

في مشهد مميز من مسلسل "النص"، ألقى الفنان أحمد أمين مونولوجًا فلسفيًا طريفًا، شبّه فيه الإنسان المصري بواحدة من أشهر الأكلات الشعبية في مصر، وهي "الطعمية"، مستعرضًا تفاصيل إعدادها بطريقة تعكس طبيعة الشخصية المصرية.

وقال أمين خلال المشهد: "أنا عيشت في مصر سنين.. وعرفت مصريين كتير جدًا.. من كل الأكل المصري، الأكلة دي مستحيل حد يقاومها.. خضار.. بهار.. دهون.. قرمشة.. أكتر أكلة تشبه إنسان مصري."

وأضاف ساخرًا: "الطعمية دي معمولة من فول.. الفول ده صلب خالص محدش يعرف يقرقشه.. يمكن حصان بس اللي ممكن ياكل فول! عشان تعمل طعمية، لازم تكسر الفول يتطحـ.ـن جامد، يترمـ.ـي في زيت حامـ.ـي.. رغم كدا بيطلع حتة واحدة.. تشوفه من بره تحس إنه محـ.ـروق.. ناشف.. لكن قلبه أخضر وطري من جوه."

أحمد أمين يشبّه المصريين بالطعمية في مسلسل "النص" بأسلوب ساخر

وتابع أمين حديثه عن الطعمية بطريقته الساخرة، مشيرًا إلى أن المصري، مثل الطعمية، يتأقلم مع الظروف، بل ويعيد تدوير الأشياء بطرق مبتكرة: "المصري يقرا جورنال بعدين يعمل منه قرطاس.. عايز بخمسة تاخد قرطاس ده.. عايز بعشرة تاخد نفس القرطاس.. قرطاس يشيل كم لا نهائي من الطعمية، أنا مش عارف إزاي؟!"

واختتم أمين المشهد بعبارة تحمل دلالة رمزية على أهمية الصبر في التعامل مع المصريين، قائلًا: "الطعمية دي بتتقرطس بمزاجها! لو استنيت على الطعمية تصفى وإديتها مقامها، طماطم، جرجير، عيش بلدي، طحينة.. تاكل وتشبع.. لكن لو استعجلت وكلت الطعمية، يبقى فيه حموضة.. نـ.ـار.. الطعمية دي بالهنا أو بالأذى!"

المشهد لاقى تفاعلًا واسعًا عبر مواقع التواصل الاجتماعي، حيث اعتبره الجمهور تشبيهًا عبقريًا يعكس طبيعة الشخصية المصرية الصلبة من الخارج، لكنها تحمل دفئًا وطيبة في الداخل، تمامًا مثل الطعمية التي تُقلى في الزيت الساخن لكنها تظل طرية من الداخل.