سيد عبدالحفيظ يوجه رسالة لمجلس إدارة الأهلي بعد غياب الفريق عن القمة

علّق سيد عبدالحفيظ مدير الكرة الأسبق بالنادي الأهلي على أزمة مباراة القمة الأخيرة بين الأهلي والزمالك والتي شهدت غياب فريق الأهلي، مؤكدًا أن ما حدث لا يليق بمستوى الكرة المصرية، وموجّهًا تساؤلات ورسائل واضحة لمجلس إدارة النادي.

وقال عبدالحفيظ خلال ظهوره عبر قناة «MBC مصر»: "اللي حصل في القمة مشهد غير لطيف بالمرة منظر لا يليق إحنا شايفين نظام جوه فوضى وفوضى جوه نظام، وكل ده بقى مشهد متكرر في آخر سبع سنين".

وأضاف: "غياب فريق وحضور فريق في مباراة بحجم القمة مشهد مش حلو خالص والناس كلها استغربت اللي حصل واللي زاد الأمور سوء هو الخلاف بين اتحاد الكرة ورابطة الأندية، واللي دخل في إطار عناد مش حل".

وتابع عبدالحفيظ حديثه برسالة مباشرة لإدارة الأهلي: "أنا كمشجع دلوقتي محتاج حد من النادي يطلع يشرحلي، ليه اتخصم مننا 3 نقاط؟ وهل القرار اللي اتاخد كان صح؟ دي أول مرة الأهلي يتخصم له نقاط بسبب موقف زي ده، وده شيء غير معتاد".

واختتم قائلاً: "مش مقبول نقول إن خسارة الدوري عادي علشان عندنا بطولات كتير الكلام ده مرفوض ولازم يكون فيه وقفة".