عمرو محمود ياسين يهاجم إدارة الزمالك بعد انتقال زيزو للأهلي

شن الكاتب عمرو محمود ياسين، هجوماً على مجلس إدارة نادي الزمالك وذلك بعد الأحداث الأخيرة من انتقال زيزو للأهلي وخروج الفريق من الكونفدرالية وسوء إدارة ملف التعاقدات والصفقات الأخيرة.

وكتب عمرو محمود ياسين، عبر حسابه الشخصي على فيسبوك: "يا جماعه صدقوني وباخلاص شديد بقولها نادي الزمالك محتاج اداره تانيه خالص".

وأضاف: "اللي بتعمله ادارة النادي في جمهوره صعب جدا وما حدش يقول لي ما لكش دعوه وخليك في نفسك لان انا بعتبر نادي الزمالك جزء من تكويني كمواطن مصري وصدقوني انا دايما بيهمني اني اشوف نادي الزمالك قوي انا مش من الجمهور اللي بيعتبر ان فشل الزمالك وانحداره في المستوى شيء ايجابي او يسعدني بالعكس هو اصلا كلما ارتفع مستوى نادي الزمالك ارتفع مستوى النادي الاهلي و ارتفع مستوى كره القدم في مصر".

وتابع: "وما تقوليش روح قول للخطيب ولا روح قول للنادي الاهلي هو اللي بيوقعنا لان باختصار طب وحضرتك فين لو اللي بتقوله ده صحيح انت كنادي وكمجلس اداره وكرجال نادي الزمالك انتم فين من ده؟".

وأشارذ: " كل اللي حصل مع ملف احمد زيزو غلط في غلط من اول لما فشلوا في بيعه لما جات لهم العروض طمعا في التجديد له ...مرورا بعدم التجديد له وفشلهم في ده.. انتهاء باستبعاده من خططهم فيما تبقى له من مده في العقد وطبعا مش هننسى المنظر الساذج العبيط و اللقطه العبثية مع  صوره زيزو وهي بتسقط على الارض وناس غريبه كده فاكرينها صوره طاغيه من طواغيت حكم ديكتاتوري مثلا وبيدوسوا عليه كانهم اسقطوا شاوشسكو بجد يا جماعه حرام اللي بيحصل في نادي عظيم وعريق زي ده".

وتلقى نادي الزمالك هزيمة ثقيلة أمام ستيلينبوش الجنوب أفريقي في المباراة التي جمعت بينهما أمس على ستاد القاهرة الدولي، وخرج نادي الزمالك من بطولة الكونفدرالية بعد الهزيمة أمس بهدف نظيف في إطار ربع نهائي كأس الكونفدرالية.

وشهدت مباراة الزمالك وستيلينبوش حالة من غضب جماهير الزمالك وذلك بعدما انتقل أحمد السيد زيزو نجم الزمالك إلى النادي الأهلي الغريم التقليدي، كما يعبر عن سوء الإدارة في ملف التعاقدات خاصةً وأنها ليست المرة الأولى حيث اقتنص الأهلي إمام عاشور وأشرف بن شرقي ومحمود عبدالمنعم كهربا، فأصبح لاعبي الزمالك فريسة الأحمر.