مش معقول احترفت بره وبتتكلم كده؟.. المنيسي ينتقد أحمد حسن بسبب ديانج

انتقد إبراهيم المنيسي رئيس تحرير جريدة الأهلي، تصريحات الكابتن أحمد حسن نجم منتخب مصر الأخيرة، بشأن اللاعب أليو ديانج نجم خط وسط النادي الأهلي.

وقال المنيسي عبر قناته الرسمية على اليوتيوب: "أحمد حسن قال إن ديانج قرر الرحيل عن الأهلي بالاتفاق مع المدير الفني، وبعدها قال إنه "بيفكر يمشي". طيب هو مشي ولا بيفكر؟".

وأضاف المنيسي: "أكيد أحمد حسن بخبراته الكبيرة مش ممكن يكون شايف إن أي لاعب مش بيلعب ماتش أو اتنين، يبقى من حقه يمشي! كده إحنا بندمر مفاهيم الاستقرار في أي فريق".

وأشار: "الفريق فيه 25 لاعب، ومش طبيعي أي لاعب يقعد على الدكة ماتشين يقرر يمشي! كده أنت بتضرب المنظومة كلها. الإعلام الرياضي لازم يكون أكثر وعيًا ومسؤولية، خصوصًا لما الكلام ييجي من نجوم سابقين عندهم خبرة واشتغلوا في التدريب".

وأكمل: "مش معقول ناس احترفت بره وبتتكلم كده! الفريق عنده مباريات مهمة، والبطولة شغالة، وإحنا بنتكلم عن رحيل لاعب؟! ده مش توقيت الكلام ده خالص".

ويستعد الفريق الأول لكرة القدم بالنادي الأهلي لخوض مواجهة مرتقبة أمام نظيره نادي بورتو البرتغالي،  فجر غدٍ الثلاثاء في تمام الساعة الرابعة صباحًا في إطار مواجهات الجولة الثالثة من دور المجموعات بكأس العالم للأندية.

ويسعى النادي الأهلي بقيادة مديره الفني الجديد خوسيه ريبيرو، لإنعاش آماله في التأهل من دور المجموعات في ظل تضاؤل فرصة الصعود، حيث خاض الأحمر مواجهتين أمام بالميراس وانتر ميامي وتمكن من التعادل أمام ميامي، وفي ظل هذه النتائج تذيل الأهلي دور المجموعات بنقطة وحيدة.