خالد بيبو يوجه رسالة لوالد زيزو: "في الأهلي.. النادي هو اللي بيرد"

في حوار له مع الإعلامي مهيب عبد الهادي ببرنامج "اللعيب" على قناة "إم بي سي مصر"، علّق الكابتن خالد بيبو، مدير الكرة بالنادي الأهلي، على الأزمة المثارة مؤخرًا بسبب تصريحات والد اللاعب أحمد سيد "زيزو".

ورداً على سؤال مهيب عبد الهادي حول رأيه في الأزمة، قال بيبو: "طبيعي جدًا كل اللي بيخش النادي الأهلي بياخد وقت لحد ما يفهم سيستم الأهلي والأجواء جوا ماشية إزاي، وإن في ناس بترد".

واستشهد بيبو بتجربة اللاعب إمام عاشور عند انضمامه للقلعة الحمراء، موضحًا: "نفس القصة كانت في إمام عاشور لما جه الأهلي، خد وقت".

ووجه بيبو رسالة ضمنية، مؤكدًا على سياسة النادي الراسخة في التعامل مع الإعلام والأزمات، حيث قال: "وعرف إن مش أنا اللي برد، ولا والدي، ولا مراتي، ولا غيره، وإن سيستم الأهلي مختلف.. والنادي الأهلي هو اللي بيرد".