إلهام شاهين ترد على شائعة مطالبتها بتدريس مسيرتها الفنية في المناهج الدراسية

نفت الفنانة إلهام شاهين ما تم تداوله مؤخرًا بشأن مطالبتها بإدراج مسيرتها الفنية ضمن المناهج التعليمية، مؤكدة أن هذه الأنباء مجرد شائعات لا أساس لها من الصحة.

وخلال مداخلة هاتفية مع الإعلامية نهال طايل في برنامج «تفاصيل» على قناة صدى البلد 2، قالت شاهين: «دي تفاهة وهيافة من الناس اللي بتكتب والناس اللي بتصدق، لو الكلام ده صحيح كان لازم يكون في فيديو أو تسجيل، وأنا عمري ما قلت حاجة بالشكل ده».

وأضافت: «اللي بيكتبوا الكلام ده عايزين يعملوا استفزاز عشان يحصل هجوم، ومش لاقيين حاجة حقيقية يهاجموني عليها، فبيفبركوا تصريحات مستفزة عشان يثيروا الجدل».

وتساءلت شاهين مستنكرة: «هو في حد عاقل ممكن يقول إنه عايز يدرس مسيرته في كتب المدارس؟ دي حاجة لا يقولها إلا حد مجنون، وأنا أعتقد إن أنا من الذكاء والعقل إني ما أقولش حاجة زي كده».

وأشارت إلى أن ما يتم ترويجه هدفه خلق حالة من الهجوم ضدها من خلال جهات معينة، مؤكدة أن جمهورها يعرف حقيقتها ولن ينجرف وراء هذه الشائعات.