منقبة وراء مشاجرة صاحب مطعم زاوية دهشور و تاجر الأدوات المنزلية
يواصل موقع خلف الحدث نشر التحقيقات في واقعة قيام عاشور عبد الغني تاجر الأدوات المنزلية بزاوية دهشور بمركز البدرشين بالجيزة، بقتل صديقه وجاره صاحب مطعم فراخ مشوية.
كشفت التحقيقات من خلال أقوال احمد سعد الروبي ٣٤ سنة سائق توكتوك بزاوية دهشور البدرشين .
س: ما صلتك بالمجني عليه، المتوفي عبد التواب ماضي، وهل توجد بينك وبينه خلافات سابقة ؟
ج: هو جاري ومن البلد وفاتح محل فراخ ف الشارع اللي انا ساكن فيه ومفيش بيني وبينه اي خلافات او حاجة
س: ما هي صلتك بالمتهم عاشور عبد الغني، وهل توجد بينك وبينه خلافات سابقة ؟
ج: هو جارنا من المنطقة بتاعتنا فالبلد زاوية دهشور ومفيش بيني وبينه خلافات .
س: ما معلوماتك بشأن الواقعة محل التحقيق ؟
ج: هو اللي حصل ان انا كنت واقف قرب محل الفراخ بتاع عبد التواب وفجأة لقيت عاشور عبد الغني طالع من المحل بتاع عبد التواب وبيسب وبيزعق وبيقول دول مدورنها شرمطة جوه وبعدين وحدة ست لابسه نقاب خرجت من المحل من عند عبد التواب وبعدين رحت انا دورت التوكتوك عشان امشي بيه ولقيت عاشور وقفني بالتوكتوك وقالي اقف هنروح مشوار وبعدين قاللي خش شارع وسط البلد ومدخلتش وبعدين راح قاللي خش جوه الشارع وبعدين دخلنا جوه شارع وسط البلد ولقينا ماهر عقل واقف قدام بيته راح عاشور عبد الغني قاله اركب عشان في واحده بنقاب كانت جوه مع عبد التواب ماضي في المحل بتاعه ومشيت من الشارع ده انت مشفتهاش راح ماهر قاله لا مشفتهاش وانا مليش دعوه بالسهرايه دي وبعدين فجأه لقينا الست ام نقاب ظهرت فجأه وبتقول لماهر عقل احميني من الراجل ده اللي هو عاشور عبد الغني وبعدين لقينا عبد التواب ماضي جه واحنا واقفين قدام بيت ماهر وبعدين عبد التواب جه وكان عاوز يمشي الست اللي لابسه النقاب اللي عاشور كان موقفها ومش عاوزها تمشي وبعدين راح عاشور قاله مش هتمشي وبعدين الناس اتلمت وعبد التواب وعاشور مسكوا ف بعض راح عاشور عبد الغني طلع المطوه من جيبه وراح عور عبد التواب ماضي في دماغه من فوق وبعدين راح ضربه في جمبه الشمال ولقيت هدوم عبد التواب ماضي فيها دم وبعدين الناس شالوه وركبوه التوكتوك بتاعي وطلعت بيه علي مستشفي الاسلامية والناس دخلوه المستشفي وبعدين قالوا هينقلوه لمستشفي تاني عشان حالته صعبة وخدوه ومشي وانا مشيت اشوف أكل عيشي لحد ما جيت انت فالمعاينة وقابلتني وجيت معاك هنا وهو ده كل اللي أعرفه عن الموضوع ده.
والكلام ده بدايته كانت الساعة حوالي تلاته ونص تقريبا النهارده في محل الفراخ والكباب بتاع عبد التواب ماضي اللي جمب مركز شباب زاوية دهشور بالبدرشين ولما عاشور عبد الغني قابل عبد التواب ماضي ومسكوا في بعض وضربه كانت بعديها علي طول وكان الكلام ده قدام بيت ماهر عقل في شارع وسط البلد بزاوية دهشور بالبدرشين .
س: وما سبب ومناسبة تواجدك بالزمان والمكان، سالفي الذكر ؟
ج: انا كنت لما حصل اللي حصل شغال ع التوكتوك بتاعي وركبت عاشور عبدالغني لما وقفني وقاللي دخلني عند شارع وسط البلد بسرعه فركبته معايا ودخلته .
س: هل كان هناك اتفاق مسبق بينك وبين المتهم عاشور عبد الغني ، علي مرافقته، واستقلاله دراجتك البخارية " التوكتوك " وقت حدوث الواقعة محل التحقيق ؟
ج: لا خالص ده انا كنت لسه طالع من بيتنا بالمكنة وطالع اشتغل واشوف اكل عيشي لأن بيتي في الحته دي .
س: من كان برفقتك، وقت حدوث ما تقدم ؟
ج: انا كان معايا عاشور عبد الغني فالتوكتوك والست اللي كانت لابسه نقاب وماهر عقل والله يرحمه عبد التواب ماضي وناس كتيرم المنطقة اتلمت بس مش فاكرهم .
س: ما الحالة التي أبصرت عليها المتهم عاشور عبد الغني محمود جاد، لأول وهلة منذ بداية الواقعة محل التحقيق ؟
ج: عاشور عبد الغني طالع من المحل الفراخ بتاع عبد التواب وبيشتم بیقول دول مدورنها تعريص وبيسب وبيزعق وبيقول دول مدورنها شرمطة جوه وراحت الست اللي كانت لابسه نقاب خرجت من المحل بتاع عبد التواب ومشيت فراح عاشور عبد الغني مشي وراها.
س: هل وقفت علي هوية هذه السيدة التي كانت ترتدي النقاب ، سابقة البيان؟
ج: مش عارفها لانها لابسه نقاب .
س: ما هي صلتها بالمجني عليه المتوفي عبد التواب ماضي عبد التواب ؟.
ج: لا معرفش بردوا .
س: هل وقفت علي سبب ومناسبة تواجد هذه السيدة سابقة الذكر، مع المجني عليه المتوفي عبد التواب ماضي بحانوته، وقت بدأ الواقعة محل التحقيق ؟
ج: لا معرفش بس ده محل اكل لانه مطعم فراخ مشويه وكباب وانا الصراحه معرفش كانت بتعمل اي جوه لاني مشفتهاش .
س: ما اذا الحالة التي كانت عليها هذه السيدة سالفة الذكر، التي كانت ترتدي النقاب، حال رؤيتك اياها، لأول وهلة ؟
ج: هي كانت طالعه من المطعم بتمد فالمشي وف ايديها كيس ابيض .
س: ما تعليلك، لتصرفها هذا ؟
ج: هي عملت كده ممكن لما لقت عاشور دخل وطالع بيزعق وبيسب وبيقول دول مدورنها شرمطه .
س: وما تعليلك لقيام المتهم عاشور عبد الغني بهذا التصرف ؟
ج: الله اعلم ممكن يكون شاف حاجة بس انا مشفتش اصراحه .
س: وما الحالة التي أبصرت عليها المجني عليه المتوفي عبد التواب، لأول وهلة، آنذاك ؟
ج: هو عبد التواب كان جوه المطعم بتاعه ومطلعش غير لما الست اللي كانت جوه معاه فالمحل طلعت ومشيت وبعدين هو فضل واقف في محله وانا اتحركت بالتوكتوك عشان اشوف اكل عيشي فراح عاشور عبد الغني لقيته بينده عليا وبيقولي اقف ووقفتله.
س: ما هي بادرة تقابلك مع المتهم عاشور عبد الغني محمود جاد، آنذاك ؟
ج: هو اول ما قابلته كنت لسه بدور المكنه عشان اشتغل عليها ولقيته نده عليا وقاللي اقف فرحت وقفت وركب التوكتوك وقالي دخلني بسرعه شارع وسط البلد فرحت مشيت بالتوكتوك لحد شارع وسط البلد ومردتش اخش وبعدين راح قالي خش الشارع جوه فرحت لفيت بالمكنه ودخلت شارع وسط البلد فلقينا ماهر عقل واقف قدام بيته بالصدفه وراح عاشور قاله اركب معانا في واحده ست لابسه نقاب بندور عليها كانت مع عبد التواب ماضي ف محل الفراخ بتاعه راح ماهر عقل قاله انا مليش فالسهرايه دي وفجاه لقينا الست ام نقاب دي ظهرت وبتقول لماهر احميني .
س: ما هي المسافة التي استغرقتها بدراجتك البخارية رفقة المتهم عاشور عبدالغني ، منذ أن رافقك حتى التقابل مع هذه السيدة سالفة الذكر ؟
ج: هو انا مش متذكر بس كانت مده بسيطه حوالي ۱۰ دقايق تقريبا بس انا اول ما وصلت عاشور عبد الغني شارع وسط البلد قلتله انا همشي وهو نزل يدوب بيدور عليها راح لقي الست ام نقاب دي ظهرت ادامه .
س: من أين تحديداً ظهرت هذه السيدة، التي كانت ترتدي النقاب، آنذاك ؟
ج: هو شارع وسط البلد ده ليه كذا مخرج وموصل بكذا شارع ففجاه لقيتها خرجت من شارع منهم قدامنا و عاشور اول ما شافها راح زعق معاها وقالها انتي جايه تتشرمطي وانتي مش هتمشي غير لما يجي ال كان معاكي .
س: وما هو رد فعل هذه السيدة سابقة الذكر، جراء ذلك ؟
ج: راحت هي قالت لماهر عقل احميني وبعدين الناس فالمنطقة اتلمت وعلي طول لقينا عبد التواب ماضي جه .
س: ما الذي حدث عقب ذلك ؟
ج: هو بعد ما عبد التواب ماضي جه واحنا واقفين قدام بيت ماهر كان عاوز يمشي الست ال لابسه النقاب ال عاشور كان موقفها وبعدين عاشور قاله الست دي مش هتمشي وبعدين الناس اتلمت وعبد التواب وعاشور مسكوا ف بعض.
س: ما هي تفصيلات حدوث التعدي سابق الذكر ؟
ج: هو الاتنين اللي هما عبد التواب ماضي وعاشور عبد الغني راحوا رايحين علي بعض ومسكوا في بعض من الهدوم من ياقة الهدوم وبعدين راح عاشور عبد الغني طلع المطوه من جيبه وضرب عبد التواب ماضي في دماغه من فوق الأول وبعدين راح ضربه في جمبه الشمال ولقيت هدوم عبد التواب ماضي فيها دم وبعدين الناس شالوه وركبوه التوكتوك بتاعي وطلعت بيه علي مستشفي الاسلامية والناس دخلوه المستشفي وبعدين قالوا هينقلوه لمستشفي تاني عشان حالته صعبة وخدوه ومشي وانا مشيت اشوف اكل عيشي.
س: ما تعليك اذا لقيام المتهم عاشور عبد الغني، بالتعدي علي المجني عليه المتوفي عبد التواب ماضي عبد التواب آنذاك ؟
ج: هو ضربه عشان عبد التواب كان عاوز ياخد الست ام نقاب ويمشيها وعاشور عبد الغني مكنش عاوزها تمشي فراح ضربه بالمطوه زي ما قلت ولقينا دم في هدوم عبد التواب بعديها.
س: ما هي طبيعة الاصابات التي لحقت بالمجني عليه المتوفي عبد التواب ماضي عبد التواب من جراء تعدي المتهم عاشور عبد الغني محمود عليه، آنذاك ؟
ج: هي الاصابات دي كانت جروح بالمطوه زي ما قلت في عبد التواب ماضي.
س: كم عدد الاصابات التي لحقت بالمجني عليه عبد التواب ماضي عبد التواب، آنذاك ؟
ج: هو اللي انا شفته انه اتضرب ضربتين علي ما افتكر .
س: وأين استقرت هذه الاصابات تحديداً، بجسد المجني عليه المتوفي عبد التواب ماضي عبد التواب؟
ج: هو اللي انا شفته انه ضربه بمطوه اول ضربه ف دماغ عبد التواب من فوق وتاني ضربه ف جمبه الشمال .
س: ما طبيعة السلاح المستخدم من قبل المتهم عاشور عبد الغني، قبل المجني عليه المتوفي عبد التواب ماضي عبد التواب، آنذاك ؟
ج: هو كان مطوه من الجمب فيها حته خشب ده ال فاكره .
س: من أين استحصل عليها المتهم عاشور عبدالغني محمود ؟
ج: هو طلعها من جيب المنطلون .
س: وأين هذا السلاح الأبيض " المطواة " المستخدم في هذه الواقعة ؟.
ج: هي اخر حاجة شفتها ف ايده بعدم عور عبد التواب الله يرحمه وبعدين حطها ف جيبه.
س: ما هي طبيعة الرؤية آنذاك ؟
ج: هو كان الوقت بعد العصر وكان في نور في المكان .
س: هل من أحد شاهد الواقعة، محل التحقيق ؟
ج: اه الناس اللي فالشارع والمنطقة اتلمت واللي فاكره كويس ماهر عقل لانه كان موجود من اول الموضوع ما بدا زي ما قلت .
س: هل هناك خلافات سابقة بين المتهم عاشور عبد الغني محمود، والمجني عليه المتوفي عبد التواب ماضي عبد التواب ؟
ج: الله اعلم انا معرفش بصراحه ربنا .
س: هل وقفت علي قصد المتهم عاشور عبد الغني محمود من التعدي علي المجني عليه المتوفي عبد التواب ماضي عبد التواب؟
ج: هو انا معرفش قصده اي من ضربه بصراحه .
س: هل وقفت علي سبب وفاة المجني عليه عبد التواب ماضي عبد التواب ؟
ج: هوم الجرح ال بالمطوه ال جرحوله عاشور .
س: هل قام احد غير المتهم عاشور عبد الغني محمود، بالتعدي علي المجني عليه المتوفي عبد التواب ماضي عبد التواب ؟
ج: لأ عاشور بس ال ضربه بالمطوه زي ما قلت.
س: ما قولك فيما ثبت بالتقرير الطبي الخاص بالمتوفي المجني عليه عبد التواب ماضي عبد التواب ؟ .. تلونا عليه جملة وتفصيلاً .
ج: اه هو اتعور ف جمبه زي ما قلت وكان في دم في هدومه شفته بعد ما اضرب .
س: ما قولك فيما جاء بأقوال شقيق المتوفي المجني عليه عبد التواب ماضي عبد التواب استدلالاً وتحقيقاً ؟
ج: اه ده حصل وانا قلت ال شفته وعاشور عبد الغني هو اللي ضرب عبد التواب الله يرحمه .
س: ما قولك فيما ثبت من معاينة النيابة لمحل الواقعة، وما ثبت بكاميرات المراقبة ؟
ج: اللي حصل انا حكيته بأمانه .
س: ما هو سلوك المتهم عاشور عبدالغني محمود ؟
ج: هو انا كنت فاكره عادي قبل اللي حصل بس بعد ما ضرب عبد التواب بالمطوه ومات عرفت انه مش كويس .
س: ما هو سلوك المجني عليه المتوفي عبد التواب ماضي عبد التواب ؟
ج: انا اعرف عبد التواب محترم واسلوبه فى التعامل كويس وده الظاهر لنا ومشفتش منه حاجه وحشه الصراحه .