الكفن لم ينه الدم.. زوجة الحاج نادي تكشف: أجبروا الصغار على الثأر

كشفت جمالات جمعة، زوجة فارس عبد الواحد، عن تفاصيل الهجوم المسلح الذي أودى بحياة زوجها وأصاب أطفالها، مشيرة إلى أن الواقعة لم تكن مجرد اعتداء عادي، بل كانت نتيجة تحريض من إخوة القتيل السابق أحمد عربي سليمان وسعيد عربي سليمان لاستغلال شباب العائلة الصغيرة في تنفيذ ثأر قديم.

جمالات زوجة فارس عبد الواحد تكشف كل تفاصيل مقتل زوجها والهجوم المسلح على أسرتها بالعزيزية

أكدت جمالات جمعة، زوجة المجني عليه فارس زكي حسن عبد الواحد، في تحقيقات خالد أبو رحاب وكيل النائب العام بإشراف المستشار أسامة أبو الخير المحامي العام الأول لنيابة جنوب الجيزة، أن الهجوم الذي أودى بحياة زوجها وأصاب أفراد أسرتها، تم بالتخطيط والتحريض من قبل عدد من أقارب القتيل السابق سلامة عربي سليمان سلامة.

وعند سؤالها عن مشاركة آخرين في الواقعة، قالت جمالات:

"أيوة أشترك معاهم كل من إخوة المتوفي أحمد عربي سليمان سلامة وسعيد عربي سليمان سلامة".

وحول دلالة هذا الاشتراك، أوضحت:

"هما اللي حرضوهم علشان الأطفال دول ياخدوا ثأر أخوهم وفهموهم إن هما اللي هيسرفوا عليهم لو دخلوا السجن وقالولهم إن إنتوا محظكم سنكم صغير فمش هتاخدوا إعدام وإحنا اللي هنصرف عليكم وعلى أهاليكم، وده اللي متعارف عليه في الريف لما يكون عيلة ليها ثأر. إن هما يخلوا الأطفال هما اللي يموتوا علشان ميخدوش إعدام ويفهموهم إن العيلة كلها هتشيل مصاريفهم لغاية لما يخرجوا من السجن. غير إن كان في كلام كتير في البلد الفترة اللي فاتت بيقول إن أحمد عربي وسعيد عربي قالوا إحنا برده مش هنسكت وهنموت واحد من عيلة عبد الواحد، لكن إحنا كنا بنقول إن الكلام ده كدب وإن هما مش هيعملوا كده علشان قبلوا الكفن، بس أتضح إمبارح إن الكلام ده كدب وإن هما فعلاً خططوا لكده ونفذوه إمبارح لما قتلوا جوزي، وسمعت بعدها في البلد بيقولوا إن هما كانوا مستنين برة على الطريق أحمد عربي وسعيد عربي ومعاهم كل الحريم علشان أول ما العيال تنفذ قتل جوزي يهربوا من البلد هما وحريمهم كلهم".

وحول رؤية المتهمين أثناء اصطحابهم للنساء الخاصة بهم خارج القرية، قالت:

"البلد كلها كانت بتقول كده بس أنا مش عارفة بالظبط مين اللي شافهم وهما خارجين برة على الطريق ومعاهم الحريم بتاعتهم أو وهما خارجين من بيوتهم علشان ميسيبوش حريم في البيوت".

وبالنسبة لعدد الطلقات التي أطلقها محمود كمال الدين عبد المجيد، قالت جمالات:

"هو ضرب طلقة قبل ما يوصل للبيت ولما وصل للبيت ووصلوا عند جوزي ضربوه طلقة في وشه. ولما بنتي جت تصوت هي وعيالها وتقرب راحوا ضاريين عليها طلقة أصابوها هي وعيالها الأتنين، وفي تقريباً اتنين من العيال اللي كانوا مع محمود مسكوا كرم أبني وقعدوا يضربوه بالأسلحة اللي كانت معاهم بس مش فاكرة مين بالظبط".

وحول المسافة بين زوجها والمهاجم، أوضحت:

"المسافة ما بينهم كانت قريبة جداً حوالي متر أو متر ونصف تقريباً".

أما عن حالة الضوء والرؤية، فقالت:

"هي كانت كويسة جداً علشان كان فيه كشافات منورة في المنطقة ساعتها"، وأضافت أن الطريق كان "ترابي".

وحول الإصابات التي لحقت بأفراد أسرتها، قالت:

"سماح جه رش خرطوش في إيديها، وعيالها رجليهم الأتنين مليانة رش خرطوش، وكرم ابني في إصابات في راسه وكان بيجيب دم بس معرفش إيه الخبطات اللي فيه بالظبط".

وبخصوص دور كل متهم، قالت:

"محمود هو اللي قتل بالبندقية الخرطوش اللي كانت معاه، وباقي المتهمين كانوا بيأمنوه وبينصروه علشان ينفذ قتل جوزي، وضارب طلقة في بنتي وعيالها، وكمان اللي معاه هما اللي ضربوا كرم أبني ومعورينه".

وحول قصدهم من الأفعال، قالت:

"هم قصدوا يقتلوا فارس جوزي ويقتلوا أي حد يحاول يمنعهم من ده، علشان كده ضربوا بنتي وعيالها بالنار وضربوا ابني بالسلاح الأبيض على دماغه لغاية لما سال في دمه".

وفيما يخص محضر التحري الصادر عن الرائد أحمد يحيى، رئيس مباحث مركز شرطة البدرشين والمؤرخ في 31 يناير 2026 الساعة 10:00 صباحاً، فقد ثبت فيه صحة الواقعة على النحو الذي أفادته جمالات، وأن وراء ارتكابها:

سليمان خالد عربي سليمان سلامة – عامل ومقيم العزيزية – البدرشين، يحمل سلاح أبيض، سبق اتهامه في قضية جنايات البدرشين رقم 3258 لسنة 2025 – قتل

محمود كمال الدين عبد المجيد سلامة – يحمل سلاح ناري بندقية خرطوش، سبق اتهامه في قضية جنح البدرشين رقم 9427 لسنة 2017 – سلاح ناري

زياد خالد عربي سليمان سلامة – يحمل سلاح أبيض

أحمد شكري محمد محمد إبراهيم سلامة – عامل ويحمل سلاح أبيض

كمال أحمد كمال الدين عبد المجيد سلامة – يحمل سلاح أبيض

وأخرين جاري تحديدهم.

وأكدت جمالات أن من حرضهم على الواقعة هما أحمد عربي سليمان وسعيد عربي سليمان.

وعند تشغيل المقطع المصور من وحدة الرصد أمام الشارع محل الواقعة، ظهرت مجموعة من الشبان يرتدون ملابس إفرنجية ويحملون ما يشتبه في كونه أسلحة بيضاء، فيما يظهر أحدهم مرتدياً جلباب أبيض ويحمل بندقية خرطوش سوداء، وأقرت جمالات أنهم:

سليمان خالد عربي سليمان سلامة (المشهور بكتكوت)

زياد خالد عربي سليمان سلامة

أحمد شكري محمد محمد براهيم سلامة

كمال أحمد كمال الدين عبد المجيد سلامة

والمتهم الذي يرتدي الجلباب الأبيض ويحمل السلاح الناري هو محمود كمال الدين عبد المجيد سلامة.

وعند سؤالها عن القائمين بالقتل وإصابة أسرتها، قالت:

"أيوة هما، وأنا أول لما شفت الفيديو عرفتهم واحد واحد، لإن أنا لسة شأيقاهم إمبارح وهما بيموتوا جوزي، وفعلاً الوحيد اللي كان لابس جلابية هو محمود كمال الدين عبد المجيد سلامة وهو اللي كانت في ايده البندقية الخرطوش".

وعند سؤالها عن المتهمين الذين تتهمهم تحديداً، قالت:

"أنابتهم المتهمين الخمسة اللي قلت عليهم، وبتهم الأتنين اللي حرضوهم أحمد عربي سليمان وسعيد عربي سليمان"، وليس لدي أي أقوال أخرى.