القصة الكاملة في كفن العزيزية.. نص أقوال زوجة الحاج نادي في التحقيقات
كشفت جمالات جمعة، زوجة المتوفي فارس زكي عبد الواحد، تفاصيل مأساوية حول الهجوم المسلح الذي أودى بحياته وأصاب أطفالها.
أوضحت أن النزاع بين عائلتي عبد الواحد وسلامة استمر منذ 2020، بعد مشاجرة طفولية وتحول لاحقًا إلى ثأر دموي، رغم محاولات تقديم الكفن لإنهاء الخصومة. الهجوم الأخير وقع في 30 يناير 2026، حيث اقتحم خمسة من عائلة سلامة منزلهم مسلحين، واستهدفوا فارس وأفراد أسرته في جريمة مدروسة ومخطط لها مسبقًا.
قالت جمالات جمعه 55 سنة ربة منزل في تحقيقات خالد أبو رحاب وكيل النائب العام بإشراف المستشار أسامة أبو الخير المحامي العام الأول لنيابة جنوب الجيزة أنها زوجة المتوفي فارس زكي عبد الواحد من 40 سنة وعمره 62 سنة وعندهم خمس بنات وولد وزوجي كان موظف في شركة السكر وطلع معاش من سنتين ده غير إنه فلاح عندنا أرض طين بنزرعهم ونأكل ونشرب منهم
وأنا من عيلة عبد الواحد وزوجي من نفس العيلة وهيا تعتبر جزء كبير من البلد وعلاقتنا حلوة بمعظم العائلات اللي في البلد الا ان في عيلة واحدة هي اللي فيه بينا وبينهم مشاكل وهي عيلة سلامة اللي قاعدين في نفس القرية رغم انه تربطنا بيهم علاقة الجيرة وبعض علاقات النسب والخلافات دي نشبت من عام 2020
واللي حصل وقتها أن العيال أطفال عندنا في العيلة وعندهم كانوا بيلعبوا كورة واتخانقوا مع بعض خناقة عادية زي اللي بتحصل بين أي اطفال والناس حجزتهم ورغم كده الله يرحمه حنفي أخو جوزي كان لسه متوفاش فراح لهم لحد بيوتهم عشان يراضيهم عشان الجيرة والنسب اللي ما بينا وراح اعتذر لهم على شدة العيال ما بينهم وقالوا له خلاص واحنا ادينا الأمان ان مفيش اي حاجه
وبعد كده فوجئنا انهم اتلموا مجموعة منهم على احمد وفدي زكي ابن أخو جوزي اتلموا عليه مجموعة من عيلة سلامة عشان يضربوه عشان مشكلة الاطفال الصغيرة وكان الله يرحمه سلامة عربي سلامة كان معاه خنجر وعايز يضرب بيه أحمد وفدي فأحمد قدر ان هو ياخد منه الخنجر عشان يدافع عن نفسه وخبطه بالخنجر في جنبه خبطة موتته، والواقعة دي حصلت على ما اتذكر يوم 15 مارس 2020 ومن هنا بدأ يتقال في البلد ان فيه دم في رقبة عيلة عبد الواحد لعيلة سلامة.
وأحمد وفدي عمرة ما كان بتاع مشاكل بس لما هما جم يضربوه عند بيته اضطر انه يدافع عن نفسه ومكنش يقصد يقتل خالص إلا إن سلامة مات.
وتم تحرير محضر والمحكمة عرفت انه مكنش يقصد يموت فعشان كده المحكمة حكمت عليه بالسجن مش الإعدام واتسجن كذا سنة منهم بعد كده طلع في عفو رئاسي.
والعلاقة فيما بينا إن أحمد وفدي ابن أخو جوزي وطول عمره عايش يتيم هو واخواته لان ابوهم مات بدري وجوزي واخواته هما اللي متكفلين بمصاريفهم من ساعة ما كانوا اطفال
واخوات جوزي 3 هما وفدي اللي توفى وولاده صغار وحنفي توفى اخر 2020 وحفني لسه عايش وهو الوحيد اللي عايش من بين جوزي واخواته
ومن تحديدا توفى من عائلة سلامة
اللي توفى سلامة عربي سلامة وسلامة ده اللي توفى كان ليه 4 اخوات 2 منهم ماتوا مقتولين و 2 منهم لسه عايشين والبلد كلها عارفه بكده
وسلامة عربي عنده 4 اخوات وده عايش اسمه احمد و التاني سعيد واتنين اتوفوا قبل كده في ظروف غامضة وهما خالد و سليمان ولما الاتنين توفوا أحمد اتجوز مرات اخوه اللي توفى اللي اسمه سليمان وسعيد اتجوز مرات خالد ولما اخوهم اللي مات في واقعة احمد وفدي اللي اسمه سلامة كانوا الاتنين اللي عايشين عايزين يتجوزوا مراته بس في الآخر أحمد عربي هو اللي اتجوزها
واحمد عربي سلامة متجوز من 4 سيدات الأولانية من عيلة عبد الواحد وبنت عم أحمد وفدي على طول واسمها صفاء حسن ومراته التانية مرات اخوه سليمان اللي توفى و مراته التالته ست غريبة مش قريبتهم وأصلها من السعودية واسمها رضا ومراته الرابعة مرات اخوه التاني اللي اتوفى اللي اسمه سلامة عربي
وبعد كده العلاقة كانت متوترة واحنا عشنا سنين رعب عشان كنا خايفين يموتوا حد وعرضنا عليهم ان احنا نقدم كفن او ندفع الدية ونشوف الطريقة اللي ترضيهم ونعملها عشان نوقف سلسال الدم ده
وكان كل فترة كان لازم تحصل مناوشات ويطلعوا يضربوا نار جنب بيوتنا وعيشونا في رعب واحنا كلمنا كل كبارات البلد من أعضاء مجلي شعب ومشايخ عشان يتفاهموا معاهم وان احنا نديهم الدية او نسلمهم الكفن بس هما ما كانوش بيرضوا، وكل ده حصل في الفترة اللي كان فيها احمد وفدي في السجن ولما خرج في أواخر 2024 او 2025 عيلتنا كلها قعدت معاه وقالت له انت متعش في البلد عشان نحافظ على شعور جيرانا عيلة سلامة وميحصلش مناوشات او اي مشادات تاني لحد ما ربنا يكرمنا وأهل الخير يحاولوا يصلحونا على بعض ونشوف الطريقة اللي ترضيهم عشان نراضيهم.
واحمد وفدي سمع الكلام لإن هو كمان مبيحبش المشاكل وساب البلد كلها وقعد في القاهرة وهو كان نادر لما كان بيجي البلد ولو جه كان بيجي عشان يطمن على أمه عشان ابوه ميت من زمان وميقعدش نص ساعة ويمشى ويكون مستخبي في ضلمة الليل.
وهو ما كنش حد في البلد كلها يعرف بس يمكن ولاد الحرام عرفوهم لما حاولوا يعملو له كمين عشان يموتوه
والكلام ده تقريبا كان 14 او 15 مارس 2025 وكان يوافق 14 او 15 رمضان
ومتى كان ذلك تحديدا؟
ج: الكلام ده كان تقريبا ١٤ أو ٢٠٢٥/٣/١٥ وكان يوافق ١٤ أو١٥ رمضان اللي فات ، وهما أختاروا اليوم ده على وجه التحديد علشان سلامة عريي سليمان سلامة لما أحمد خبطه ومات بعديها كان ٢٠٢٠/٣/١٥ وكانوا من بعديها كل سنة يوم ٣/١٥ يعملولوا سنوية ويقعدوا يصوتوا في البلد ويقولوا إحنا لازم نموت واحد من بيست عبد الواحد وعلشان كده أختاروا اليوم ده بالتحديد علشان يحاولوا يموتوا احمد وفدي س، وما هي تفصيلات تلك الواقعة،
ج: هو اللي حصل ده كان في رمضان وأحمد وفدى نزل البلد في اليوم ده في عربية زجاجها مضلم علشان يروح يطمن على أمه ويفطر معاها في رمضان في يوم ، فراح مجموعة كبيرة من عيلة سلامة عملوله كمين ووقفوا عربية في أول الطريق وأول لما هو عدى في البلد وماشي كان جايبين موتسيكل وكان الموتسيكل ده راكب عليه سعيد عربي سليمان سلامة وراكب وراه سليمان خالد عربي سليمان وكان سايق الموتسيكل واحد صاحبهم ومش قريبهم ( أسمه/ أحمد عبدالغني عبد الحفيظ عبد الغني وطلعوا في شارع ضيق وقفلوا بالموتسيكل على أأحمد وفدي وقعدو يضربوا نار في العربية ولما أحمد وفدي حصلوا الموقف ده اتصرع من الموقف وان الطلقات عمالة تعدي من جنب دماغه فمن خضته داس بنزين جامد مرة واحدة فخبط في الموتسيكل فمات اللي كان سايق الموتسيكل اللي إسمه/ احمد عبد الغني عبد الحفيظ عبد الغني وهرب منهم أحمد وفدي ومعرفوش يموتوه ، وكان في الوقت ده مع
التلاثة دول احمد عربي سليمان كان واقف بالعربية بتاعته على راس البلد علشان هما أول ما يقتلوا أحمد وفدى يجروا عليه وياخدهم ويهرب بيهم ، لكن الحكومة مسكتهم كلهم هما التلاثة ومسكت برده أحمد وفدي.
س: وما الرقم الذي قيدت به تلك الواقعة؟ ج: هي اتقيدت برقم ٣٢٥٨ لسنة ٢٠٢٥ جنح البدرشين س: وما الذى آلت إليه تلك الواقعة؟
ج: طبعاً هما التلاتة يتوع عيلة سلامة راحوا المحكمة متهمين في شروع قتل أحمد وفدي ، وأحمد وفدي راح متهم بإن هو اتسبب في موت أحمد عبد الغني عبد الحفيظ اللي هو كان سايق ليهم المتوسيكل.
س: وما الذي حدث عقب ذلك؟
ج: هو اللي حصل إن أهل البلد كلهم اتجمعوا وعضو مجلس الشعب بتاع الدايرة وأعضاء مجلس شعب من دواير تانية وكله أتجمع علشان يخلصوا سلسال الدم ده والموضوع ينتهي.
س: وكيف كان سبيلهم لذلك؟
ج: هو أن يقنعوا عيلة سلامة إن هما يقبلوا الكفن.
س: وهل تمكنوا من ذلك؟
ج: بالفعل كل أهل الخير تمكنوا من إن هما يقنعوههم بأن هما ياخدوا الكمن علشان الصفن ده في الارياف عندنا ليه معاني كبيرة أوي ، وإن هو اللي بيقدم الكفن بيعتبر إن هو موت نفسه وراح يقدم نفسه للطرف التاني ، وفي ناس كتير في الأرياف عندها إن هو يتقتل ولا إن هو يقدم كفنه ، وهو ده عرف الأرياف ، فالناس قدرت تقنع عيلة سلامة أنهم ياخدوا من عيلتنا الكفن ، لكن كان ليهم شرط غريب أوي الناس كلها كانت مستغرباه.
س: وما هو شرط عائلة سلامة لقبول ذلك الكفن من عائلة عبد الواحد؟ ج: إن اللي يقدم الكمن من عيلة عبد الواحد زوجي / فارس زكي حسن عبدالواحد بنفسه.
س: ولما أشترطوا ذلك الشرط؟
ج: علشان جوزي اللّه يرحمه كان هو كبير العيلة ، فهما حاطين في حساباتهم لما كبير العيلة هو بنفسه اللي يقدم لهم الكفن يبقى بكده هما كسروا عين العيلة كلها.
س: وهل كان زوجك قد أشترك في قتل قتيلهم المدعو/ سلامة عربي سلامة؟ ج: ولا حتسى حضر الواقعة دي من أساسه ولا ليه علاقة بيها إلا إن هما أصروا أن جوزي هو اللي يقدم الكفن بنفسه.
س: وهل أرتضى زوجك بشرطهم؟
ج: هو كان الأول مش موافق خالص.
س: وما أسباب رفضه؟
لإن هو مكنش قاتل ولا عمره ضر حد وفاهم بعد العمر الطويل اللي كان بيحترم فيه الناس والناس كلها بتحترمه إن نضه هتتكسر في البلد كلها ، وهيفضل طول العمر عياله يتعايره إن هو قدم الكفن.
س: وما أسباب موافقته إنتهاءَ؟
ج: هو أضطر إن هو يرضى لما كل كبار البلد جولوا والموقف اللي أثر فيه لما جاتله مرات أخوه المتوفي وفدي اللي هي والدة أحمد وفدي وقالت له علشان خاطر اخوك اللي في التربة قدم الكفن علشان تقدى عيال أخوك اللي مات من زمان وكانت هتنزل تبوس على رجله فبكى وعيط وقالها اللي إنتي عايزاه يا أم محمد أنا هقدم الكفن علشان خاطر أخويا وعياله.
س، وهل من ثمة مراسم معينة أقيمت لذلك الحدث؟
ج: أيوة ده كان حدث الدنيا كلها شافته وأتصور وكان عاملين أحتفالية كبيرة يحضرها كل رجالة الشرطة في مديرية الأمن من أكبرهم لأصغرهم وأعضاء مجلس الشعب كل من النائب/ نادر الخبيرى والنائب عماد الدرجلي ، والنائب حازم عويان ، والعمدة عبداللّه تركي والاستاذ بهجات تركي وشيخ البلد إسماعيل أبوموسى ، وعدد كبير من ابناء مركز البدرشين وجنوب الجيزة.
س: وأين تحديدا اقيم ذلك الحدث؟ ج: في نادي الجزيرة بالبدرشين.
س: وما هي المراسم التي تقام في مثل تلك الأحداث؟
ج: هو كان فارس جوزي شايل كمنه على أيده وماشي بيه في وسط كل الناس فعال الخير لحد لما وصل بكفنه على أيده قدام ولي الدم/ أحمد عربي سليمان سلامة ، واحمد استلم منه الكفن ورضي بيه وانتهى المشهد على كده واتصور ونزل على كل مواقع الأخبار وعلى
النت.
قال وكيل النائب العام بفتح هاتفنا المحمول ودلفنا إلى محركات البحث وقمنا بالبحث عن عنوان إنهاء الخصومات الثأرية بتقديم الكفن بالبدرشين وحيث تبين لنا مقطع مصور بفتحه تبين ظهور مجموعة من الأشخاص يسيرون حول شخص يحمل على يده قماش أبيض اللون يشتبه في كونه كمن وهناك العديد من الأصوات بالتكبيرات تملأ المكان ويسير ذلك الشخص في وسط ذلك الجمع إلى أن يصل لشخص جالس ويقوم بتقديم ذلك الكفن له ثم يقول ذلك الشخص مستلم الكفن عفوت عنك لوجه اللّٰه ويقوموا بإحتضان بعضهم البعض ويهلل كل الحضور يإنهاء الخصومة ويحمدوا اللّٰه على ذلك الحال ويعرض ذلك المقطع على الحاضرة قررت أن ذلك المشهد هو واقعة تقديم الكفن من زوجها المتوفي/ فارس زكي حسن عبدالواحد إلى المدعو/ أحمد عريي سليمان سلامة وهو ذلك الشخص الذي يرتيد قميص أبيض اللون واستلم منه الكفن ، وأن ذلك الشخص اللذين يؤدون أمامه يمين اللّٰه وأقسموا بالله أمامه ثلاث مرات أنهم عفوا وندموا على ما بدروا منهم من أفعال ولن يعودوا إلى ذلك أبداً هو الشيخ إسماعيل أبو موسى من كبار رجال الدين بمركز البدرشين ، وعليه قمنا بحفظ ذلك المقطع على هاتفنا المحمول تمهيدا لوضعه على ذاكرة وميضية لإرفاقه بالتحقيقات وعليه قمنا بإثبات ذلك
س، وما أثر ذلك الحدث على عائلة عبد الواحد وعائلة سلامة؟
ج: هو عائلة عبد الواحد كان جوزي من بعدها مش قادر يخرج من البيت ومش قادر يرفع عينه في البلد عاشان شال كفنه على ايده ومش ساعطها مش عارف يطلع من البيت وابني كرم نفس الكلام وهو بيحاول ما يطلعش كتير وعيلة سلامة قعدوا شوية يهيصوا ان هما اتقدم لهم الكفن وبعدها قعدوا شوية مفيش اي احتكاك او معاملة ما بين عيلتنا وعيلتهم.
س: وما حكم القضاء في واقعة الشروع في قتل / أحمد وفدى زكي عبد الواحد والمتهمين فيها سعيد عربي سليمان وسليمان خالد عربي وأحمد احمد عربي سليمان ، والمتهم فيها ايضاً أحمد وفدى زكى عبد الواحد بإحداث وفاة أحمد عبد الفني عبد الحفيظ؟
ج: هو التلاتة التي من بيت سلامة أخدوا سنة مع إيقاف التنفيذ ، وأحمد أخد براءة علشان كان بيهرب وبيدافع عن نفسه.
س: وهل بالفعل إنتهت تلك الخصومة الثأرية وخيم السلام على بلدتكم؟ ج: هي الدنيا كانت هادية لغاية إمبارح يوم الجمعة الموافق ٢٠٢٦/١/٣٠ س: وما الذي حدث بذلك التاريخ؟
ج: هو بداية الموضوع إحنا سمعنا صوت هيصة جاية من أول الشارع وصوت يشبه صوت ضرب النار ولقينا مجموعة شباب جايين من عيلة سلامة عند البيت عندنا وفي ايديهم السلاح.
س: ومن هم تحديدا هؤلاء الشبان؟
ج: هم كلا من/ ١- سليمان خالد عربي سليمان سلامة ، ٢- محمود كمال الدين عبد المجيد سلامة ، ٢- زياد خالد عربي سليمان سلامة ، ٤ - أحمد شكري محمد محمد إبراهيم ، ٥- كمال أحمد كمال الدين عبد المجيد سلامة.
س: وما هي الأسلحة التي كانت حوزة كل منهم؟
ج: هو محمود كمال الدين عبد المجيد سلامة كان معاه بندقية خرطوش لونها أسود ، وسليمان خالد عربي كان معاه سنجة والباقيين تقريباً كان في ايديهم سكاكين أو خناجر مش قادرة أفتكر بالظبط من الموقف بس هما كان معاهم سكاكين أو خناجر.
س: وما سبب حضورهم إلى منزلكم؟
ج: هو بعد لما الواقعة خلصت فهمنا إنهم كانوا جايين علشان يموتوا فارس جوزي.
س: وهل نشب بذلك اليوم ثمة مشادات سبقت تلك الواقعة؟ (ج: لا هو محصلش واللّه أي حاجة.
س: وما هي المسافة بين منازلهم ومنزلكم؟ ج: هي المسافة حوالي نصف كيلو أو أكتر شوية.
س: ومن كان متواجد تحديداً بالمنزل الخاص بكم؟
ج: هو اللي كان موجود وقاعد قدام البيت فارس جوزي وأنا طلعت لما سمعت صوت الزعيق روكان كرم إبني في شقته في الدور اللي فوق ولما سمع صوت الزعيق نزل وسماح بنتي كانت موجودة عندي وعيالها الاتنين كانوا موجودين اللي هما محمود هائي وأحمد هاني.
س: وما بادرة التعدي في تلك الواقعة؟
ج، هما بتوع عيلة سلامة جايين يجروا على البيت عندنا فأنا لما شفتهم جايين يجروا قلت لجوزي خش بسرعة أستخبى جوة فهو صعبت عليه نفسه إن هو يخش يستخبى بعد العمر ده كله وأصر إن هو يفضل واقف قدام باب البيت لحد لما جم مسكوا فيه وهما معاهم السلاح وراح سليمان مسكوا علشان يتمكن محمود إنه يضربوا طلقة تيجي في وشه وصدره تنزلوا ميت في الحال وفضلوا بعديها يضربوا في كرم إبني بالسلاح الأبيض اللي كان معاهم وكمان ضربوا طلقة جت في بنتي وعيالها الأتنين اصابت التلاثة وأول لما أتأكدوا إن جوزي مات رجعوا يضبوا نار ويهيصوا وبعديها عرفت إن هما سابوا البلد وهربوا.
س: وما علاقة المتهمين الخمسة بالمتوفى في عام ٢٠٢٠ المدعو/ سلامة عربي سليمان سلامة؟ ج: هما الخمسة من عيلة سلامة ومنهم اتنين اللي هما سليمان خالد عربي سليمان سلامة وزياد خالد عربي سليمان سلامة دول يبقوا ولاد أخوا القتيل اللي مات في ٢٠٢٠ اللي هو سلامة عربي سليمان سلامة ، وبالنسبة لمحمود كمال الدين ده يبقى إبن عم سلامة اللي مات وفي نفس الوقت خال سليمان خالد عربي وزياد خالد عربي ، وبالنسبة لأحمد شكري محمد محمد إبراهيم سلامة وكمال أحمد كمال الدين عبد المجيد سلامة دول قرايبهم من العيلة وعيال عمهم.
س: وهل أشترك مع المتهمين ثمة أخرين في تلك الواقعة؟
ج: أيوة أشترك معاهم كل من إخوة المتوفي / أحمد عربي سليمان سلامة وسعيد عربي سليمان سلامة.
س: وما دلالة ذلك الإشتراك؟
ج: هما اللي حرضوهم علشان الأطفال دي ياخدو ثار أخوهم وفهموهم غن هما اللي هيسرفوا عليهم لو دخلوا السجن وقالولهم إن إنتوا محظكم سنكم صغير فمش هتاخدوا إعدام واحنا اللي هنصرف عليكم وعلى أهاليكم ، وده اللي متعارف عليه في الريف لما يكون عيلة ليها ثأرإن هما يخلوا أطفال هما اللي يموتوا علشان ميخدوش إعدام ويفهموهم إن العيلة كلها هتشيل مصارفهم لغاية لما يخرجوا من السجن غير إن كان في كلام كتير في البلد الفترة اللي فاتت بيقول إن أحمد عربي وسعيد عربي بيقولوا إحنا برده مش هنسكت وهنموت واحد
أس: وما هي المسافة بين منازلهم ومنزلكم؟ ج: هي المسافة حوالي نصف كيلو أو أكتر شوية.
س: ومن كان متواجد تحديداً بالمنزل الخاص بكم؟
ج: هو اللي كان موجود وقاعد قدام البيت فارس جوزي وأنا طلعت لما سمعت صوت الزعيق روكان كرم إبني في شقته في الدور اللي فوق ولما سمع صوت الزعيق نزل وسماح بنتي كانت موجودة عندي وعيالها الاتنين كانوا موجودين اللي هما محمود هاني وأحمد هاني.
س: وما بادرة التعدي في تلك الواقعة؟
ج، هما بتوع عيلة سلامة جايين يجروا على البيت عندنا فأنا لما شفتهم جايين يجروا قلت لجوزي خش بسرعة أستخبى جوة فهو صعبت عليه نفسه إن هو يخش يستخبى بعد العمر ده كله وأصر إن هو يفضل واقف قدام باب البيت لحد لما جم مسكوا فيه وهما معاهم السلاح أوراح سليمان مسكوا علشان يتمكن محمود إنه يضربوا طلقة تيجي في وشه وصدره تنزلوا ميت في الحال وفضلوا بعديها يضربوا في كرم إبني بالسلاح الأبيض اللي كان معاهم وكمان ضربو؛ طلقة جمت في بنتي وعيالها الأتنين اصابت التلاثة وأول لما أتأكدوا إن جوزي مات أرجعوا يضربوا نار ويهيصوا وبعديها عرفت إن هما سابوا البلد وهربوا.
س: وما علاقة المتهمين الخمسة بالمتوفى في عام ٢٠٢٠ المدعو/ سلامة عربي سليمان سلامة؟ ج: هما الخمسة من عيلة سلامة ومنهم اتنين اللي هما سليمان خالد عربي سليمان سلامة وزياد خالد عربي سليمان سلامة دول يبقوا ولاد أخوا القتيل اللي مات في ٢٠٢٠ اللي هو سلامة عربي سليمان سلامة ، وبالنسبة لمحمود كمال الدين ده يبقى إبن عم سلامة اللي مات وفي نفس الوقت خال سليمان خالد عربي وزياد خالد عربي ، وبالنسبة لأحمد شكري محمد محمد إبراهيم سلامة وكمال أحمد كمال الدين عبد المجيد سلامة دول قرايبهم من العيلة وعيال عمهم.
س: وهل أشترك مع المتهمين ثمة أخرين في تلك الواقعة؟
ج: أيوة أشترك معاهم كل من إخوة المتوفي / أحمد عربي سليمان سلامة وسعيد عربي سليمان سلامة.
س: وما دلالة ذلك الإشتراك؟
ج: هما اللي حرضوهم علشان الأطفال دي ياخدو ثار أخوهم وفهموهم غن هما اللي هيسرفوا عليهم لو دخلوا السجن وقالولهم إن إنتوا محظكم سنكم صغير فمش هتاخدوا إعدام وإحنا اللي هنصرف عليكم وعلى أهاليكم ، وده اللي متعارف عليه في الريف لما يكون عيلة ليها ثأرإن هما يخلوا أطفال هما اللي يموتوا علشان ميخدوش إعدام ويفهموهم إن العيلة كلها هتشيل مصارفهم لغاية لما يخرجوا من السجن غير إن كان في كلام كتير في البلد الفترة اللي فاتت بيقول إن أحمد عربي وسعيد عربي بيقولوا إحنا برده مش هنسكت وهنموت واحد
من عيلة عبدالواحد ، لكن إحنا كنا بنقول إن الكلام ده كدب وان هما مش هيعملوا كده علشان هما قبلوا الكفن بس أتضح إمبارح إن الكلام ده كدب وإن هما فعلا خططوا لكده ونفذوه إمبارح لما قتلوا جوزي ، وسمعت بعدها في البلد بيقولوا إن هما كانوا مستنين برة على الطريق أحمد عربي وسعيد عربي ومعاهم كل الحريم علشان أول ما العيال تنفذ قتل جوزي يهربوا من البلد هما وحريمهم كلهم.
س: وهل ثمة معين ابصرهم حال إصطحابهم للنساء الخاصة بهم ومكونهر على الطريق لكائن خارج القرية خاصتكم منتظرين لقيام المتهمين بقتل زوجك؟
ج: البلد كلها كانت بتقول كده بس أنا مش عارفة بالظبط مين اللي شافهم وهما خارجين بره البلد على الطريق ومعاهم الحريم بتاعتهم أو وهما خارجين من بيوتهم علشان ميسيبوش حريم في البيوت.
س: وكم عدد الطلقات التي أطلقها المدعو/ محمود كمال الدين عبد المجيد من السلاح النارى الذي كان يحمله؟
ج: هو ضرب طلقة قبل ما يوصل للبيت ولما وصل للبيت ووصلوا عند جوزي ضربوه طلقة في وشه ولما بنتي جت تصوت هي وعيالها وتقرب راحوا ضاريين عليها طلقة أصابوها هي وعيالها الأتنين ، وفي تقريباً إتنين من العيال اللي كانوا مع محمود مسكوا كرم أبني وقعدوا يضربوه بالأسلحة اللي كانت معاهم بس مش فاكرة مين بالظبط.
س: وما هي المسافة التي كانت تفصل فيما بين زوجك المتوفى ال رحمة مولاه وبين المدعو/ محمود كمال الدين عبد المجيد سلامة حال إصابته بالعيار الناري؟ ج: هي المسافة ما بينهم كانت قريبة جداً حوالي متر أو متر ونصف تقريباً.
س: وما هي حالة الضوء والرؤية آنذاك؟
ج، هي كانت كويسة جدأ علشان كان فيه كشافات منورة في المنطقة ساعتها.
س، وما هي طبيعة الترية آنذاك؟ ج: هو الطريق عندنا طريق ترابي.
س، وم الإصابات التي آلمت بكريمتك المدهوة/ سماح فارس زكي حسن عبد الواحد ، ونجليها محمود هاني عريان وأحمد هاني عريان!
ج: هي سماح جه رش خرطوش في ايديها وعيالها رجليهم الأتنين مليانة رش خرطوش ، وكرم ابني في إصابات في راسه وكان بيجيب دم بس معرفش إيه الخبطات اللي فيه بالظبط.
س: وما دور كل متهم من المتهمين تحديد!؟
ج: هو محمود هو اللي قتل بالبندقية الخرطوش اللي كانت معاه وباقي المتهمين كانوا معاد بيأمنوه وبينصروه علشان ينفذ قتل جوزي وضارب طلقة في بنتي وعيالها وكمان اللي معاه هما اللي ضربوا كرم أبني ومعورينه.
س: وما هو قصدهم من تلك الأفعال؟
ج: هما قصدهم يقتلوا فارس جوزي ويقتلوا أي حد يحاول يمنعهم من ده علشان كده ضربوا بنتي وعيالها بالنار وضربوا ابني بالسلاح الأبيض على دماغه لغاية لما ساح في دمه.
س: وما قولك فيما جاء بمحضر التحرى والمحرر بمعرفة الرائد/ أحمد يحيى - رئيس مباحث
مركز شرطة البدرشين - والمؤرخ في ٢٠٢٦/١/٣١ الساعة ١٠:٠٠ صباحاً والعثبت فيه: إنه بإجراء تحرياته السرية توصلت إلى صحة الواقعة على النحو الوارد بأقوالك وأن وراء ارتكاب الواقعة كلا من:
١- سليمان خالد عربي سليمان سلامة - عامل ومقيم العزيزية - البدرشين وكان يحمل سلاح أبيض سابق اتهامه في القضية رقم ٣٢٥٨ لسنة ٢٠٢٥ جنايات البدرشين - قتل ، ٢- محمود كمال الدين عبدالمجيد سلامة ، ومقيم العزيزية - البدرشين ومكان يحمل سلاح نارى خرطوش سابق اتهامه في القضية رقم ٩٤٢٧ لسنة ٢٠١٧ جنح البدرشين سلاح ناري ، ٣ - زياد خالد عربي سليمان سلامة ، ومقيم العزيزية - البدرشين ويحمل سلاح أبيض ، ٤ - أحمد شكرى محمد محمد إبراهيم سلامة - عامل ومقيم العزيزية - البدرشين - وكان يحمل سلاح أبيض ، ٥- كمال أحمد كمال الدين عبد المجيد سلامة ومقيم العزيزية - البدرشين - الجيزة وكان يحمل سلاح أبيض وأخرين جارى تحديدهم؟
ج: فعلاً الكلام ده حصل واللي أشترك معاهم أحمد عربي سليمان سلامة وسعيد عربي سليمان سلامة وهما اللي حرضوهم إنهم يعملو كده.
ملحوظة : حيث قمنا بتشغيل هاتفنا المحمول وقمنا بفتح المقطع المصور والملتقط بواسطتنا من شاشة وحد الرصد الكائنة بأول الشارع محل ارتكاب الواقعة والذى يظهر به مجموعة من الشبان يرتدون ملابس إفرنجية يحملون في ايديهم ما يشتبه في كونه أسلحة بيضاء إلا أحدهم يظهر مرتديا جلباب أبيض اللون ويحمل في يده ما يشتبه في كونه بندقية غرطوش سوداء اللون وبعرضها على الحاضرة أقرت أنهم كلا من/ سليمان خالد عربي سليمان سلامة والمشهور (بكتكوت) والذى سبق اتهامه في واقعة الشروع في قتل أحمد وفدى زكي حسن عبد الواحد وأن من بصحبتهم زياد خالد عربي سليمان سلامة واحمد شكري محمد محمد براهيم سلامة ، وكمال أحمد كمال الدين عبد المجيد سلامة ، وأن من يرتدي الجلباب الأبيض ويحمل في ده السلاح الناري هو المدعو محمود كمال الدين عبد المجيد سلامة.
س: هل هؤلاء المتهمين والسابق عرضهم عليكي هم القائمين بقتل زوجك وإحداث إصابة نجلك وكريمتك ونجليها؟
ج: أيوة هما وأنا أول لما شفت الفيديو عرفتهم واحد واحد لإن أنا لسة شأيقاهم إمبارح وهما بيموتوا جوزي وفعلا الوحيد اللي كان لابس جلابية هو محمود كمال الدين عبد المجيد سلامة وهو اللي كانت في ايده البندقية الخرطوش.
.س: ومن تتهمي تحديداً في مقتل زوجك وإحداث إصابة نجلك وكريمتك ونجليها؟
ج: أنابتهم المتهمين الخمسة اللي قلت عليهم وبتهم الأتنين اللي حرضوهم أحمد عربي سليمان سلامة وسعيد عربي سليمان سلامة
س: هل لديكي أقوال أخرى؟ لا تمت أقوائها
