في مقتل اللواء حسن العبيدي مسؤول التسليح بالجيش اليمني.. المتهمة تكشف تفاصيل
أدلت العاملة آيه رضا 24 سنة باعترافات تفصيلية في واقعة مقتل اللواء حسن العبيدي رئيس دائرة التصنيع بوزارة الدفاع اليمنية، وجاءت اعترافاتها صادمة لتفاصيل حياتها الاجتماعية والتي قادتها للوقوع في هذه الأحداث المأساوية.
س: ما قولك فيما هو منسوب اليك من انك متهمة بحيازة سلاح نارى فرد خرطوش بدون ترخيص
ج محصلش .
س: ما قولك فيما هو منسوب اليك من انك متهمة باخفاء المنقولات المبينة وصفا وقيمة وقدرا بالاوراق والسابق عرضها عليكي بالتحقيقات والمتحصلة من جريمة القتل المقترن بالسرقة بالاكراه محل الواقعة والمملوكة للمدعو حسن العبيدي مع علمك بكونها متحصلة من تلك الجناية وذلك على النحو المبين بالتحقيقات ؟
ج: محصلش
س: ما قولك فيما هو منسوب اليك من انك متهمة باحراز ذخائر عدد ثمانية طلقات خرطوش عيارات مختلفة ، عدد ( ۸ ) طلقات خرطوش عيار 9 مللم ، عدد ( ۷ ) طلقات عيار ٣٩ ٧,٦٢ ، عدد ( ٤ ) طلقات بندقية آلية ماركة ( N ) مما تستعمل على الاسلحة النارية بدون ترخيص ؟
ج: محصلش .
س: ما الذي حدث اذا وما هي ظروف ضبطك وعرضك علينا ؟
ج : اللي حصل انى كنت ساكنة مع ستي في مساكن بهتيم من حوالى ثلاث سنين وبدأ اخوالي يضربوني انا وعيالي عشان أنا متجوزة واتطلقت في شهر ۱۱ اللي فات بس هو جوزى سايبني من ثلاث سنين وانا مضايقة من القعدة هناك ، ووالدتي محبوسة على ذمة قضية في سجن بدر والقضية دي كانت خناقة ووقع فيها قتيل وهي محبوسة من حوالي خمس سنين ، ورمضان بليدي يبقي طليق والدتي وانا اخر ما زهقت من اخوالي رنيت على رمضان عشان يشفلي شقة اقعد فيها واسيب اخوالي - وفعلا شافلي شقة وجاب فيها العزال بتاع والدتي اللى كان حاطه في الفيوم وهو عبارة عن اوضة نوم ومطبخ وبوتاجاز وغسالة وحبة شيلت وهو جابهم من حوالي اسبوعين او تلاتة وطلعهم على الشقة ونصبهم ، وهو جاب الفرش دا عشان احنا معندناش فرش ، وبعدين انا وولادي الاتنين رحنا قعدنا في الشقة وكان معايا الشنط بتاعتنا وفيها هدومي انا وعيالي وامي وجبت حد يطلعهم وعشان مكونشي لوحدي رنيت على رمضان ده وقف مع الراجل اللي بيطلع الحاجات دي وبعدين رمضان طلع ودخل اوضة اللي منصوب فيها اوضة النوم وقفل على نفسه من جوه ودقيقتين وطلع ومعرفش هو عمل ايه والكلام دا كان يوم الاحد ٢٠٢٤/٢/١٨ على الساعة خمسة المغرب وبعدين لقيت الحكومة جاية على الساعة 3 الفجر يوم ۲۰۲٤/٢/١٩ ولقيتهم بيخبطوا فتحت لقيتهم دخلوا وسألوني على اللي كتبلي العقد قلتلهم دا رمضان جوز ماما وسألني على الحاجة قلتلتهم معرفش وادي الشقة قدامك وبعدين دخلوا الشقة طلعوا حاجات من الغسالة ومن اوضة نوم رمضان وورق كان فوق الدولاب والحاجات دي انا شوفتها كانت سلاح حاجة شبهة الحديدة وطلقات والورق اللي كان فوق الدولاب واخدوني على القسم ودة كل اللى حصل .
س متی و اين حدث ذلك ؟
ج هوا انا رحت الشقة يوم الاحد ۲۰۲۴/۲/۱۸ على الساعة خمسة المغرب ولما الحكومة جات الشقة كانت الساعة 3 الفجر يوم ۲۰۲٤/٢/١٩ في الشقة في شارع الحرية - بشتيل - اوسيم - الجيزة .
س: وما هي ظروف نشأتك الاجتماعية تحديداً؟
ج: انا عندي ٢٤ سنة ابويا شغال استورجي ومن الفيوم بس عايش ومعرفش عنه اي حاجة واخر مرة شفته فيها كان ۲۰۱۲ ، وامي شغالة خياطة وهي حاليا محبوسة على ذمة قضية في سجن بدر والقضية دي كانت خناقة ووقع فيها قتيل وهي محبوسة من حوالي خمس سنين ، واكنت متجوزة من رمضان محمد بليدي زواج رسمي من حوالي عشر سنين ومخلف منها محمد وعنده تسع سنين ، وعندي اخت اسمها سما عطية ودي اختي لامي وابوها اصلا من الفيوم بس عايش في الاردن من اربعين سنة.
س: وما هي مؤهلاتك الدراسية ؟
ج: انا طلعت من تالتة ابتدائي .
س وما هي حالتك الاجتماعية ؟
ج: انا مطلقة في شهر ۱۱ لعام ۲۰۲۳ وكان زواج رسمي ومعايا من جوزي طفلين شذا عمرو
س وما علاقتك بكل من اسراء صابر محمد عطية ، عبد الرحمن اشرف شحاتة مصطفى ، سهير
عبد الحليم محمد ، رمضان محمد بليدي على ؟
ج: انا معرفش حد من البنيتن ولا اللي اسمه عبد الرحمن دا ، انا معرفش غير رمضان محمد بليدي .
س: وما صلتك وعلاقتك بالمتهم رمضان محمد بليدي على ؟
ج رمضان كان متجوز امي من حوالي عشر سنين واتطلقوا قبل ما تتحبس .
س: وما هي بادرة تقابلك تحديداً مع المتهم رمضان محمد بليدي على ؟
ج: انا من ساعة ما جوزي سابني من حوالي ثلاث سنين رحت قعدت عند ستي في بهتيم انا واولادي - الاتنين واختي وبعدين زهقنا من اخوالي فقلنا نشوف شقة ايجار وانا ما ليش حد فرنيت على رمضان .
س ومال التصرف الذي بدر منك آنذاك تحديدا ؟
ج: انا رنيت على رمضان عشان يشفلي شقة اقعد فيها واسيب اخوالي
س وهل استجاب المتهم رمضان محمد بليدي على لمطلبك ؟
ج ايوة هو فعلا شافلي شقة .
س وما هو عنوان تلك الشقة السكنية تفصيلاً ؟
ج: انا ملحقتش اقعد فيها بس هي في شارع الحرية - بشتيل - اوسيم - الجيزة .
س صفي لنا العقار سالف البيان تحديداً ؟
ج: هي الشقة في عمارة عادية خمس بلكونات وانا كنت ماجرة البلكونة الرابعة والشقة دي عبارة عن اوضتين وصالة وحمام ومطبخ .
س ومتى تحديدا قمتي باستئجار تلك الشقة سالفة البيان ؟
ج هو رمضان اجرها من حوالي ثلاث اسابيع وجاب فيها العزال بتاع والدتي اللي كان حاطه في الفيوم .
س صفي لنا تلك المنقولات تحديدا ؟
ج هو عزال امى وهو عبارة عن اوضة نوم ومطبخ وبوتاجاز وغسالة وشوبة شيلت وهما بعد ما اتطلقوا عان كل حاجة ودا العزال دا الفيوم عشان هو اصلا من الفيوم ، وانا لما اتطلقت ماخدتش اي حاجة من عزالي واتنازلت
س وما التصرف الذي بدر من المتهم رمضان محمد بليدي على آنذاك تحديداً ؟
ج: هو جاب العزال من حوالي اسبوعين او تلاتة وطلعهم على الشقة ونصبهم وبعدين ون
س وهل من ثمة حوار دار فيما بينك وبين المتهم آنذك ؟
ج: ايوة .
س وما هو مضمونه تحديدا ؟
ج انا اول ما عرفت كنت عايزة اروح اقعد بس صاحب البيت كان ليه باقي الفلوس بتاع عقد الايجار ، ومن يومين انا كنت اشتغلت وجبت باقى الفلوس المطلوبة وبعدين انا وولادي الاثنين رحنا قعدنا في الشقة واكنت عايزة ادي باقي الفلوس للراجل صاحب الشقة بس مراته توفت واديله اسبوعين في البلد وكان معايا الشنط بتاعتنا وفيها هدومي انا وعيالي وامي وجبت حد يطلعهم وعشان مكونشي لوحدي رنيت على رمضان .
س وما الذي بدر منك آنذاك ؟
ج انا رنيت على رمضان عشان يجي يوقف مع الراجل اللي بيطلع الحاجات دي .
س: وهل قام المتهم رمضان محمد بليدي على بالدلوف لشقتك السكنية آنذاك ؟
ج هو طلع ودخل الاوضة اللي منصوب فيها اوضة النوم وقفل على نفسه من جوه ودقيقتين وطلع
و معرفش هو عمل ايه .
س متی و اين حدث ذلك ؟
ج الكلام دا كان يوم الاحد ۲۰۲۴/۲/۱۸ على الساعة خمسة المغرب في الشقة في شارع الحرية - بشتيل - اوسيم - الجيزة.
س من كان برفقتك آنذاك؟
ج كان معايا ولادي الاتنين .
س ومن تحديداً شخص القائم بضبطك انذاك ؟
ج هو واحد لقيته لابس لبس عادي ومعاه اتنين تانين بيخبطوا فتحت لقيتهم دخلوا وسالوني على
اللي كتبلي العقد .
س متى واين حدث ذلك ؟
ج الكلام دا كان الساعة 3 الفجر يوم ۲۰۲٤/٢/١٩ في الشقة في شارع الحرية - بشتيل - اوسيم الجيزة.
س: هل من ثمة حوار دار فيما بينك وبين القائم بضبطك ؟ ج ايوة .
س وما هو مضمونه تحديداً ؟
ج هو سالني على اللي كتبلي عقد الايجار قلتلهم دا رمضان جوز ماما وسالني على الحاجة قلتلتهم معرفش اي حاجة ومعرفش بتتكلموا عن ايه وادي الشقة قدامك.
س: هل من ثمة تفتيش انصرف لشخصك او مسكنك آنذاك؟
ج: ايوة .
س ومن شخص القائم بتفتيشك ؟
ج انا معرفش اسمه ايه .
س: ما الذي اسفر عنه ذلك التفتيش ؟
ج ملقوش معايا اى حاجة ولما دخلوا الشقة وفتشوها طلعوا حاجات من الغسالة ومن اوضة نوم رمضان وورق كان فوق الدولاب .
س: وهل ابصرتي المنقولات التي اسفر عنها ذلك التفتيش ؟
ج ايوة .
س: صفي لنا تلك المنقولات تحديداً ؟
اللي كان فوق الدولاب .
ج: الحاجات اللي انا شوفتها كانت سلاح حاجة شبهة الحديدة ومعرفش نوعها ايه وطلقات والورق
س وما التصرف الذي بدر من القائم بضبطك تحديدا ؟
ج هو اخدني على القسم .
س والی این اقتادك سالف البيان تحديدا؟
ج هما اخدوني على قسم الهرم
س: ما هي وسيلة انتقالكم انذاك ؟
ج هما اخدوني في عربية ميكروباص .
س: ما هي ارقام لوحاتها المعدنية واسم قائدها؟
ج معرفش
س: ما الاجراءات التي اتخذت حال تواجدك بالمكان سالف البيان ؟
ج هما فضلوا مقعديني صورني مع باقي المتهمين لحد ما جابوني على .
س: ما قولك فيما اثبته العقيد محمد الصغير بمحضره المؤرخ في ٢٠٢٤/٢/١٩ الساعة ٧ مساءً من قيام المتهم رمضان محمد بليدي من قيامه باخفاء مبلغ مالي وقدره ١٦٦٠٠ جنيه متحصلات الحادث واخفاء فرد خرطوش وذخيرة وانه تم ضبط المبلغ المالي سالف البيان وسلاح ناري فرد
خرطوش وذخائر (تلوناه عليها تفصيلاً)؟
ج محصلش الحاجات دي بتاعة رمضان وهو اللي حاططها في العزال بتعاه وانا اول يوم ليا اساسا في الشقة
س: ما تعليلك لما اثبته الضابط سالف الذكر بمحضره آنف البيان اذا؟
ج معرفش
س: هل من ثمة علاقة او خلافات فيما بينك وبين الضابط سالف الذكر ؟
ج: لا انا معرفوش ومفيش بينا خلافات .
س: ما صلتك بالمضبوطات المعروضه عليك الآن؟
ج انا معرفش عنها اي حاجة والشقة دي انا ساكنة فيها اول يوم .
س ملك من اذا تلك المضبوطات؟
ج هي بتاعة رمضان وهو اللي حاططها في العزال بتاعه في اوضة النوم والغسالة وانا اول يوم ليا اساسا في الشقة .
س هل تم ضبطك في ثمة قضايا مماثلة من قبل ؟
ج لا ، بس انا كان في محضر مخدرات في زيارة لماما واخدت فيه براءة انا وماما .
س: هل لديك سوابق جنائية ؟
ج لا
س هل لديك اسم شهرة ؟
ج لا .
س انت متهمة بحيازة سلاح ناری فرد خرطوش بدون ترخيص وذلك على النحو المبين بالاوراق ؟
ج محصلش .
س انت متهمة باخفاء المنقولات المبينة وصفا وقيمة وقدرا بالاوراق والسابق عرضها عليكي بالتحقيقات والمتحصلة من جريمة القتل المقترن بالسرقة بالاكراه محل الواقعة والمملوكة للمدعو حسن صالح محمد العبيدي مع علمك بكونها متحصلة من تلك الجناية وذلك على النحو المبين
بالتحقيقات ؟
ج محصلش .
س انت متهمة باحراز ذخائر عدد ثمانية طلقات خرطوش عيارات مختلفة ، عدد (۸) طلقات خرطوش عيار 9 مللم ، عدد ( ۷ ) طلقات عيار ٣٩ ٧,٦٢ ، عدد ( ٤ ) طلقات بندقية آلية ماركة ( N ) مما تستعمل على الاسلحة النارية بدون ترخيص ؟
ج محصلش .
س: هل لديك اقوال اخري ؟
ج: لا ، تمت اقوالها