هدير عبد الرازق تكشف حقيقة الفيديو المثير للجدل وتتحدث عن معاناتها وتحول حياتها

خلال الساعات الأخيرة، كشفت البلوجر هدير عبد الرازق عن حقيقة الفيديو المثير للجدل الذي انتشر على منصات التواصل الاجتماعي، حيث ظهرت فيه بشكل مخل. وأوضحت هدير عبد الرازق تفاصيل الفيديو وأكدت أنها تعرضت لمشاكل كبيرة في الماضي، مشيرة إلى أنها تمكنت من تجاوزها، وأن الفيديو لا يعكس واقعها الحالي بعد أن تغيرت وتركت الأمور السلبية وراءها.

وتحدثت البلوجر هدير عبد الرازق عن تفاصيل الفيديو المنتشر لها قائلة: طبعًا كلكم عارفين المشكلة اللي حصلتي في الفترة الصعبة اللي مريت بيها، بالنسبة لتريند اللي طالع باسمي، وان سمعتي مبقتش موجودة أصلا، وحياتي ادمرت، وانا بعد المشكلة اللي مريت بيها الفترة اللي فاتت، والحمدلله ربنا اكرمني وعدت على خير الحمدلله ونجاني منها.

وبالنسبة لردها على الفيديو المخل المنتشر لها فقالت: انا اتسجنت بسبب مشكلة تقديم المحتوى مش بسبب الفيديو، وانا ربنا اداني فرصة أن اغير من نفسي واغير من محتويا، وانا كنت هسيب السوشيال ميديا ومش هتشوفني تاني اصلا، انا اتفاجئت زي زيكوا بالفيديو المنتشر باسم فضيحة هدير عبد الرازق، وانا مش طالعة ابرر أن مش انا في الفيديو، والفيديو بتاعي، بس انا معرفش انتشر ازاي، وانا معرفش اللي حصل ده حصل ازاي.

وتابعت: وانا لغاية دلوقتي موبايلي اللي بطلع منه للايفات على حسباتي على تيك توك متحرز في القضية اللي انا فيها، وانا معرفش فيديو انتشر ازاي وليه، والولد اللي ظهر في الفيديو مش هو اللي بيظهر معايا في الفيديوهات.

وفيما يتعلق بأخلاقها أكدت هدير عبد الرازق: انا مش بنت مش كويسة ولا أخلاقي مش كويسة، انا طالعة احاول انقذ ما تبقى من كرامتي وكرامة أهلي، والشخص اللي كان معايا في الفيديو كان جوزي، وعلى سنة الله ورسوله، وانا ما كشفتش عن موضوع جوازي على السوشيال ميديا، عشان بحب الخصوصية، وهو محصلش بينه وبيني نصيب، والفيديو ده انا معرفش عنه اي حاجة، وانا لو مش واحدة مش كويسة كنت مشيت في حاجات كتير غلطات.

وقد طالبت الجمهور بحذف الفيديو أو عدم مشاهدته قائلة: لكل واحد بيشوف الفيديو، اتقي الله انتا عندك اخت زيي، وأي حد بنشر الفيديو خصيمي أمام ربنا يوم القيامة، واهلي ادمرو وحياتي ادمرت، وبيتي اتخرب بسبب الفيديو وحياتي باظت، وبعد اللايف ده انتوا مش هتشوفني تاني، وانا عملت محضر في كذا قناة وصفحة، واتخذت كل الإجراءات القانونية اللازمة، وحسبي الله في أي حد سرب الفيديو، وكفاية فضايح باسمي، وانا مكنتش بعمل حاجة حرام.

والجدير بالذكر ان البلوجر هدير عبد الرازق اشتهرت بنشر محتوى على منصات التواصل الاجتماعي، وخاصة "تيك توك"، تتناول فيه مواضيع مختلفة منها الجمال والأزياء ونصائح للسيدات.

وهدير عبد الرازق بلوجر مصرية مواليد 1998 أي تبلغ من العمر 26 عامًا، تعرف نفسها على أنها ممثلة، وبدأت بنشر فيديوهات على "تيك توك" مع انتشار التطبيق في مصر، وأول فيديو موجود في حسابها على تيك توك منذ عام 2018.

وتنشر هدير عبد الرازق فيديوهات تتحدث فيها عن منتجات تجميل وطرق وضع المكياج، وأحدث صيحات الموضة وتعطي نصائح للسيدات، وبتابعها عبر تيك توك 1.2 مليون متابع.

وتثير عبد الرازق دائما الجدل منذ ظهورها وحتى الآن، حيث اشتهرت لأول مرة عندما قررت التزوج من رجل في الخمسينيات يدير ملهى ليلي، ولكن انفصلت عنه في عام 2022 بعد زواج دام ثلاث سنوات، وحاليا هي مطلقة وليس لديها أولاد، وتصف نفسها على صفحتها على "فيسبوك" بأنها "ناشطة اجتماعية".

يبلغ عدد متابعيها على فيسبوك حوالي 87 ألف متابع، بينما يتجاوز عدد متابعيها على تيك توك 1.2 مليون متابع، كما يتابعها نحو 349 ألف شخص على موقع "إنستغرام".

ليس هذه أول فضيحة للبلوغر هدير عبد الرازق، فسبق أن تصدرت هدير التريند في شهر مايو الماضي بفضيحة إلقاء مباحث الآداب القبض عليها، ووجهت لها وقتها تهمة التحريض على الفسق والفجور ونشر فيديوهات خادشة للحياء، وتم القبض عليها داخل غرفتها.