صاحبة السعادة تكشف تفاصيل مؤلمة بعد وفاة والدها

صرحت الفنانة القديرة إسعاد يونس عن اسرار حياتها التى لم يعرفها أحد ومدى المعاناة التى عاشتها بعد وفاة والدها فى برنامج ABTALKS مع انس بوخش.

بداية معاناة الفنانة إسعاد يونس بعد دخول والدها المستشفى 

وتحدثت الفنانة إسعاد "لما دخلنا مع أبويا المستشفى كان معانا فلوس وأما خرج بعد وفاته كل اللي كان معانا 11 قرش فقط، وقتها فيه ستات كتير قرروا يقاطعوا ماما لأنها كانت ست حلوة أوي وصغيرة عندها 32 سنة فبقت خطر على الأزواج تخيلوا الفترة دي بعد أما بقت أرملة وأمي ليلة وفاة والدي قالت لي إحنا دلوقتي معانا 11 قرش وهنكمل الحياة زي ما كنا لحد لما نسوي المعاش".

وتذكرت أيضا كلام والدتها قائلة : "وإنتي لازم تبقي عارفة أنا معايا كام بالظبط عشان الطلب يبقى في الحدود وأنا وإنتي هنربي إخواتك، وابتدت الأمور تمشي كويس بحسن الإدارة وتعليمنا كلنا بإن كل شيء لطيف وجميل سواء أكلنا عيش وملح أو ديك رومي وفي اللحظات الأخيرة قبل وفاة بابا أمي أخدتني معها مستشفى الطيران وقالت لي أبوكي بيموت قلت لها هنعمل إيه إحنا متقبلين اللي هيحصل".

لماذا لقبت الفنانة والدها بقمر الزمان؟

لقبت الفنانة إسعاد يونس والدها بقمر زمان  قائلة : لأنه كان جميل وعلمني أقرأ وصنعت  مكتبة معاه فيها 3000 كتاب.

تزور التوقيعات وأملاك أسرة الفنانة إسعاد يونس 

واضافت الفنانة ابتدت هنا الرحلة وفي الليلة دي حاجتنا اتباعت واتزوّرت توقيعات والدي واتطلب من أمي أنها تسيب الشقة وتمشي عشان ياخدوها وكل ده كنا نتكلم فيه أنا وأمي ونقرر كيف ستكون الحرب المضادة والدفاع عن النفس ونجحنا في كل الأحوال .

زواج زوج الفنانة إسعاد يونس بشريهان 

وعلقت الفنانة إسعاد على زواج زوجها للفنانة شريهان قائلة : تقبّلت فكرة الزوجة الثانية بصدر رحب من باب الحفاظ على استقرار البيت وأول أما عرفت إن جوزي هيتجوز عليا من شريهان اتصدمت وكنت في حالة غيرة ودخلت في نوبة بكاء وأما هديت فكرت وسألت نفسي كام سؤال ، هل أنا مثالية ؟ هل أنا جميلة الجميلات؟ فكانت
إجابتي لا طبعا.