شقيق عصام صاصا يكشف للنيابة تفاصيل "توريطهم" في تزوير توكيل الشهر العقاري
ساعات قبل المحاكمة، يواصل موقع خلف الحدث نشر التحقيقات في القضية المتهم فيها مطرب المهرجانات الشعبي عصام صاصا وشركائه بتزوير توكيل بالشهر العقاري، أثناء هروبه خارج البلاد.
كشفت التحقيقات التي باشرها محمد زين العابدين وكيل النائب العام، مع شقيق عصام صاصا مطرب المهرجانات، محمد طه طلعت مهنى 24 سنة طالب، والذي تم ضبطه بناء على قرار النيابة العامة، وهاتفه المحمول، وبمواجهته اعترف بارتكابه الواقعة.
**س: ما تفصيلات اقرارك ؟.
ج، قال شقيق عصام صاصا في التحقيقات، اللي حصل إن بعد ما عصام عمل الحادثة وكان عنده حفلة متحددة من زمان يوم ٢٠٢٤/٥/٩ هو سافر ساعتها عشان يحضر الحفلة دى وبعدها ساره خليفة كلمتنى من رقم دولى من الامارات وقالت لى في شخص هيكلمك وهتروح تقابله تاخد منه ظرف وهتخليه معاك وبعدها في رقم مصري كلمنى قاللى أنا محمود تبع ساره هبعتلك لوكيشن عشان تیجی تقابلنی و ابعتلي صورة بطاقة عصام صاصا فأنا بعتله صورة البطاقة وش وظهر ورحت على اللوكيشن اللي بعتهولي بسيارة أوبر وقابلته وركب معايا في العربية وكان معاه ورق وقاللى امضى هنا بالاستلام وابصم واخدت منه الظرف مفتحتهوش و مشيت وبعدها بيوم تقريبا سارة كلمتنى تانى وقالتلى هتودى الظرف اللى معاك للمحامى محمد حموده فأنا رحت مكتب الأستاذ محمد حموده وقابلني واحد على السلم وقاللى انت أستاذ محمد فقولتله اه فاديته الظرف ومشيت وبعدها بكام يوم عصام كلمنى وقاللى هتروح تودى للمحامى الاتعاب بتاعته وقالي استلف مبلغ من نسيبه وكان المبلغ مليون جنيه ورحت مكتب المحامى عند السكرتارية قالوللى استنى هنعد الفلوس وقعدت لما عدوا الفلوس وشفت حد هناك كنت شوفته قبل كدا مع محمود الليثى وسيد الصعيدى فعرفت انهم جوه والسكرتيرة عدت الفلوس وأنا مشيت ساعتها ومقابلتش حد وكنت عايز أقابل المحامى بس معرفتش بعدها عصام قاللى إنه هيعملى توكيل رسمي عام ومعاذ استلمها واديهالى ورحت الشهر العقار عشان هو طلب منى الغى التوكيل بتاع سامية المحامية فقالولي ان التوكيل دا لازم يتصدق الأول فرحت صدقتها من الخارجية ورحت أودعت التوكيل اللى عملهولى عصام وبعدها رحت لغيت توكيل المحامية اللى اسمها سامية وهو دا كل اللى حصل.
**س: متى وأين حدث ذلك؟.
ج: أنا قابلت محمود دا ووقعت على الاستلام يوم ٢٠٢٤/٥/١١ حوالى الساعة ٦ مساءً في شارع شريف باشا في وسط البلد بجوار البنك الاهلى الفرع الرئيسى وروحت ويوم ٢٠٢٤/٥/١٢ حوالى الساعة ١٠ مساء أنا وديت الظرف اللى اخدته لمكتب المحامي محمد حموده وروحت وديت فلوس الاتعاب بعدها باسبوع تقريباً وأودعت التوكيل العام الرسمي بتاع عصام بتاريخ ٢٠٢٤/٥/١٦ ولغيت توكيل سامية المحامية يوم 22 مايو 2024.
**س: من كان برفقتك آنذاك؟.
ج: انا كنت لوحدى مفيش حد راح معايا.
**س: ما سبب ومناسبة تواجد في الأماكن والأزمنة سالفة الذكر ؟
ج: انا رحت هناك وعملت كل دا بناء على توجيهات ساره خليفة.
**س: وما هي علاقتك بالمدعوه ساره خليفة تحديداً؟.
ج: انا مفيش بينى وبينها علاقة شخصية ومقابلتهاش قبل كده خالص بس هي شغاله مع اخويا عصام في الحفلات اللى بتجبهاله بتاعة دبي.
**س: وما هي بادرة تواصل سالفة الذكر بك تحديداً؟
ج: هي كلمتنى من رقمها من دبى لأن هي كانت مع عصام عشان كان عنده حفله. **س: وما هو الرقم التي تواصلت معك منه آنذاك؟.
ج: هو رقم دولى مش متذكره ومش مسجلة.
** س: وكيف وقفت على أنها من تدعى ساره خليفة؟.
ج: هي قالتلى في التليفون انها ساره خليفة وكان صوتها شبه صوتها في البرامج. **س: وما هو مضمون تلك المكالمة تحديداً؟.
ج: هي قالتلى ايوة الو محمد أنا ساره خليفة هقولك على حاجة بس تعملها بسرعة قولتلها أيه هي قالتلى هتروح تقابل حد تستلم منه ظرف وتخليه معاك وهو هيكلمك وهيبعتلك اللوكيشن وقفلت ساعتها.
**س: والم تستوضح منها آنذاك محتويات ذلك المظروف؟.
ج: لا انا مسألتهاش عن الظرف دا هيكون فيه ايه.
**س: متى تحديداً وردت تلك المكالمة؟.
ج: قبل ما أقابل الراجل اللى اخدت منه الظرف بيوم تقريباً يوم ٢٠٢٤/٥/١٠ حوالى الساعة 9 او ١٠ مساء تقريباً.
**س: وهل قام ذلك الشخص بالتواصل معك آنذاك؟.
ج: ايوة هو كلمنى بعد ما هي قفلت على طول بحوالي ۱۰ دقائق او ربع ساعة تحديداً.
س: وما الذي اخبرك به سالف الذكر وكيف وقفت على أنه ذلك الشخص المعنى بالمدعوه ساره؟
ج: هو قاللى انا محمود تبع ساره وقاللى انا هبعتلك اللوكيشن اللى هتجيلى فيه ونتقابل بكره اخر النهار.
**س: وهل وقفت على سبب تقابلك معه آنذاك؟.
ج: لا هو قاللى هنتقابل اخر النهار بس وانا عارف من ساره انه هايقابلنى عشان يديني الظرف بس.
**س: وهل وقفت على اسم سالف الذكر وعلاقته بالمدعوه ساره خليفة؟
ج: هو قاللى اسمه محمود بس وقاللى انه تبع ساره.
**س: وما الذي بدر منك آنذاك؟.
ج: انا استنيته تانى يوم يبعتلى اللوكيشن عشان اروح اقابله.
**س: وهل قام سالف الذكر بإرسال موقعه الجغرافي لك؟.
ج: ايوة هو بعتلى اللوكيشن تاني يوم وكلمني.
**س: ومتى تحديداً أرسل لك سالف الذكر موقعة الجغرافي تحديداً؟.
ج: يوم 11 مايو 2024 الساعة ٤ مساء تقريباً وكلمنى بعدها على طول.
**س: وما هو مضمون تلك المكالمة تحديداً ؟.
ج: هو اتصل عليا قاللى انا بعتلك اللوكيشين اتحرك عليه دلوقتى وابعتلي صورة بطاقة عصام صاصا.
**س: وهل توجهت إلى ذلك الموقع آنذاك؟.
ج: ايوة انا اتوجهت للمكان.
**س: وما هو رقم الهاتف الذى قام بإرسال الموقع الجغرافي لك ومهاتفتك منه ؟
ج: هو الرقم موجود على الموبايل بتاعى اللي متحرز مع المحضر.
ملحوظة: حيث قمنا بفض حرز الهاتف المحمول عقب التأكد من صحة بياناته وسلامة اختامة فتبين أن بداخله هاتف محمول ماركة ايفون وبعرضه على المتهم الماثل امامنا قرر انه الهاتف الخاص به ورقمه السرى ٢١٤٥، وتم تمكين المتهم الماثل من فتح هاتفه الخاص واطلعنا على محادثة على تطبيق الواتس اب من حسابه المسجل باسم abotaha ويحمل رقم هاتف ۰۱۱۵۳۸۸۲ وبين حساب مسجل باسم - محمود تبع الشهر العقاري برقم ۰۱۰۹٤٤٤ وبالاطلاع على المحادثة تبين قيام الأخير بإرسال رساله تحتوى على موقع جغرافي بتاريخ ٢٠٢٤/٥/١١ الساعة ٤ مساءً وبفتح ذلك الموقع تبين ان الموقع يقع بشارع شريف باشا ماكينة صراف آلى البنك الاهلى المصرى الفرع الرئيسي - وسط البلد - القاهرة كما تبين وجود رسالة أخرى مرسلة بذات التاريخ الساعة ٤:٤٠ مساءً من الماثل إلى الرقم الأخير تحتوى على بطاقة رقم قومى بوجهيها باسم عصام طه طلعت مهنى وقمنا بطباعة صور للمحادثة والموقع وارفقناها بالتحقيقات عقب التأشير عليها بتاريخ اليوم ما يفيد النظر والارفاق ورأينا اثبات ذلك.
**س: وهل ذلك الموقع الذي قام بإرساله لك المدعو محمود؟
ج: ايوه هو دا اللوكيشن اللي بعتهولى.
**س: ما قولك بما ثبت بقيامك بإرسال صورة بطاقة الرقم القومى الخاصة بشقيقك عصام طه طلعت مهنی؟.
ج: هو محمود دا لما كلمنى قاللى ابعتلى بطاقة عصام وانا بعتهاله ساعتها.
**س: وما هي كيفية توجهك إلى ذلك الموقع آنذاك؟.
ج: انا اخدت عربية أوبر من حدائق الاهرام ورحتله على اللوكيشن اللي بعتهولي على المكان وجالی وقالى حضرتك أستاذ محمد انا اللي اتصلت بيك.
**س: وما هي ظروف تقابلك مع المدعو محمود انذاك؟
ج: انا لما وصلت اللوكيشن اتصلت عليه وقولتله اني وصلت كنت بتابع معاك في التليفون دلوقتى وانت جاى قولتله ايوة وراح ركب معايا في العربية.
**س: ومتى تحديداً تقابلت معه ؟
ج: يوم ٢٠٢٤/٥/١١ الساعة السادسة تقريباً في الموقع اللي بعتهولي بالظبط بشارع شريف.
**س: وهل دار بينك وبينه ثمة حوار آنذاك عقب مقابلتك له ؟.
ج: ايوه
**س: وما هو مضمون ذلك الحوار؟
ج: هو قاللي انت أستاذ محمد اللى كان بيكلمنى في التليفون قولتله ايوه فركب معايا في العربية وسلمنى ساعتها ظرف وقاللي امضیلی و ابصملي هنا بالاستلام وقولتله ماشي حاضر فمضيت وبصمت وهو نزل مشى وأنا مشيت.
**س: ما هي كيفية توقيعك وبصمك على تلك المستندات آنذاك؟.
ج: هو كان جاى ومعاه الظرف وقلم وبصامة والورق وحط قدامى المكان اللى ابصم وامضى فيه بس ومضيت وبصمت ساعتها.
**س: وهل اطلعت على محتويات ما تقوم بالتوقيع والبصم عليه آنذاك؟.
ج: لا هو موارنيش انا بمضى وببصم على ايه هو قاللي دا إقرار بالاستلام.
**س: وكيف تقوم بالبصم والتوقيع على ما لا تعلم بمحتواه؟.
ج: انا كنت فاكر انى يوقع وببصم على استلام حاجة ليها علاقة بأخويا عصام.
س: وما قولك بقيامك آنذاك بالبصم والتوقع على صورة بطاقة الرقم القومي الخاصة بالمدعو عصام طه طلعت باسمه؟.
ج: انا معرفش كنت بمضي على ايه ساعتها وهو قاللي امضي باسم عصام.
**س: وهل كان المدعو محمود آنذاك على علم بأنك من تدعى محمد طه؟.
ج: ايوة انا لما قابلته قاللى انت أستاذ محمد وأكيد ساره مفهماه ان انا جای عشان اخد الظرف دا.
**س: وهل كان بحوزتك تحقيق شخصية المدعو عصام طه طلعت؟.
ج: لا مكنتش معايا بطاقة لعصام وهو مطلبهاش.
**س: وهل قام بتسليمك ثمة مستندات آنذاك؟.
ج: هو سلمنى ظرف مقفول ساعتها.
**س: وما التصرف الذى بدر منه عقب تسليمك ذلك المظروف؟.
ج: هو اخد الورق اللى مضاني وبصمنى عليه ومشى.
**س: وما هي المدة الزمنية التي استغرقتها تلك الواقعة؟
ج: حوالي خمس دقائق تقريباً .
**س: وهل تستطيع التعرف على ذلك الشخص الذى تقابلت معه آنذاك حال تقابلك معه؟.
ج: هحاول عشان انا مش متأكد لإن الموضوع كان من فترة وأنا مشوفتهوش غير خمس دقايق بس.
**س: ما هي مواصفات ذلك الشخص المدعو محمود تحديداً؟.
ج: هو تقريبا راجل في الثلاثينات أو الأربعينات كان لابس قميص وبنطلون وحاطط حاجة خفيفة على رقبته.
ملحوظة: حيث اطلعنا الحاضر على صورة تحقيق الشخصية للموثق احمد إبراهيم الدسوقى وكذا حسنى سيف الدين سيد فأنكر صلته بهما وانهما ليسا من تقابل معه حال بصمه وتوقيعه على المستندات.
**س: وهل اطلعت على محتويات المظروف الذى قمت باستلامه آنذاك؟
ج: هو بعد ما الشخص اللى اسمه محمود دا مشى فتحت الظرف وشوفت اللي جواه.
**س: وما الذى تبين لك آنذاك بداخل المظروف؟.
ج: هو كان توكيل من عصام للمحامي محمد حموده.
**س: وهل وقفت على تاريخ تحرير التوكيل آنذاك؟
ج: لا انا مشوفتش التاريخ كام بالظبط.
**س: وما قولك بما ثبت بالتوكيل رقم ١٩٦٥/ ۲۰۲٤ والمرفق اصله بتحقيقات النيابة العامة؟ (اطلعانه عليه).
ج: انا مش عارف هو دا التوكيل ولا لا لان انا ما قرأتش محتواه كله.
**س: وما التصرف الذى بدر منك عقب اطلاعك على ذلك التوكيل؟.
ج: انا طلعته من الظرف وصورته وبعته لعصام على رقمه ۰۱۰۷۰۰۶۵ ملحوظة: حيث قمنا بالاطلاع على هاتفه الخلوي على تطبيق الواتس اب وبالاطلاع على الرسائل تبين وجود رسائل بينه وبين رقم الهاتف ۰۱۰۷00٥ المسجل باسم ( sasa ) تبين قيام الماثل بارسال صورة ملتقطة للتوكيل رقم ٩٦٥ ألسنة ٢٠٢٤ مكتب توثيق النواب والمرفق بتحقيقات النيابة العامة وذلك بتاريخ ٢٠٢٤/٥/١١ الساعة ٦:١٣ مساءاً ، كما تبين وجود مقطع صوتي مرسل من الرقم ۰1۰۰٥ المسجل باسم ( sasa ) مضمونه نصاً ( كلم عم سيد قله انه التوكيل معاك يابو طه ) ، ليقوم الماثل بالرد عليه ) ما هو عارف يا ريس انا كنت لسه قاعد معاه امبارح بالليل وهو بيكلمك انا كنت قاعد معاه ) ، كما تبين وجود مقطع صوتي مرسل من الرقم الأخير يتضمن ( المحامي يسطا مطمنك ولا ايه الكلام ) ليرد عليه الماثل كتابه ( اه وربنا وقالي متخافش على اخوك ده رقبتي وهو ياسطا باين عليه تقيل أوي ياسطا أنا أول مره أشوف محامي كده بأمانه يعني) وقمنا بطباعة صور للمحادثة وأشرنا عليها بتاريخ اليوم ما يفيد النظر والارفاق ورأينا اثبات ذلك.
**س: وهل كان المدعو معاذ وليد على علم بحوزتك لذلك المستندات؟
ج: ايوة هو كان عارف انه معايا
ملحوظة: حيث قمنا بالاطلاع على هاتفه الخلوي على تطبيق الواتس اب وبالاطلاع على الرسائل تبين وجود رسائل بينه وبين رقم الهاتف ۰۱۱۱۶۸۲۵ المسجل باسم ( Moaz waleed ) تبين قيام الأخير بإرسال مقطع صوتي بتاريخ ١١ / ٥ / ٢٠٢٤ الساعة ٦:١٠ مساءاً يتضمن ( أبو طه خلي الحاجة معاك خلي التوكيل معاك لحد ما عصام متدلوش لحد لحد ما عصام يقلك توديه فين ) ليرد عليه الماثل ( ياعم ما هو معايا محدش هيشوفه ) ومقطع اخر ( انا بعته لعصام على الواتس اهو ( وراينا اثبات ذلك.
**س: ومن هو صاحب تلك الفكرة بتسلمك لذلك تلك التفكير؟
ج: هي ساره خليفة.
**س: وما هو دليلك على ذلك؟.
ج: معرفش انا معنديش دليل دلوقتي انها صاحبة الفكرة.
**س: وما قولك بما ثبت بتحقيقات النيابة العامة بأن التوكيل سالف الذكر مزور معنوياً وان شقيقك عصام طه طلعت ليس هو القائم بالبصم على التوكيل؟.
ج: انا معرفش ان هو مزور وانا كنت فاكر اني بستلم حاجة لعصام.
**س: اذا ومن الذى يعلم بحقيقة ذلك التوكيل وما يحتويه من بيانات؟.
ج: اكيد ساره خليفة عشان هي اللى كلمتنى وقالتلى والشخص اللى اسمه محمود اللى قابلني وسلمني التوكيل.
**س: وما هي كيفية اعداد ذلك التوكيل واثبات ما به من بيانات؟
ج: انا معرفش اكيد سارة خليفة هي اللى عارفه انا حتى معرفش بيانات المحامى اللي مكتوبه في التوكيل.
**س: وهل القائم بأخذ توقيعك وبصمتك على علم بأن التوكيل مزور؟.
ج: ايوة هو اكيد كان عارف بالبيانات والكلام اللى مكتوب وانا بوقع وببصم عليه. س: وما قولك بما ثبت بالتوكيلات ارقام ٩٦٢ ز / ۲۰٢٤ و ۱۲۳۲ م / ٢٠٢٤) (محضر إيداع و ٢٠٢٤/١١٣٦٨ مكتب توثيق الاهرام؟.
ج: ايوة التوكيلات دى أنا اللى عاملها.
**س: وما قولك بما ثبت بتقرير أبحاث التزييف والتزوير بأنك القائم بالبصم والتوقيع على التوكيل رقم ١٩٦٥ / ٢٠٢٤ المنسوب صدوره لعصام طه طلعت؟.
ج: انا معرفش انى بصمت على التوكيل انا بصمت ومضيت بالاستلام بس.
**س: ومن القائم بارتكاب ذلك التزوير في ذلك التوكيل؟
ج: أنا ما عرفش إن دا توكيل، هو قاللي هتبصم وتوقع على إقرار استلام الظرف.
**س: ومن القائم على إعداد ذلك التوكيل المزور ؟.
ج: أنا معرفش مين اللي عمل التوكيل دا بالضبط بس كل اللي أعرفه إن سارة خليفة هي اللي بعتتني عشان أخد المظروف دا من الراجل اللي كلمني وهي بعتتله رقمي عشان يكلمني وهما الاثنين كانوا متفقين على ده.
**س: وما هي كيفية إثبات بيانات شقيقك ومحامية بذلك التوكيل ؟
ج: أنا معرفش بيانات المحامي دي وهي سارة خليفة اللي تعرف بياناته وأكيد أديتها للشخص دا أو غيره عشان يثبت البيانات دي في التوكيل وأنا مكنتش أعرف إن أنا ببصم وبوقع على أيه وهو وهي قالولي إني هستلم الظرف بس.
**س: وما التصرف الذي بدر منك عقب استلامك لذلك الظرف وما يحتويه من توكيل ؟
ج: أنا خليته معايا وتاني يوم سارة كلمتني قالتلي ودي الظرف للمحامي.
**س: وما هو رقم الهاتف التي تواصلت معك من خلاله ؟
ج: هو كان رقم دولي وبرضوا من دبي وأنا مش فاكر هو رقمه كام بالضبط.
**س: وما هو مضمون تلك المكالمة.
ج: هي قالتلي هتروح للمحامي محمد حموده وتسلمه الظرف.
**س: وهل تقابلت مع سالف الذكر آنذاك ؟
ج: لا أنا ما قابلتهوش
**س: وما هي كيفية تسلمك لذلك الظرف ومحتوياته لمكتب المحاماة؟
ج: أنا رحت للمكتب وفيه حد قابلني على السلم أخذ مني الظرف ومشيت بعدها.
**س: هل قمت بتقديم الظرف لآخرين ؟
ج: لا انا مدتهوش غير للشخص اللي قابلني على السلم.
**س: ومن هو ذلك الشخص تحديدا ؟
ج: أنا معرفهوش شغال ايه، لكن كان باين عليه من لبسه قميص وبنطلون انه سكرتير ومعرفش اسمه ايه.
**س: ما هي ظروفك تقابلك معه تحديدا ؟
ج: أنا لما وصلت بعد ما سارة خليفة كلمتني لقيت بتاع الأمن لما وقفت بيقولي انت استاذ محمد قولت له أيوه، فقالي اتفضل معايا، ووصلني لحد السلم وبعدين لقيت شخص في وشي لابس قميص وبنطلون قاللي الظرف اللي مع حضرتك قولتله ايوه فادتهوله ومشيت ساعتها.
**س: وهل كان هذا الشخص على علم بما بداخل المظروف ؟
ج: أنا معرفش.