صورة يمكنك سماعها.. أشهر إفيهات عبلة كامل بمناسبة ذكرى ميلاها

من قرية صغيرة في البحيرة إلى قلوب الملايين، بدأت رحلة الفنانة عبلة كامل في 17 سبتمبر 1960. تلك الفتاة التي ولدت موهوبة، سرعان ما أصبحت أيقونة للتمثيل في مصر.وتخرجت من كلية الآداب وحصلت على شهادة البكالوريوس بقسم مكتبات عام 1984، وبدأت مشوارها الفني في مسرح الطليعة حيث شاركت في مونودراما نوبة سهيان، ثم عملت مع الفنان محمد صبحي في مسرحية ”وجهة نظر“.

و سرعان ما خطفت قلوب الجمهور بأدائها المتميز وشخصيتها القوية. من خلال أدوارها المتنوعة والمؤثرة، مثل شخصية فاطمة كشري في مسلسل "لن أعيش في جلباب أبي"، أثبتت عبلة كامل أنها فنانة شاملة قادرة على تجسيد أي دور ببراعة. لم تقتصر مسيرتها الفنية على التلفزيون فقط، بل امتدت لتشمل السينما والمسرح، حيث قدمت العديد من الأعمال التي لا تنسى. اليوم، تحتفل مصر والعالم العربي بذكرى ميلاد هذه الفنانة القديرة التي تركت بصمة لا تمحى في تاريخ الفن المصري.

أفيهات عبلة كامل لا تحصى

سنعرض لكم أشهر افيهات عبلة كامل

وفي فيلم عودة الندلة
كان يوجد مشهد في فيلم عودة الندلة يدور بين عبلة كامل وطلعت زكريا وماجدة الخطيب لما كانت تحسب عبلة كامل أن طلعت زكريا ابنها
عبلة ياضنايا يابني يا حبيبي يا رويعي. عشت وشفتك زي البغل قدامي.
ولما قالت لها دا رامز 
ثم قالت لها ربنا يخلي أبوك إللي غير إسمك لرامز ماشي عليكوا أكتر.
ولما قالها طلعت زكريا الست دي مجنونه 
قالت عصوك على أمك، فهموكي إننا سجلت في قضية آداب.. لأ يا حبيبي، أنا كنت بسرق بس

وفي فيلم كلم ماما

كان يوجد مشهد في فيلم كلم ماما كانت عبلة كامل تدخل على منه شلبي وأحمد زاهر عندما كانوا في العشة 
فقالت لها  :تعبتي؟ تعبتي من إيه يا منى؟ في العشة يا منى؟

وكان يوجد مشهد لما أجبرت منه شلبي لغسل السجاد فقالت لها  :ما هو يا تعليم يا خدمة؟ مش عايزة تتعلمي؟ اخدامي بقى؟

وعندما تخانقت مع منه شلبي لكي تبوظ الجوازة قالت على رأي المثل جابوا الجردل وقلبوه طلع سي السيد لأبوه

وفي نفس المشهد لما قالت لها :طبعاً لازم تختاري شريك حياتك. شوفتي أنا حقانية إزاي؟ إنتي اختاري جوزك وأنا أختار جوز بنتي؟ منطق برضو.

وكان يوجد مشهد لعبلة كامل بتتخانق مع حسن حسني فكانت تقول له :فيه ايه يا راجل دا الجار لجار 
ورد حسن حسني :الجار للجار مش معاكي انتي بالذات

فقالت ليه كنت جوز أمك ولا مرات أبوك

وفي فيلم خالتي فرنسا

في مشهد يدور بين فرنسا وتفيدة
قالت به عبلة كامل: أدعي عليكي بإيه يا تفيدة ونتي فيكي كل العبر وحالك يقرف الكلب الأجرب يلا خلي الأمل في ربنا كبير لا العمشة بتبور ولا أم طرطور

وفي فيلم اللمبي

ففي فيلم اللمبي عندما قام محمد سعد بعض يدها لكي يأخذ الفلوس
فقالت له :يا أبن العضاضة يا أبن العضاضة يا أبن العضاضة دا أبوك ما عملهاش.

وفي نفس المشهد قالت له :هنقسم في الآخر. 
ومحمد سعد رفض وقال لها لا هنقسم دلوقتي 
فقالت له : أفهم يا حمار بحوشهملك عشان فلوس نعيم.

وعندما كان محمد سعد يسمع الحروف الابجادية وكانت تردد وراءه فقال الكلبة نو الكلبة نو الكلبة نو 
قالت يا ختي يا ختي يا ختي وبكرا يهوهو يا ختي يا ختي

وعندما كان محمد سعد أثناء ذهابه للجنة الامتحان فقالت له :شندوتشاتك في إيدك، قلمك ومسطرتك في كيسك، مذاكرتك في دماغك، مطوتك في جيبك، إللي يقول لك غششني أقطعه أوعاك تغشش حد.خدلك 4 جنيه بعد الامتحان تجيب لك ازازة بيرة يلا يابني ربنا يوفقك

وفي مشهد محمد سعد وعبلة كامل ذاهبين لإرضاء نوسه فقامت بحط القطرة في عنيها فقالت :قلبي عندك يا ضناية اسم الله ياختي افتحي يا نوسة

وعندما أُخد منهم العجل وكانا قاعدين على الأرض قالت :هو اللي بيروح للحكومة بيرجع يا لمبي

وفي مسلسل عفاريت الأسفلت

في مشهد عبلة كامل عندما تخانقت مع قدارة
قالت لها :وديني وما أعبد ياقدارة. أما ما تلمتي وتعادلتي لا هنديكي علقة من علق زمان وهنشرحك...بتجري حتروحي فين؟ يعني؟ هتمشي على الرصيف؟ما إنتي رجعالي رجعالي وهتنديكي يا قدارة العلقة ونشرحك.

وفي مسلسل نص أنا ونص هو

ففي المشهد بيطلبوا من عبلة كامل تتجوز تاني قالت :ليه أعمل في نفسي كده؟ ليه؟ أنا واحدة دلوقتي بحط رجلة على راجل وأقعد براحتي وأشرب اللي عايزة أشربه وأكل اللي عايز أكله وألبس اللي عايزة ألبسه وأخرج على كيفي وأعمل كل اللي أنا عايزاه، وأجيب المحطة اللي أنا عايزة أتفرج عليها، اتهبلت أنا ولا إيه؟ أعاشر واحد تاني يتأمر عليا يااااختااااي.