قصر الكبابجي يرد على اتهامات تورطه في بيع صبحي كابر: مش إحنا اللى اشتريناه
أثارت واقعة بيع محل المؤكولات الشهير صبحي كابر جدلا واسعاً على منصات التواصل الاجتماعي، وتورط فيه مطعم شهير، يقال أنه مطعم قصر الكبابجي، لكن خرج الطعم ونفى ذلك
قصر الكبابجي نفى شرائه صبحي كابر
نفى مطعم قصر الكبابجي شراء مطعم صبحي كابر عبر حسابه على الفيسبوك في بيان رسمي.
صيغة البيان
أوضح المطعم قائلا: «مساء الخير،
طبعا كلنا مصدومين من اللي حصل لعلم كبير جدا من أعلام الشغلانه ويمكن واحد من أهم رواد المطبخ المصري حديثا وهو الغني عن التعريف المعلم صبحي كابر».
وتابع: «بدون الدخول في تفاصيل كتير لأن المعلم صبحي طلع و قال كل حاجه بنفسه ولكن البعض يريد بشكل أو بآخر يحط اسم قصر الكبابجي في جملة مفيدة لأغراض لا يعلمها إلا الله عشان نكون سبب ضرر أو أذى لأي شخص كان ويشهد الله أننا عمرنا ما عملنا ولا هنعمل ده».
وأكمل: «فا لا يا جماعه، مش إحنا المطعم الشهير اللي يقصده المعلم صبحي، بكل صراحة ووضوح وبدون تحوير، لا، مش إحنا، إحنا بعيد جدا عن الموضوع ده، ويمكن إحنا المكان الوحيد اللي دعمنا منافسينا مرة و اتنين و تلاته هنا على الصفحة، واللي متابعنا عارف كويس فا ليه طيب نلاقي ردود الأفعال عكسيه».
وانهى: «على العموم مفيش أي هدف من البوست ده غير دعم المعلم صبحي كبيرنا واللي سبقنا في المجال بكتير ومحاولة لإخماد نار إشاعة ملهاش لازمة هتحطنا في مكان البزنس مان الشرير بتاع المسلسلات اللي بيصحى الصبح يشرب سيجار كبير و هو لابس الروب على البدلة و يشوف هيأذي كام واحد النهارده، كفاية دراما ارجوكم».
