تعبت من كلام الناس..عمر كمال يستنجد بعلماء الأزهر هل أعمال الخيرية حرام?
أطلق الفنان الشعبي عمر كمال نداء استغاثة عبر منصات التواصل الاجتماعي، موجهاً نداءً خاصاً إلى شيخ الأزهر. عبر كمال عن شعوره بالضيق والحيرة بسبب الانتقادات التي يتلقاها حول أعماله الخيرية، والتي يرى البعض أنها لا قيمة لها بسبب مصدر ثروته.
عمر كمال: مستعد للتوقف عن العطاء إذا كنت مخطئاً
في مقطع فيديو نشره على منصة التيك توك، وصرح كمال قائلاً: "تعبت نفسيًا من كلام الناس اللي بتقولوا إن ربنا مش هيقبل مني الخير اللي بعمله عشان فلوسي حرام. فأنا عايز شيخ من الأزهر يرد عليا ويقول لي إذا كنت غلطان ولا لأ، لو غلطان فهبطل أعمل خير تاني بالرغم إني شايل مسؤولية فرقتي وعيلتي .
عمر كمال: لا أرغب في الظهور أثناء قيامي بالأعمال الخيرية
وأكد كمال على أنه لا يسعى إلى الشهرة من خلال أعماله الخيرية، بل يفضل أن تكون في الخفاء. وأضاف كمال قائلاً: "أنا مش بعمل فيديوهات أبداً برا الغنا وكمان ولا حاجة من الكلام دا كله ،فأنا يعني عمري في حياتي ما عملت فيديو في الخير أبداً أو أن أنا أحب أطلع نفسي تريند في الخير أو ونا بعمل حاجة خير فأطلع نفسي تربند عليها وأركب عليها أنا مبحبش أعمل كدا خالص، لأن أنا مقتنع جداً أن طول ما الخير في السر ده ربنا طبعاً بيكرم عنه أضعاف اللي في العلن."
تعبت نفسيًا من الانتقادات ..نداء من عمر كمال إلى علماء الأزهر
وتابع قائلاً: "أنا ربنا كرمني آخر كرم الحمدلله عشان علاقتى بربنا كويسة أنا أظن كده، وأنا تعبت من الناس نفسيًا جامد أوي وأنا عايز حد من الأزهر يطلع يرد عليا فيا ريت أي شيخ من الأزهر يطلع يرد عليا أي حاجة بعملها في حياتي، بعمل أي غلط أنا بروح أعمل فرح أو أغني في حفلة تخرج فعمري ما طلعت قلت في حياتي إني بساعد أو بعمل خير لحد."
عمر كمال: أنا مسؤول عن الكثيرين ..ويتساءل: ماذا فعل المنتقدون؟
وأشار كمال إلى أنه يتحمل مسؤولية كبيرة تجاه فرقته الموسيقية وعائلته، بالإضافة إلى العديد من الأسر الأخرى التي يدعمها. وتساءل: "طب أنا لو فلوسي حرام فعلاً طب الناس اللي بتنتقد بقى عملت إيه في حياتها ساعدت بيه الناس المحتاجة أو دفعت فلوس عمليات لحد فيهم أو دفعت إيجار لحد فيهم، أنا اللي بعمل كل ده وكمان مش بطلع أتكلم في الخير."
