شقيقة المتهم بالتخلص من سيدة المنصورة: فتحلي قلبه وفضل يصلي ويعيط واعترفلي

كشفت شقيقة المتهم"كريم كشك 29 سنة" ربة منزل في تحقيقات النيابة العامة، تفاصيل مثيرة عاشها شقيقها عقب ارتكابه جريمته بالاشتراك مع صديقه في التخلص من "سوسو" سيدة المنصورة، بعد 7 سنوات من ارتكاب الجريمة وقيد القضية ضد مجهول.

تقول بأن اللي حصل أنها أخت كريم ومن فتره كنت لسه والده بنتي وكنت حامل في ابنى التاني وكان أهلي قاعدين عندي في البيت وكان كريم معاهم وكان بعد قتل سوسو بكذا شهر، وكان كريم خد فتره قاعد بيعيط وبيصلي وبينزل لوحده وشكله متغير ومتجنب الكل انا بما انى اخته الوحيده فانا قولت ليه افتح ليا قلبك وقولي مالك وهو كان قاعد علي السرير وكان باين عليه خايف، فحكى ليا انه هو واحمد عاطف اللي هو ابن خال والدي وكان صاحب كريم اوي وكانوا بيخرجوا مع بعض كتير فقالي ان احمد ليه جاره تحتيه اسمها سوسو انا كنت عارفه انهم جيران احمد فقالي ان احمد قاله ان كريم واحمد هيخشوا عند سوسو وهي عرفاني وهو مراقبها وعارف مواعيدها فقالي احمد دخل البيت وكريم معاه واحمد مسك اشرب وخنقها بيه وكتفها وخبطها ولما صرخت هو كممها وسكتها لحد ما موتها بس ماحكاش ليا هما قتلوها ازاي بس كل اللي حكاه انه كان معاه وهما بيقتلوا سوسو وما حكاش ليا ازاي بالتفصيل وانا للاسف تعاطفت مع كريم وما بلغتش عنه وده الي حصل .

وأوضحت أن الذي استرعي انتباهها في بادئ الامر ان كريم اخويا كان هو وبابا وماما جايين يقعدوا معايا في البيت شوية فلقيت كريم كان باين عليه التوتر والزعل ودايما معزول مع نفسه وبيصلي وبينزل وبيرجع لوحده وكان شكله مهموم وده مش طبيعته، وانهت أقوالها بأنها لم تقم بمعاونة شقيقها على الهرب وأن كل ما فعلته أنها لم تقل لأي شخص، بجانب عدم قيامها بإخفاء أي أدلة من الواقعة.

وردت معلومات إلى المقدم أحمد شبانة رئيس المباحث في 20 أغسطس 2022 محضر تحريات والذي أثبت به أنه بالنسبة لواقعة المحضر رقم 13091 لسنة 2015 إداري أول المنصورة والخاص بمقتل أسماء رضوان حيث وردت معلومات من أحد مصادري السرية "سيدة" أكدتها التحريات وكان مضمونها أنه بتاريخ 13 أغسطس 2022 وحال قيامها بالعبور من امام شقة والدة زوجها صاعدة الي مسكنها تناهى إلى سمعها حديث يدور بين شقيق زوجها المدعو محمد فرغلي 27 سنة عامل خردة وبين صديق له يدعي احمد ابو المجد عامل بكافتيريا والمسجل فئة ج، مضمونة شعور الاخير بالذنب كونه قام بإرتكاب كبيرة القتل والتعدي الجنسي منذ سبعة سنوات وأنه من قام بقتل المدعوة اسماء رضوان وساعده في جريمته صديقة ونجل نجل عمته المدعو كريم كشك 26 سنة عامل بكافتيريا والمسجل فئة ب بعد ان قاما سوياً بالإعداد والتخطيط ورصد تحركاتها وسهل لهما ذلك كون المجني عليها تقطن معه في ذات العقار محل سكنه بمفردها وأدعى قيامه بذلك انتقاما لشرف والدته 58 ربة منزل والتي قام والد المجني عليها بالتحرش بها ومحاولة التعدي عليها جنسيا وذلك في مشهد رآه حينما كان في عمر تسعة سنوات في مطبخ شقتهم كون المذكور كان يتردد عليه لإعطائه هو وشقيقته درسا خصوصيا أثر ذلك في نفسيته منذ الطفولة وحينما أشتد عوده وبلغ عشرون عاماً إختمرت في ذهنه فكرت الانتقام من المذكور إلا أنه مرض وتوفي بعد هذه الواقعة بعدة سنوات فقرر الإنتقام منه في نجلته بالتعدي الجنسي عليها وقتلها.