انفراد| اعترافات المتهم في حادث مقهى أسوان

ينفرد موقع خلف الحدث بنشر اعترافات المتهم في واقعة حادث مقهى أسوان بمنطقة الكوربة مصر الجديدة، والتي باشرها أمين عصر وكيل نيابة مصر الجديدة بإشراف المستشار شادي البرقوقي المحامي العام الأول لنيابة شرق القاهرة، وجاءت التحقيقات في 85 صفحة.

قال المتهم في التحقيقات: اسمى  ناصر صابر محمد احمد مشعال ۲۸ سنة حاصل على بكالوريوس نظم ومعلومات ادارية.
س: ما تفصيلات إقرارك ؟
ج: اللي حصل ان في خلافات بيني وبين محمد عبد الرازق كثير ومن حوالي خمس سنين حصلت بنا مشكله واتخانقنا مع بعض وضربنا بعض وبعدها والناس جت حالت بينا والموضوع خلص ومحمد كان واخد حصه في العمارة الى محل العصير بتاعي فيها في شارع المسله الكوربة مكنتش عايز يكون ليه حصه في العمارة اللي انا فيها وكان في قضايا كتير بينه وبين صاحب العمارة ولما كنا بنشوف بعض كان يحصل ساعات مشادات بينا لكن الناس كانت بتحوش والموضوع بيخلص واخر مشكله كانت امبارح لقيت محمد كان جاي يزعق ويشتم من عند قهوة اسوان بتاعته ولقيته ماشي قدام محل العصير بتاعي وعمال يزعق لأن في خلافات سابقه بنا فخرجت من المحل وكان معايا مطوه في جيبي وكنت قرفان منه ومن المشاكل اللي بتحصل بنا طلعت المطوه من جيببي ودخلت على محمد عبد الرازق وضربته بيها اكثر من ضربه ومش فاكر كام ضربه تقريباً ووقع على الأرض وفضلت اضرب فيه بالمطوه ووقعت فوقه على الارض ومحستش بنفسي لقيتني عمال اغرز المطوه في بطنه والناس اتلمت وقعدت تحوش وانا مكنتش عايز اسيبه وفضلت اضرب فيه لحد ما الناس حاشتني وقعدت الاهالي يضربو فيا بالكراسي عشان اقوم من عليه لكن فضلت اضرب فيه بالمطوه وبعدها قولتله انت اللي وصلتني اني اعمل فيك كدا وبعدها الناس حاشتني وقومتني من عليه وانا رميت المطوه ودخلت محل العصير ثاني وبعد كدا في اتنين امناء شرطه جم خدوني على موتوسيكل وودوني على قسم مصر الجديدة
وفتشوني هناك كان معايا مفاتيح البيت بس وبعدين دخلوني وعملو محضر باللي حصل ودخلوني الحجز وجيت النيابة انهرده وهو ده كل اللي حصل.
س: متى واين حدث ذلك ؟
ج: الي حصل اني ضربت محمد عبد الرازق كان امبارح يوم ١٠/٣٠ ٢٠٢٤ الساعه ۱۲:۳۰ مساءً في شارع المسله في الكوربة بمصر الجديدة
س: ماسبب ومناسبة تواجدك بالزمان والمكان سالفي الذكر ؟
ج: انا كنت قاعد في محل العصير بتاعي الي اسمه جنة الفواكه
س: وما هي ظروف نشأتك تحديداً؟
ج: مواليد ۱۹۹٦ ابويا متوفي وامي موجوده عندي اربع اخوات ولاد واعزب
س: وما هي المؤهلات العلمية التي حصلت عليها ؟
ج: انا معايا بكالوريوس نظم ومعلومات اداريه ومتخرج سنه ٢٠١٤
س: وما هي وسيلة تعايشك ؟
ج: انا مالك محل العصير انا واخواتي الي اسمه جنه الفواكه وليه فروع كثير في مصر ودا مصدر رزقي الوحيد
س: وما هي حالتك الاجتماعية ؟
ح: اعزب.
س: وما هي علاقتك المجنى عليه محمد عبد الرازق محمد عبد الرحيم ؟
ج: علاقتي بيه انه جاري وهوا أكبر مني في السن ومليش علاقه بيه اوي
س: ومتى نشات تلك العلاقة فيما بينكما ؟
ج: من زمان ومش فاكر امتى بظبط .
س: و هل من ثمة خلافات فيما بينكم ؟
ج: اه كان في خلافات بنا
س: ما هي طبيعة تلك الخلافات ؟
ج: في خلافات بيني وبين محمد عبد الرازق كتير ومن حوالي خمس سنين حصلت بنا مشكله واتخانقنا مع بعض وضربنا بعض وبعدها والناس جت حاشت بنا والموضوع خلص ومحمد كان واخد حصه في العماره الى محل العصير بتاعي فيها في شارع المسله الكوربة مكنتش عايز يكون ليه حصه في العماره الي انا فيها وكان في قضايا كتير بينه وبين صاحب العماره ولما كنا بنشوف بعض كان بيحصل ساعات مشادات بنا لكن الناس كانت بتحوش
س: ومتى نشأت تلك الخلافات ؟
ج: من حوالي خمس سنين تقريباً
س: والى أي مدى تطورت تلك الخلافات ؟ ج كان بيحصل بنا مشاكل واتخانقنا مع بعض وضربنا بعض من خمس سنين والناس حلت ما بنا ولما كنا بنشوف بعض كان بيحصل ساعات مشادات بنا لكن الناس كانت بتحوش
س: ما هي كيفية ارتكابك لتلك الواقعة ؟ ؟
ج: انا لقيت ماشي قدام محل العصير بتاعي وعمال يزعق لأن في خلافات سابقه بنا فا خرجت من المحل وكان معايا مطوه في جيبي وكنت قرفان منه ومن المشاكل الي
بتحصل بنا طلعت المطوه من جيببي ودخلت على محمد عبد الرازق وضربته بيها اكثر من ضربه ومش فاكر كام ضربه تقريبا ووقع على الأرض وفضلت اضرب فيه
بالمطوه ووقعت فوقه على الأرض ومحستش بنفسي لقيتني عمال اغرز المطوه في بطنه والناس اتلمت وقعدت تحوش وانا مكنتش عايز اسيبه وفضلت اضرب فيه لحد
ما الناس حاشتني وقعدت الاهالي يضربو فيا بالكراسي عشان اقوم من عليه لكن فضلت اضرب فيه بالمطوه وبعدها قولتله انت الي وصلتني اني اعمل فيك كذا وبعدها
الناس حاشتني وقومتني من عليه. 
س: هل اشترك معك احداً في ارتكابها ؟
ج: لا انا طلعت ضربته بالمطوه من نفسي محدش تانى ضربه غيري ...
س: هل قام بتحريضك ثمة اشخاص على التعدي على المجنى عليه ؟
ج: لا
س/ ما هي كيفية قيامك بالتعدي على المجني عليه محمد عبد الرازق محمد عبد الرحيم واحداث اصابته والتي أودت بحياته ؟
ج انا طلعت المطوه من جيببي ودخلت على محمد عبد الرازق وضربته بيها اكثر من ضربه ومش فاكر كام ضربه تقريباً ووقع على الأرض وفضلت اضرب فيه بالمطوه ووقعت فوقه على الأرض ومحستش بنفسى لقيتنى عمال اغرز المطوه في بطنه والناس كانت تحوش وانا مكنتش عايز اسيبه وفضلت اضرب فيه لحد ما الناس حاشتني وقعدت الاهالي يضربو فيا بالكراسي عشان اقوم من عليه لكن فضلت اضرب فيه بالمطوه
س متى بدرت الى ذهنك تلك الفكرة ؟
ج / لما لقيت محمد ماشي قدام محل العصير بتاعي وعمال يزعق طلعت عليه بالمطوه
وضربته وجتلي فكره اني اضربه اول ما شوفته
س/ ما هي كيفية اعدادك وتنفيذ لها ؟
ج / انا لقيته داخل عليا وعمال يزعق طلعت المطوه من جيبي وضربته بيها
س / وما هو المخطط الاجرامي الذي اعدته نفاذاً لتلك الفكرة ؟
ج انا كنت زهقان منه ومش طايقه لقيت نفسي بطلع المطوه من جيبي وبضربه بيها وفضلت اضرب فيه كثير والناس كانت عماله تحوشني وانا مش راضي ابطل ضرب
فيه بالمطوه
س هل اشترك معك احد في ذلك ؟
ج لا محدش اشترك معايا .
س وما هو السلاح او الاداة التي استخدمتها في ذلك التعدي ؟
ج هي سطوة قرن غزال .
س / كيف تحصلت على ذلك السلاح الابيض ؟
ج انا اشتريته من سوق العبور س/ وهل اعتدت حملك لذلك السلاح الابيض ؟
ج ايوه
س/ ولم تعتاد ذلك ؟
ج: بسيبه معايا في جيبي على طول وساعات بقطع بيه حاجات في محل العصير بتاعي .
س / وما عدد الطعنات والضربات التي كالتها للمجني عليه ؟
ج انا شريته كذا ضربه لكن مش فاكر كانت كام واحده لأن الدنيا كانت رحمه وكان في دوشه و انا كنت زهقان منه ومفكرتش في عدد الضربات والطعنات