الغندور يتدخل لحل أزمة أحمد شوبير وعصام الحضري.. تفاصيل

شهدت الساعات الماضية أزمة ومشادات كلامية بين أحمد شوبير وعصام الحضري بعدما أدلى أحمد شوبير بتصريحات مثيرة عبر برنامج "أسرار" على قناة النهار، ليوجه الكابتن خالد الغندور رسالة لهما لتهدئة الوضع.

وقال خالد الغندور من خلال فيديو عبر حسابه الشخصي على فيسبوك: « متخلوش الناس توقع بينكم، وتولع ما بينكم انتم نجوم كبار وقدمتوا تاريخ كبير مع الأهلي، شايف تراشق كبير مابينهم دلوقتي والناس بتولعها اكتر، كل سنه وانتم طيبين ورمضان كريم رمضان شهر الخير والتسامح والمحبة، عايزكوا تهدوا انتم اخوات متخلوش الناس توقع مابينكم».

وكان قد صرح أحمد شوبير من خلال برنامج "أسرار" على قناة النهار: «أنا عمري ما تكلمت عليه غير بكل تقدير، إحنا نقول عليه أسطورة، بس مينفعش هو يقول على نفسه، ولأسباب كتيرة هو بيقول، لإن الثقافة مهمة، وهي مش موجودة عند عصام، وعشان كده الموضوع بقى سخيف».

ورد عصام الحضري على هذه التصريحات عبر حسابه الشخصي على فيسبوك: «بتكلمنى عن الثقافة وكانت فين الثقافة  وانت   مطرود من شغلك وقاعد فى البيت   مرة  واتنين لمخالفتك القواعد المهنية فى الإعلام ومتعلمتش، وكانت فين الثقافة  وأنت بتتوقف  لإثارة الفتن والتعصب  ومتعظتش، وكانت فين الثقافة  وأنت  بتهدد رئيس لجنة المسابقات بالرحيل  وبتحرض الجماهير  على الشغب والتجاوزات  ومخوفتش، وكانت فين الثقافة وأنت مثل حى للتلون  والتطبيل وتغير المواقف  يا مثقف عصرك واوانك».