رامي رضوان ينتقد قرار رفع البنزين: "الناس مش لاقية.. والزيادة غير منطقية"
وجّه الإعلامي رامي رضوان انتقادات لاذعة للحكومة المصرية بعد قرار رفع أسعار البنزين والسولار، متسائلًا عن مدى مراعاة الحكومة لأحوال المواطنين، في ظل أوضاع اقتصادية صعبة، مؤكدًا أن "الناس مش لاقية وهتجيب منين؟".
"الناس مشغولة بماكرون وزيزو وصلاح.. فالحكومة اختارت الوقت"
قال رضوان خلال منشور له: "الحكومة لقت الوقت مناسب قوي، الناس مبسوطة بزيارة ماكرون وجولته مع الرئيس، ومشغولين بحوارات زيزو رايح الأهلي ولا الزمالك، وده زعلان وده غضبان وده فرحان وده بيكيد، وشوية مبسوطين بمحمد صلاح وتجديد عقده، فالناس ملهية في كذا حاجة، وحاجة آخر السطر: إذا حان الوقت، ارفع البنزين والسولار!!".
"الحكومة نسيت أهم عنصر.. الناس"
وتابع رضوان: "يبدو إنهم بصوا على كل اللي فوق، وعلى شروط الصندوق وغيره وغيره، لكن نسيوا حاجة واحدة بس، هي الأهم، بس يبدو مش بالنسبة للحكومة: الناس !!!!!!".
"الناس هتجيب منين؟"
طرح الإعلامي المعروف سؤالًا صريحًا: "الناس هتعمل إيه؟ هتجيب منين؟!
ده سؤال فيه أفورة وتضخيم؟
تعالوا نعمل مقارنة بسيطة بربع جنيه (من بتاع 2025)، حسبة على سبيل المثال لا الحصر يعني، وأتمنى الحكومة تكون واخده بالها منها ومن اللي زيها".
"زيادة البنزين 1750% مقابل 583% بس في الحد الأدنى للأجور"
أوضح رضوان في مقارنته: "في 2014، كان سعر بنزين 80 هو 90 قرش، وفي 2025 أصبح 15.57 جنيه، أي بنسبة زيادة 1750%، رقم مش طبيعي، يخض!!".
واستكمل رضوان: "يمكن قصاده الحد الأدنى للأجور وزيادته ظبط الكفة شوية؟
2014 الحد الأدنى للأجور كان 1200 جنيه، وفي 2025 أصبح 7000 جنيه، بنسبة زيادة حوالي 583%، الفرق 1167%.
"ده مش تضخيم.. ده الحد الأدنى من الكلام"
وأكد رضوان أن: "ده منطقي؟ معقول؟ محسوب؟ مقصود؟ يبقى "الناس هتعمل إيه وهتجيب منين؟" سؤال لا فيه أفورة ولا تضخيم، ده أدنى وأقل وأدنى وأقل ما يمكن أن يقال، (وتكرارهم مقصود مش غلطة!)".
"رفقًا بالناس.. ودي مش دعوة لهجوم"
واختتم رسالته للحكومة قائلًا: "يا حكومة.. الناس هتحلي بقها إمتى طيب؟! رفقًااااااااا، رفقًااااااااااا، رفقًاااااااااااااااااااا.
والله أنا لا عايز أهاجم حد، ولا أسخن حد، ولا غرضي أي حاجة غير الخير لبلدي وأهل بلدي، وأظن إن كل اللي يعرفني وكان بيشوف برامجي على مدار 18 سنة فاتت، ماشفش مني غير المبدأ ده فقط".
ونقدم لكم من خلال موقع (خلف الحدث)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر ، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري المصري، دوري أبطال أوروبا ، دوري أبطال أفريقيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.