أول تعليق من حسام حبيب: خطوبة إيه؟ خلّيتوا الموضوع يتعقّد
أول تعليق من حسام حبيب: خطوبة إيه؟ خلّيتوا الموضوع يتعقّد
خرج الفنان حسام حبيب عن صمته أخيرًا، ليرد على الشائعات المتداولة خلال الأيام الماضية حول ارتباطه بعارضة الأزياء الأردنية "سارة"، مؤكدًا أن ما تم تداوله لا أساس له من الصحة، بل تسبب في إفساد الأمور وتعقيدها.
سبقوا الأحداث وبوّظوا كل حاجة
في تصريحاته لبرنامج "ET بالعربي"، قال حسام حبيب:"الموضوع ما وصلش خالص للخطوبة، هما سبقوا الأحداث وخلّوا الموضوع يتعقّد بدل ما يحصل فيه خير.
الحاجة اللي بيتكلموا عنها عمرها ما وصلت لربع اللي بيتقال، وأنا مش فاهم الناس عايزة إيه مني!".
وأعرب عن غضبه من التدخل المستمر في حياته الخاصة، مضيفًا:"كل شوية الناس بتخربلي حياتي، ولو في حاجة كانت ممكن تحصل، كده بوّظتوها، لأن أهل البنت ليهم عاداتهم وتقاليدهم وناس محترمين جدًا".
من هي سارة؟
سارة هي عارضة أزياء أردنية تبلغ من العمر 25 عامًا، أي أصغر من حسام حبيب بحوالي 20 عامًا، تمتلك حضورًا لافتًا على منصات التواصل الاجتماعي، حيث تنشر صورها من جلسات التصوير والمناسبات العامة.
ورغم شهرتها في الأردن، لم تكن معروفة على نطاق واسع في مصر قبل تداول صورها مع حسام حبيب في إحدى الحفلات الصيفية.
بدأت الشائعات بالانتشار بعد تداول صور لهما في حفل خاص بملابس بيضاء، بحضور المنتجة سارة الطباخ والملحن محمود الخيامي، لتقوم بعدها سارة بمشاركة Story على إنستجرام على أنغام أغنية "شوفت بعينيا"، وأعاد حسام نشرها، مما زاد من الشك.
التريند أهم من احترام الناس؟
تحدث حسام بحدة عن تأثير هذه الشائعات على حياته الشخصية:"دلوقتي بيتكلموا عن بنت ليها أهل وناس، وبقى همهم الفيديو يجيب كام مشاهدة؟! إحنا كنا بنتربى على احترام البنات والعائلات، إيه اللي حصل للمصريين؟".
تهديدات قانونية: "أنا هكبر الموضوع"
وأكد حسام حبيب أنه لم يصرّح لأي وسيلة إعلامية بخبر الخطوبة، وهدد بمقاضاة كل من ذكر باسمه أو صرّح باسمه دون إذنه:"أنا ما قلتش لأي حد، واللي كتب الكلام ده على لساني هحبسه، لأن البنت دي بنت ناس كبيرة أوي في الأردن، وهندخل قضايا ونشوف بقى".
مش عايز تريند... عايز أعيش في سلام
اختتم حسام حديثه مؤكدًا أنه لم يعد مهتمًا بمواقع التواصل أو بالتريند، قائلًا: "طلعت مع بسمة وهبة وقلت إن الجمهور بقى آخر همي، لأن خلاص، أنا مش عايز تريند، أنا عايز أعيش بسلام".