استمرار حبس الطالبة المتهمة بالتخلص من الطفلة ملك بالمشاعلة
قررت محكمة الطفل بشمال الزقازيق برئاسة المستشار أحمد حبيب، استمرار حبس طالبة الثانوي دينا صلاح محمد المتهمة في جناية قتل الطفله ملك أدهم أحمد بمنطقة المشاعلة ابو كبير مدة ١٥ يوم على ذمة التحقيقات.
وحضر محامى والدى المجنى عليها الأستاذ حسام النبوى المحامى.
اعترفت الطالبة في الصف الأول الثانوي المتهمة بالتخلص من طفلة المشاعلة أبو كبير شرقية، في التحقيقات قائلة"اللي حصل اني انا من زمان كان نفسي اشتري تليفون فأنا طلبت كذا مره من بابا و ماما انهم يجيبوا لیا وهما مش رضيوا فانا فكرت من زمان اني لازم اجيب أي فلوس من أي حته عشان اشتري الموبيل ده فقولت ليهم في البيت ان يمكن اشتغل في استديو عشان اجيب فلوس للموبيل ده فهم في البيت مش رضيوا اني اشتغل برا البيت فانا وقتها بدأت افكر اني اسرق من أي حد عشان اشتري التليفون ده، وامبارح الخميس كنت واقفه في البلكونة لقيت ملك جارتنا معدية في الشارع كانت ماشية لوحدها أول مره وكانت لابسه تيشرت كحلي وبنطلون اسمر وشبشب ولمحت في ودانها حلق ذهب و هي كانت رايحه لدكان و أنا عارفه إنها هترجع تروح بيتها عشان بيتها قدام بيتنا وبعدها نزلت تحت و روحت عند الباب الخشب بتاع العمارة من تحت وقولت لايات اختي قولي لملك و هي راجعة من الدكان تطلع تلعب معاكي فوق وفعلا وهي راجعة آيات ندهت عليها وقالت لها تعالي العبي معايا فوق وطلعوا الاثنين علي فوق وانا قفلت الباب الحديد وطلعت وراهم وأول ماطلعو فوق هما الاثنين ملك قلعت الشبشب بتاعها بره قدام باب الشقة وأول ما دخلت الشقة حطت كيسين الشامبو علي الترابيزة اللي في الأوضة اللي كان فيها الألعاب واختي آيات هي و ملك راحوا يطلعوا اللعب علشان يلعبوا مع بعضهما الاثنين وهي فعلا طلعت كرتونة اللعب منتحت السرير وقبل ما يفردو اللعب علي الأرض قلت لايات اختي انزلي تحت واستني قدام البيت بابا وماما وأول ما ييجوا اطلعي قوليلي علي طول فلما ملك شافت آیات نازلة كانت عايزة تنزل معاها وانا قلتلها تعالي يا ملك العبي انتي و آيات هتيجي تاني وملك راحت الطرقة اللي فيها الحمام اللي فيها الكرتونه وطلعت برة علي السلم علشان أتاكد ان آيات نزلت تحت وفعلا لقيتها نزلت عند البوابة ودخلت تاني لقيت ملك قاعدة في الطرقة ومدياني ظهرها وموطية علي الكرتونه بتجيب اللعب اللي هتلعب بيها وحطيت ايدي على بوقها وكتمت بايدي مناخيرها و بوقها شوية وشديتها وقعدت تخبط بايديها الاثنين علي رجلي وانا في ظهرها وعاوزه تزقني وكانت بتحاول تتكلم ومش قادرة علشان انا ايدي علي بوقها وفضلت حاطة ايدي شوية تقريبا خمسة عشرة ثانية لحد ما هي سكتت وبطلت تخبيط فسبتها وبعد كده هي وقعت على الأرض على ظهرها واغمي عليها وفضلت أحاول افك الحلق من ودانها وقلت هيتفك في ايدي عادي وكنت ناوية لما يتفك اخدها اشيلها احطها على السطح لاني افتكرتها ماتت وبعدين لما لاقيت الحلق مش راضي يتفك قلت هاخدها الحمام علشان اقطع ودانها باي حاجه والدم مش يغرق الصالة في انا شلتها وايدي كانت تحت درعاتها وظهرها ليا وزحفتها لحد الحمام وخلصت عليها.