أحمد فهمي ينفي تورطه في أزمة منزل هنا الزاهد ويؤكد براءته

علّق الفنان أحمد فهمي على الاتهامات التي وُجهت إليه بشأن تداول فيديو لسيدة زعمت أن أسرة الفنانة هنا الزاهد استولت على منزلها، مؤكدًا أنه لا علاقة له بهذه القضية من قريب أو بعيد.

وخلال استضافته في برنامج Mirror، قال فهمي: "أنا مالي بالقصة دي؟ هو أنا اللي كنت مأجر البيت ده؟ هل أنا اللي كنت عايش فيه؟ كمية كبيرة من الاتهامات اتوجهت ليا وأنا بريء منها كلها".

وتساءل الفنان مستنكرًا: "هل عندي وقت أصلاً علشان أشارك في حاجات بالشكل ده؟ الكل عارف شغلي وارتباطاتي الفنية ومشاريعي السينمائية الفترة اللي فاتت، لو كان حد غيري اتوجه له الاتهام ده كان اتأثر هو وشغله كمان". وأضاف: "أنا لو فاضي أعمل كل الحاجات دي، مكنتش عملت فيلم واحد".

وأكد فهمي أنه شاهد الفيديو بعد تداوله بشكل واسع عبر مواقع التواصل الاجتماعي، موضحًا: "هو أنا اللي طلعت أحكام المحكمة؟ أنا اللي عملت محاضر؟ ده أنا أتحبس قبل ما نتكلم حتى عن الجانب الأخلاقي في الموضوع".

وشدد على أنه لا علاقة له بالأزمة نهائيًا، مضيفًا: "ماليش أي علاقة بالموضوع، ولو حتى فكرت أعمل حاجة زي دي كشرّ مش هعرف أعملها".