نجار مسلح: سلمت المنقبة للشرطة في واقعة مقتل صاحب مطعم بزاوية دهشور
حصل موقع خلف الحدث على نص التحقيقات في قضية مقتل صاحب مطعم فراخ مشوية على يد جاره عاشور عبد الغني تاجر الأدوات المنزلية بزاوية دهشور مركز البدرشين بالجيزة، وينشر الموقع أقوال شاهد الاثبات الثاني في الواقعة ماهر عقل 39 سنة نجار مسلح، والذي كشف تفاصيل دقيقة في لحظات انهاء حياة المجني عليه وسر الخلافات بينهما.
تضمنت تحقيقات النيابة سؤاله في تفاصيل الواقعة
س: ما صلتك بالمجني عليه، المتوفي عبد التواب ماضي ، وهل توجد بينك وبينه خلافات سابقة ؟
ج: هو صلتي بيه معرفه عاديه لأنه ابن بلدي وفاتح محل فراخ جمبينا ومفيش بيني وبينه اي خلافات او حاجة.
س: ما هي صلتك بالمتهم عاشور عبدالغني، وهل توجد بينك وبينه خلافات سابقة ؟
ج: هو بردوا جارنا من نفس المنطقة بتاعتنا فالبلد زاوية دهشور ومفيش بردوا بيني وبينه خلافات .
س: ما معلوماتك بشأن الواقعة محل التحقيق ؟.
ج: هو اللي حصل ان انا كنت واقف قدام البيت عندي ولقيت ست لابسه منقبه جت عدت من قدام البيت وبتجري وبعديها بحوالي دقيقتين لقيت عاشور عبد الغني جه بالتوكتوك اللي سايقه احمد سعد محمد وبعدين وقف التوكتوك ولقيت عاشور بيقولي في واحده ست كانت بتجري من هنا قلتله اه في حاجة ولا اي راح قالي اه الست دي انا مسكتها مع عبد التواب ابو ماضي في وضع مش كويس تعال اركب معايا رحت قلتله لأ يا عاشور انا مليش دعوه بالسهرايه ال انت بتتكلم فيها دي وبعدين لقيته لف بالتوكتوك وفجاه لقيت الست دي ظهرت تاني فرحت قلتلها انتي الناس دي بتجري وراكي ليه في اي راحت قالتلي ينفع اخش جوه عندك تحميني منهم قلتلها انا معرفكيش انتي عملتي حاجه معاهم او اختي حاجه منهم وراح عاشور جه ونزل فيها شتايم قلها انتي فاكره نفسك هتخلعي منك يا شرموطه يابت المتناكه وجه عاوز يضربها بايده رحت قلتله یا عاشور متمدش ايدك عليها وبعدين راحت اتكلمت فالتلفونولقيتها بتديني التلفون وبتقولي كلم فكلمت لقيت عبد التواب ابو ماضي اللي بيكلمني وبيقولي الست دي فين قلتله دي عندي قدام البيت راح قالي طب متخليش حد يكلمها وانا جايلك وبعديها بحوالي 3 دقايق لقيت عبد التواب ماضي جه ودخل وسطينا ومسك الست دي من ايديها وقالها يلي يا بت راح عاشور قاله انتي ازاي تاخدها من وسطيني احنا مش معراصين لازم نعرفها هيا بينت مين ومرات مين وبعدين راح عاشور وعبد التواب مسكوا ف بعض بالايد وراح عبد التواب ضرب عاشور بالبونيه في وشه وبعدين راح عاشور طلع المطوه وراح ضربه في دماغه وراح اداله ضربه في فخده وبعدين راح غزه في جمبه الشمال وبعدين لقينا عبد التواب وقع بجمبه في الارض وراح عاشور واحمد سعد شالوا عبد التواب وحطوه في التوكتوك مع الناس جيرانا اللي كانت واقفه وبعدين احمد ركب التوكتوك ودوره وطلع على المستشفي الاسلاميه وبعدين انا لقيت الست اللي لابسه نقاب عاوزه تمشي فقلتلها مينفعش بعد اللي حصل تمشي وبعدين قلتلها هوديكي النقطه وهي تحل بينكم انتوا التلاته وبعدين سلمتها لنقطه زاوية دهشور وسألوني في النقطه وحكيتلهم على اللي حصل وبعدين روحت بيتي لحد ما جيتوا وقابلتكم عند البيت وجيت معاكم هنا وده كل اللي اعرفه عن الموضوع ده .
س: متى وأين حدثت تلك الأحداث ؟
ج: الكلام ده بدأ من بعد الساعة تلاته ونص العصر تقريبا النهارده قدام بيتي مباشرة اللي في شارع وسط البلد بقرية زاوية دهشور بالبدرشين .
س: وما سبب ومناسبة تواجدك بالزمان والمكان، سالفي الذكر ؟
ج: انا كنت واقف علي عتبه الباب ف الهوا عادي
س: من كان برفقتك، وقت حدوث ما تقدم ؟
ج: انا كنت في الاول واقف لوحدي قدام بيتي وبعدين جت الست ام نقاب وبعديها جه عاشور عبد الغني فالتوكتوك مع احمد سعد وبعدين عبد التواب ماضي الله يرحمه جه وناس جيرانا كلهم اتلموا فالشارع .
س / ما الحالة التي أبصرت عليها المتهم عاشور عبدالغني، لأول وهلة منذ بداية الواقعة محل التحقيق ؟
ج عاشور عبدالغني اول ما شفته كان فالتوكتوك راكب ورا مع احمد سعد وسألني على الست المنقبة
س/ هل وقفت علي هوية هذه السيدة التي كانت ترتدي النقاب ، سابقة البيان؟
ج: لا معرفهاش .
س: ما هي صلتها بالمجني عليه المتوفي عبد التواب ماضي ؟
ج لا معرفش وهي كانت منقبه فمحدش عرف هيا مين .
س: ما اذا الحالة التي كانت عليها هذه السيدة سالفة الذكر، التي كانت ترتدي النقاب، حال رؤيتك اياها، لأول وهلة ؟
ج هي كانت بتجري وفي ايديها كيس ابيض وشنطه تانيه تقريبا وكانت لابسه نقاب وعبايه سمرا .
س: ما تعليلك، لتصرفها هذا ؟
ج: ميه فالميه في حد بيطاردها.
س: وهل وقفت علي هوية الشخص الذي يقوم بمطاردة هذه السيدة سابقة الذكر ؟
ج: اكيد عاشور عبد الغني .
س: وكيف وقفت علي ذلك ؟
ج: لأن أول ما عاشور سألني عليها وكان بيدور عليها بالتوكتوك.